റാഗി അഥവാ പഞ്ഞപ്പുല്ല്
സംഗതി മറ്റൊന്നുമല്ല, റാഗി അഥവാ പഞ്ഞപ്പുല്ല്. ഇതിന്റെ പൊടിയാണ് പലയിടത്തും ചെറിയ കുഞ്ഞുങ്ങള്‍ക്ക് കുറുക്കുണ്ടാക്കി നല്‍കുവാന്‍ ഉപയോഗിയ്ക്കുന്നത്. ആരോഗ്യപരമായ ഗുണങ്ങളാല്‍ സമ്പുഷ്ടമായ ഇതിന്റെ ചില പ്രത്യേക ഗുണങ്ങള്‍ തന്നെയാണ് ചര്‍മത്തിനും ഗുണം നല്‍കുന്നത്. ഇതില്‍ ഫിനോലിക് ആസിഡ്, ടാനിനുകള്‍, ഫ്‌ളേവനോയ്ഡുകള്‍ എന്നിവയെല്ലാം തന്നെ അടങ്ങിയിട്ടുണ്ട്. ഇതാണ് ചര്‍മത്തിന് ഗുണകരമാകുന്നത്. ചര്‍മത്തിനു നിറം ലഭിയ്ക്കുന്നു, ചര്‍മം തിളങ്ങുന്നു.
റാഗിയുടെ ആന്റി ഓക്‌സിഡന്റ് ഗുണങ്ങള്‍
റാഗിയുടെ ആന്റി ഓക്‌സിഡന്റ് ഗുണങ്ങള്‍ ചര്‍മത്തിന് ഇറുക്കം നല്‍കാനും ചുളിവുകള്‍ വീഴുന്നത് തടയാനും നല്ലതാണ്. ഇതിലെ ലൈസിന്‍ എന്നു പേരുള്ള അമിനോ ആസിഡുകളാണ് ഈ ഗുണം നല്‍കുന്നത്. ഇവയാണ് ചുളിവകറ്റാന്‍ സഹായിക്കുന്ന, ചര്‍മം തൂങ്ങാതിരിയ്ക്കാന്‍ സഹായിക്കുന്ന കൊളാജന്‍ ഉല്‍പാദനത്തിന് സഹായിക്കുന്നത്. ചര്‍മത്തെ സൂര്യാഘാതത്തില്‍ നിന്നും സംരക്ഷിയ്ക്കുന്നതിനും ഹൈപ്പര്‍ പിഗ്മെന്റേഷന്‍ തടയുന്നതിനും റാഗി ഏറെ നല്ലതാണ്. ചര്‍മത്തിലെ മൃതകോശങ്ങളെ നീക്കം ചെയ്ത് മൃദുവായ ചര്‍മം ലഭിയ്ക്കാനും ഇതേറെ നല്ലതാണ്.
പാലും
റാഗിയ്‌ക്കൊപ്പം ഇതില്‍ പാലും കൂടി ചേര്‍ക്കും. പാല്‍ തിളപ്പിയ്ക്കാത്തതു വേണം, ഉപയോഗിയ്ക്കാന്‍. പാല്‍ ചര്‍മത്തിന് സ്വാഭാവിക ഈര്‍പ്പം നല്‍കുന്ന ഒന്നാണ്. ചര്‍മത്തില്‍ ചുളിവുകള്‍ വീഴുന്നതു തടയുന്ന, വരണ്ട ചര്‍മം തടയുന്നതു വഴി പ്രായക്കുറവ് തോന്നിപ്പിയ്ക്കാന്‍ സഹായിക്കുന്ന ഒന്ന്. ഇത് നല്ല കൊഴുപ്പുകളുടെ ഉറവിടം കൂടിയാണ്. പ്രോട്ടീന്‍ സ്മ്പുഷ്ടവും. ഇതിനാല്‍ തന്നെ ചര്‍മത്തിന് ഗുണകരവുമാണ്. Also read: വയസ്സ് 30 കഴിഞ്ഞോ? എങ്കിൽ ഈ 10 ഭക്ഷണങ്ങൾ നിർബന്ധമായും ഡയറ്റിൽ ഉൾപ്പെടുത്തുക
ഈ ഫേസ് പായ്ക്ക്
ഈ ഫേസ് പായ്ക്ക് തയ്യാറാക്കാന്‍ ഏറെ എളുപ്പമാണ്. റാഗി അഥവാ പഞ്ഞപ്പുല്ല് ഉണക്കി പൊടിയ്ക്കുക. ഇതിലേയ്ക്ക് പാല്‍, തിളപ്പിയ്ക്കാത്ത പാല്‍ ചേര്‍ത്തിളക്കുക. ഇത് മുഖത്തു പുരട്ടാം. പതുക്കെ സ്‌ക്രബ് ചെയ്യാം. പിന്നീട് ഇത് ഉണങ്ങുമ്പോള്‍ കഴുകിക്കളയാം. ഇത് അടുപ്പിച്ച് ചെയ്യുന്നത് ചര്‍മത്തിന് നല്ല തിളക്കവും നിറവും നല്‍കും. ചര്‍മം അയഞ്ഞു തൂങ്ങാതിരിയ്ക്കാന്‍ സഹായിക്കും. ഇത് അടുപ്പിച്ച് അല്‍പ നാള്‍ ചെയ്താല്‍ ചര്‍മത്തിന് ഏറെ ഗുണകരമാണ്.