എന്തിന് കൂടുതൽ പറയുന്നു, ബോളിവുഡ് സുന്ദരികളായ പ്രിയങ്ക ചോപ്ര, കരീന കപൂർ ഖാൻ തുടങ്ങിയവരുടെയെല്ലാം തങ്ങളുടെ തിളങ്ങുന്ന ചർമ്മത്തിനു പിന്നിലെ രഹസ്യം മഞ്ഞൾ തന്നെയാണെന്ന് അവർ തുറന്നു പറഞ്ഞിട്ടുണ്ട്.
ചർമ്മം മിനുസപ്പെടുത്താൻ
മഞ്ഞളിൽ നിറഞ്ഞിരിക്കുന്ന വിശേഷപ്പെട്ട ഗുണങ്ങളുടെ പേരിൽ തന്നെ ഇതിന്ന് നാമുപയോഗിക്കുന്ന പല സൗന്ദര്യവർധക ഉൽപ്പന്നങ്ങളുടേയും പ്രധാന ഭാഗമായി മാറിയിട്ടുണ്ട്. സുന്ദരമായ ചർമ്മസ്ഥിതി സ്വപ്നം കാണുന്നവരാണെങ്കിൽ നിങ്ങളുടെ ദൈനംദിന സൗന്ദര്യസംരക്ഷണ ശീലത്തിൽ ഇനിമുതൽ മഞ്ഞൾ ഉപയോഗപ്പെടുത്താം. ചർമ്മത്തിന്റെ ആരോഗ്യം മെച്ചപ്പെട്ടതാക്കി മാറ്റിയെടുക്കുന്നതിനായി, ദിനചര്യയിൽ മഞ്ഞൾ ഉൾപ്പെടുത്തേണ്ടതെങ്ങനെ എന്നതിനെ പറ്റിയുള്ള കാര്യങ്ങൾ നമുക്കിന്ന് കണ്ടെത്താം.
മോയ്‌സ്ചുറൈസറിൽ മഞ്ഞൾ ചേർക്കാം
കേൾക്കുമ്പോൾ അല്പം വിചിത്രമായി തോന്നാൻ സാധ്യതയുള്ള കാര്യമായിരിക്കും ഇത്. ചർമ്മത്തെ കൂടുതൽ ഈർപ്പമുള്ളതാക്കി മാറ്റാൻ ദിവസവും മോയ്‌സ്ചുറൈസർ ഉപയോഗിക്കുന്നവരാണ് എല്ലാവരും. ഇത്തരത്തിൽ മോയിസ്ചറൈസറുകൾ ഉപയോഗിക്കുമ്പോൾ അതിലേക്ക് അല്പം മഞ്ഞൾപ്പൊടി കൂടി ചേർത്ത് ഉപയോഗിച്ചാൽ ലഭിക്കുന്ന ഗുണങ്ങൾ എത്രയോ ഇരട്ടിയാകും എന്നറിയാമോ? മഞ്ഞളിൽ ആൻറി-ഇൻഫ്ലമേറ്ററി പ്രോപ്പർട്ടികൾ കൂടുതലുള്ളതിനാൽ മോയിസ്ചറൈസറിനോടൊപ്പം ചേർത്ത് ഉപയോഗിക്കുമ്പോൾ ഇത് ചർമത്തിലെ കളങ്കങ്ങളെ കുറയ്ക്കാൻ സഹായിക്കുന്നു. മഞ്ഞൾപൊടി മുഖത്ത് പ്രയോഗിക്കുന്നത് ചർമ്മത്തിന് ശാന്തമായ ഗുണങ്ങൾ നൽകാൻ സാധിക്കുന്നു.
ചുണ്ടിൽ മഞ്ഞൾ പുരട്ടാം
ചുണ്ടുകളിൽ ഉണ്ടാവുന്ന അസ്വസ്ഥതകളെ കുറയ്ക്കാനും വരൾച്ചയെ തടയാനും ലിപ്പ് ബാമുകൾ ഉപയോഗിക്കുന്നവരാണ് കൂടുതൽ പേരും. നിങ്ങളുടെ പ്രിയപ്പെട്ട ലിപ് ബാമിന് പകരമായി വാസ്‌ലൈനിനോടൊപ്പം ഒരു നുള്ള് മഞ്ഞൾ കലർത്തി ഉപയോഗിച്ചാൽ മൃദുവായതും നിറമുള്ളതുമായ ചുണ്ടുകൾ ലഭിക്കും. ശൈത്യകാലത്തെ കാലാവസ്ഥ വ്യതിയാനങ്ങൾ കാരണം നിങ്ങളുടെ ചുണ്ടുകൾ അമിതമായി വരണ്ടുപോകുന്ന അവസ്ഥയുണ്ടെങ്കിൽ പ്രത്യേകിച്ചും ഉപയോഗപ്രദമായ ഒരു മാർഗമാണ് ഇത്. മഞ്ഞളിലെ ഗുണങ്ങൾ ചുണ്ടുകളിൽ ഉണ്ടാവുന്ന അസ്വസ്ഥതകളെ എളുപ്പത്തിൽ കുറയ്ക്കുകയും ആരോഗ്യവും അഴകുമുള്ള ചുണ്ടുകൾ ഉറപ്പാക്കുകയും ചെയ്യും.
