തലയില്‍ എണ്ണയിരിയ്ക്കുന്നത്
താരനുള്ള പരിഹാരമായി തലയില്‍ എണ്ണയിരിയ്ക്കുന്നത് നല്ലതല്ല. കാരണം എണ്ണ തലയില്‍ ഇരുന്നാല്‍ അഴുക്കിനും മറ്റുമുള്ള സാധ്യത ഏറെയാണ്. മാത്രമല്ല, താരന് വളരാനാണ് ഇത് ഇടയാക്കുക. എണ്ണ മുടിയില്‍ പുരട്ടാന്‍ പറയുന്നത് തലയോട്ടിക്ക് ഈര്‍പ്പം നല്‍കാനാണ്. ഹോട്ട് ഓയില്‍ മസാജാണ് നല്ലത്. ഇത് രക്തചംക്രമണം വര്‍ദ്ധിപ്പിയ്ക്കും. മുടിവേരുകള്‍ക്ക് ഈര്‍പ്പം നല്‍കും. താരന് കുറയ്ക്കും. എണ്ണ തേച്ചാല്‍ അധികം കെമിക്കലുകള്‍ ഇല്ലാത്ത ഷാംപൂവോ ഹെര്‍ബര്‍ വഴികളോ വഴി ഇത് കഴുകിക്കളയുകയും വേണം. എണ്ണ തലയില്‍ വയ്ക്കുന്നത് താരന് വളരാനുള്ള സാഹചര്യം ഉണ്ടാക്കുകയേ ഉള്ളൂവെന്നര്‍ത്ഥം. എന്നു കരുതി വല്ലാതെ വരണ്ട ശിരോചര്‍മവും നല്ലതല്ല. അതും താരന്റെ വളര്‍ച്ചയെ സഹായിക്കുകയേ ഉള്ളൂ.
താരന് എണ്ണ പരിഹാരമാകുന്ന വഴികള്‍
താരന് എണ്ണ പരിഹാരമാകുന്ന വഴികള്‍ ഇത് ചൂടാക്കി മസാജ് ചെയ്ത് പുരട്ടുകയെന്നതാണ്. അല്‍പം കഴിഞ്ഞ് കഴുകിക്കളയാം. ഇത് മുടി വളരാനും നല്ലതാണ്. മുടിയില്‍ പുരട്ടാന്‍ ഉപയോഗിയ്ക്കുന്ന എണ്ണയില്‍ ആര്യവേപ്പില പോലുള്ള ചേരുവകള്‍ ഇട്ടു തിളപ്പിയ്ക്കുന്നത് താരനെ പ്രതിരോധിയ്ക്കാന്‍ സഹായിക്കും. ഓയില്‍ മസാജ് പൊതുവേ താരനെ പ്രതിരോധിയ്ക്കാനുള്ള നല്ലൊരു വഴിയാണ്.
താരനെ പ്രതിരോധിയ്ക്കാന്‍
താരനെ പ്രതിരോധിയ്ക്കാന്‍ മററു പല ഓയില്‍ വഴികളുമുണ്ട്.ഉലുവ, കറിവേപ്പില, വെളിച്ചെണ്ണ എന്നീ മൂന്ന് ചേരുവകൾക്കും മുടിയിൽ അത്ഭുതങ്ങൾ സൃഷ്ടിക്കാൻ കഴിവുള്ളവയാണ്. വെളിച്ചെണ്ണയിൽ ഉലുവയും കറിവേപ്പിലയും ചേർത്ത് കാച്ചിയെടുത്ത് തണുത്ത ശേഷം മുടിയിലും ശിരോചർമ്മത്തിലും പുരട്ടാം. ഇത് താരൻ അകറ്റാൻ സഹായിക്കും.
താരന്റെ പ്രശ്നം
കർപ്പൂരം പതിവായി ഉപയോഗിക്കുകയാണെങ്കിൽ താരന്റെ പ്രശ്നം ഫലപ്രദമായി ചികിത്സിക്കാൻ ഇതിന് കഴിയും. വെളിച്ചെണ്ണ അൽപം ചൂടാക്കി കർപ്പൂരം ചതച്ച് വെളിച്ചെണ്ണയിൽ കലർത്തുക. ചെറുചൂടുള്ള ഈ മിശ്രിതം നിങ്ങളുടെ തലയിൽ പുരട്ടി ശരിയായി മസാജ് ചെയ്യുക. ആഴ്ചയിൽ രണ്ട് തവണ ഇത് ഉപയോഗിക്കുക, ഒരു മണിക്കൂറിന് ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകുക.