സവാള
ഇതിന് ആന്റി ഫംഗല്‍, ആന്റി ബാക്ടീരിയല്‍ ഗുണങ്ങളുമുണ്ട്. ശിരോ ചർമ്മത്തിൽ ഉണ്ടാകുന്ന താരൻ പോലുള്ളവയെ തടയുകയും മുടി കൊഴിച്ചിൽ നിയന്ത്രിക്കപ്പെടുകയും ചെയ്യും.സവാളയുടെ ഗുണം മുടിയ്ക്ക് പൂര്‍ണമായി ലഭിയ്ക്കാന്‍ ഏറ്റവും നല്ലത് ഇത് തനിയെ മുടിയില്‍ പുരട്ടുകയെന്നത് കൂടിയാണ്. മുടിയുടെ ആരോഗ്യത്തിനും കെരാറ്റിന്‍ ഏറെ പ്രധാനമാണ്. കെരാറ്റിന്‍ എന്ന പുറം പാളിയ്ക്കു കേടുണ്ടായാല്‍ മുടിയെ ഇത് ഏറെ ദോഷകരമായി ബാധിയ്ക്കും. ഇത് പ്രോട്ടീന്‍ പാളിയാണ്. ഇതിനെ സംരക്ഷിയ്ക്കാന്‍ സവാള നീര് നല്ലതാണ്.മറ്റ് ചേരുവകള്‍ കൂട്ടിക്കലര്‍ത്തിയാല്‍ ഇതിന്റെ ഗുണം കുറയുന്നു. ഇത് തനിയെ പുരട്ടാന്‍ മടിയെങ്കില്‍ മറ്റു ചില കൂട്ടുകള്‍ക്കൊപ്പവും ഉപയോഗിയ്ക്കാം.
തേനും
തേനും മുടിയുടെ ആരോഗ്യത്തിന് നല്ലതാണ്. ഇത് നല്ലൊരു കണ്ടീഷണര്‍ ഗുണം നല്‍കുന്നു. മുടി കൊഴിച്ചിൽ തടയാൻ സവാളനീരും തേനും ഒരു മികച്ച പ്രതിവിധിയാണ്. സവാളനീരിൽ അല്പം തേൻ ചേർത്ത് നന്നായി യോജിപ്പിക്കുക. ഈ മിശ്രിതം തലയോട്ടിയിലും മുടിയിലും തേച്ച് പിടിപ്പിച്ച ശേഷം അര മണിക്കൂർ കഴിഞ്ഞ് കഴുകാം. ആഴ്ചയിൽ ഒന്നോ രണ്ടോ തവണ ഇങ്ങനെ ചെയ്‌താൽ മുടി കൊഴിച്ചിൽ കുറയും.
സവാള
അല്പം വെള്ളം തിളപ്പിക്കുക. തിളയ്ക്കുന്ന വെള്ളത്തിലേക്ക് ചെറിയ കഷ്ണങ്ങളായി മുറിച്ചെടുത്ത സവാള ഇടുക. നന്നായി തിളച്ച് ഉള്ളിയുടെ സത്ത് വെള്ളത്തിലേക്ക് ഇറങ്ങാൻ അനുവദിക്കണം. ഈ മിശ്രിതം തണുത്ത ശേഷം ഈ വെള്ളം തലയിൽ തേച്ച് പിടിപ്പിക്കുകയോ ഈ വെള്ളം ഉപയോഗിച്ച് തല കഴുകുകയോ ചെയ്യാം. സവാളനീര് ശിരോചർമ്മത്തിൽ പുരട്ടുന്നതിനു അര മണിക്കൂർ മുമ്പ് ചൂട് വെള്ളത്തിൽ മുക്കിയ ഒരു തുണി പിഴിഞ്ഞെടുത്ത ശേഷം അതുകൊണ്ട് തല നന്നായി പൊതിയുക. അതിനു ശേഷം സവാളനീര് തേച്ചാൽ ഇതിന്റെ ഗുണങ്ങൾ തലയോട്ടിയിൽ ശരിക്കും പിടിക്കും.
Also read: അകാല നര മാറ്റാൻ ഈ ആയുർവേദ പൊടിക്കൈകൾ പരീക്ഷിക്കൂ
വെളിച്ചെണ്ണ
രണ്ട് സ്പൂൺ വെളിച്ചെണ്ണയിൽ ഒരു സ്പൂൺ സവാളനീര് ചേർത്ത് നന്നായി ഇളക്കുക. ഇത് ശിരോചർമ്മത്തിലും മുടിയിലും നന്നായി തേച്ച് പിടിപ്പിക്കണം. ഒരു മണിക്കൂറിനു ശേഷം ഇളം ചൂട് വെള്ളത്തിൽ മുടി കഴുകാം. ആഴ്ചയിൽ ഒന്നോ രണ്ടോ തവണ ഇങ്ങനെ ചെയ്യുന്നത് ആവർത്തിച്ചാൽ മുടി ധാരാളമായി വളരും.
സവാളയുടെ മണം മുടിയിൽ നിന്ന് കളയാൻ മുടി കഴുകുമ്പോൾ ഏതെങ്കിലും നല്ല ഒരു ഷാംപൂ ഉപയോഗിക്കാവുന്നതാണ്.