മഞ്ഞൾ ചേർത്ത ഫെയ്സ് പാക്ക്
സൗന്ദര്യസംരക്ഷണത്തിനായി മഞ്ഞൾ ഉപയോഗിക്കാനുള്ള ഏറ്റവും മികച്ച മാർഗ്ഗം അത് ഫെയ്സ് മാസ്കുകളുടെ രൂപത്തിൽ ഉപയോഗിക്കുന്നത് തന്നെയാണ് എന്ന കാര്യം മിക്കവർക്കും അറിവുള്ള കാര്യമായിരിക്കും. മഞ്ഞൾ ഒരു പ്രധാന ചേരുവയായി ചേർത്ത ഫേസ് മാസ്കുകളുടെ ഉപയോഗം ചർമത്തിൽ അതിശയകരമായ ഫലങ്ങളെ പ്രകടമാക്കുന്നു. മഞ്ഞളിനോടൊപ്പം നിങ്ങൾക്ക് കടല മാവ്, തൈര്, നാരങ്ങ, പാല്, ചന്ദനപ്പൊടി, തുടങ്ങിയ ഒട്ടനവധി ചേരുവകൾ ഉപയോഗപ്രദമാക്കാം. പതിവായി മഞ്ഞൾ അടിസ്ഥാനമാക്കിയുള്ള ഫേസ് മാസ്കുകൾ ഉപയോഗിക്കുന്നത് ചർമ്മത്തിന്റെ രൂപഘടന മെച്ചപ്പെടുത്താനും ബ്ലാക്ക്ഹെഡുകളെ നീക്കം ചെയ്യാനും സഹായിക്കും.
Also read: മുഖത്ത് കുങ്കുമാദി തൈലം ഇങ്ങനെ പുരട്ടൂ, വ്യത്യാസം കാണാം
ഇരുണ്ട വൃത്തങ്ങൾ അകറ്റാൻ
പലപ്പോഴും ഉറക്കക്കുറവിൻ്റെ പ്രശ്നങ്ങൾ നിങ്ങളുടെ കണ്ണുകൾക്ക് താഴെയായി ഇരുണ്ട വൃത്തങ്ങൾക്കും തടിപ്പിനും ഒക്കെ കാരണമാകും. ഇത്തരം പ്രശ്നങ്ങൾ മുഖത്തിൻ്റെ സ്വാഭാവികതയും അഴകും കവർന്നെടുക്കുമെന്നുറപ്പാണ്. ഇതിനെ നേരിടാനായി നിങ്ങൾക്ക് എളുപ്പത്തിൽ മഞ്ഞൾ ഉപയോഗിക്കാനാവും. നിങ്ങളുടെ ചർമ്മത്തിന് ഏറ്റവും അനുയോജ്യമായ ഏതെങ്കിലും അവശ്യ എണ്ണയിയോടൊപ്പം മഞ്ഞൾ കലർത്തി കണ്ണുകൾക്ക് താഴെ പുരട്ടാം. കുറച്ച് മിനിറ്റ് നേരം ഇതൊന്നു മുഖത്തിരിക്കുമ്പോൾ തടിപ്പും ഇരുണ്ട നിറവും താനെ കുറയുന്നത് കാണാനാവും.
മഞ്ഞൾ ഉപയോഗിച്ചുകൊണ്ട് നിങ്ങളുടെ ചർമ്മ പരിപാലനത്തെ എങ്ങനെ കൂടുതൽ മികച്ചതാക്കി മാറ്റിയെടുക്കാം എന്ന കാര്യം ഇപ്പോൾ മനസ്സിലായില്ലേ? ദിവസേനയുള്ള നിങ്ങളുടെ സൗന്ദര്യസംരക്ഷണ ദിനചര്യയിൽ മഞ്ഞൾ കൂടി കൂട്ടിചേർത്ത് മികച്ച ചർമ്മസ്ഥിതി കരസ്ഥമാക്കുക.