Also Read: കാലിലെ രോമം വീട്ടിലിരുന്ന് ഷേവ് ചെയ്യുമ്പോള്‍ ശ്രദ്ധിക്കേണ്ട കാര്യങ്ങള്‍
വെള്ളത്തില്‍ ചേര്‍ത്ത് കുടിക്കാം
ഒരു ഗ്ലാസ് ചെറു ചൂട് വെള്ളത്തില്‍ ഒരു നാരങ്ങ നീരും ചേര്‍ത്ത് നിങ്ങളുടെ ദിവസം ആരംഭിക്കുന്നത് ഏറെ ഗുണം ചെയ്യും. വൈറ്റമിന്‍ സിയാല്‍ സമ്പുഷ്ടമായത് കൊണ്ട് തന്നെ രോഗപ്രതിരോധശേഷി വര്‍ധിപ്പിക്കാന്‍ ഇത് സഹായിക്കും. വിഷവസ്തുക്കളും മാലിന്യങ്ങളും ശരീരത്തില്‍ നിന്ന് പുറന്താള്ളാനും ഇത് സഹായിക്കും. കൂടാതെ രാവിലെ ഈ മിശ്രിതം കുടിക്കുന്നത് മുഖത്തിന് തിളക്കം നല്‍കും. ഭാരം കുറയ്ക്കാന്‍ ശ്രമിക്കുന്നവര്‍ക്കും ഇത് ഉപയോഗിക്കാം.
കൈമുട്ടിനും കാലുകൾക്കും
ഒരു സൗന്ദര്യവര്‍ധകഘടകമെന്ന നിലയില്‍ നാരങ്ങ നമുക്ക് പലതരത്തില്‍ ഉപയോഗിക്കാം. പക്ഷെ നാരങ്ങാനീര് വളരെ വീര്യമുള്ളതിനാല്‍ നേര്‍പ്പിക്കാതെ ഉപയോഗിക്കുന്നത് വളരെ അധികം അപകടമുണ്ടാക്കും. കൈ മുട്ടുകള്‍ കാല്‍മുട്ടുകള്‍ എന്നീ ഭാഗങ്ങളിലെ കറുപ്പ് അകറ്റാന്‍ നാരങ്ങ പകുതി മുറിച്ച് അവിടെ തേയ്ക്കുന്നത് ഗുണം ചെയ്യും. പരുക്കന്‍ കൈകള്‍ ഉള്ളവര്‍ വിഷമിക്കേണ്ട, നാരങ്ങയും പഞ്ചസാരയും ഇതിനുള്ള ഉത്തമ പരിഹാരമാണ്. പഞ്ചസാര അലിഞ്ഞു പോകുന്നതുവരെ ഗ്രാനേറ്റഡ് പഞ്ചസാരയും നാരങ്ങയുടെ നീരും കൈകള്‍ കൊണ്ട് തടവുക. എന്നിട്ട് വെള്ളം ഉപയോഗിച്ച് കഴുകി കളയാം. പതിവായി ചെയ്യുന്നത് ചര്‍മ്മത്തിന്റെ ഘടന മെച്ചപ്പെടുത്താനും ടാന്‍ മാറ്റാനും സഹായിക്കും.
മുഖകാന്തിക്കും നാരങ്ങ
നാരങ്ങ നീരും റോസ് വാട്ടറും തുല്യ അളവില്‍ എടുത്ത ശേഷം ഈ മിശ്രിതം മുഖത്ത് തേച്ച് 10 മിനിറ്റിന് ശേഷം കഴുകി കളയാം. എണ്ണമയമുള്ള ചര്‍മ്മത്തിന് നിറം നല്‍കി സുഷിരങ്ങള്‍ അടയ്ക്കാന്‍ ഇത് സഹായിക്കും. എണ്ണമയമുള്ള ചര്‍മ്മമുള്ളവര്‍ ഒരു ഗ്ലാസ് വെള്ളത്തില്‍ അര നാരങ്ങയുടെ നീര് നേര്‍പ്പിച്ച് മുഖം കഴുകുന്നത് ഗുണം ചെയ്യും. ഇത് സാധാരണ ആസിഡ്- ആല്‍ക്കലൈന്‍ ബാലന്‍സ് പുനസ്ഥാപിക്കുന്നതിനും ഉപരിതലത്തിലെ എണ്ണ കുറയ്ക്കുന്നതിനും സഹായിക്കുന്നു. വേനല്‍ക്കാലത്ത്, ഒരു ഐസ് ക്യൂബ് ട്രേയില്‍ നാരങ്ങ വെള്ളം ഫ്രീസ് ചെയ്യുക. ഈ ഐസ് വൃത്തിയുള്ള തുണിയില്‍ പൊതിഞ്ഞ് എണ്ണമയമുള്ള ചര്‍മ്മത്തില്‍ മൃദുവായി തടവുക. ഇത് എണ്ണ കുറയ്ക്കുകയും അത്യധികം ഉന്മേഷദായകവുമാണ്.
മുടി അഴകിനും നാരങ്ങ
ഒരു ടീസ്പൂണ്‍ നാരങ്ങ നീര് തേന്‍ കലര്‍ത്തി ദിവസവും മുഖത്ത് പുരട്ടുക. തേന്‍ ചര്‍മ്മത്തെ മോയ്‌സ്ചറൈസ് ചെയ്യുമ്പോള്‍, നാരങ്ങ നീര് സാധാരണ ബാലന്‍സ് പുനസ്ഥാപിച്ച് കുറച്ച് സമയത്തിനുള്ളില്‍ ചര്‍മ്മത്തിന്റെ നിറം ലഘൂകരിക്കുകയും ചെയ്യുന്നു. മുടി കഴുകാനും നാരങ്ങ ഉപയോഗിക്കാം. ഒരു മഗ് വെള്ളത്തില്‍ നാരങ്ങാനീര് ചേര്‍ത്ത് ഷാംപൂവിന് ശേഷം അവസാനമായി മുടിയില്‍ ഒഴിച്ച് കഴുകി കളയാം. നാരങ്ങയുടെ തൊലി ഉണക്കി പൊടിച്ച് ഫേസ് പാക്കുകളിലും സ്‌ക്രബ്ബുകളിലും ഉപയോഗിക്കാം.