വെളുത്ത കടല
ഈ പ്രത്യേക ചര്‍മക്കൂട്ടില്‍ ഉപയോഗിയ്ക്കുന്നത് വെളുത്ത കടലയാണ്. കടലമാവ് പൊതുവേ സൗന്ദര്യ, ചര്‍മ സംരക്ഷണത്തിന് മികച്ചതാണ്. കടലമാവ് പല തരത്തിലെ സൗന്ദര്യ-ചര്‍മ പ്രശ്‌നങ്ങള്‍ക്കും മരുന്നായി ഉപയോഗിയ്ക്കാം. ചര്‍മത്തിലെ മൃത കോശങ്ങള്‍ സ്‌ക്രബ് ചെയ്ത് നീക്കുവാനും അഴുക്കും ഒഴിവാക്കുവാനും ഈ ഫലപ്രദമായ കടലപ്പൊടി മികച്ചതാണ്. മുഖക്കുരു, പാടുകൾ തുടങ്ങിയ ചർമ്മത്തിലെ അപാകതകൾ തടയുന്നതിനും കരുവാളിപ്പിൽ നിന്ന് മുക്തി നേടുന്നതിനും മുഖത്തെ അനാവശ്യമായ രോമങ്ങൾ നീക്കം ചെയ്യുന്നതിനും ഇത് ഏറെ ഫലം ചെയ്യുന്നു. യാതൊരു ദോഷവും ചര്‍മത്തിന് വരുത്താത്ത സ്വാഭാവിക വഴിയാണിത്.
നാരങ്ങാനീരും പാല്‍പ്പൊടിയും
കടലയ്‌ക്കൊപ്പം ഇതില്‍ നാരങ്ങാനീരും പാല്‍പ്പൊടിയും ചേര്‍ക്കും. നാരങ്ങാനീരും മുഖത്തിന് ബ്ലീച്ചിംഗ് ഗുണങ്ങള്‍ നല്‍കുന്ന ഒന്നാണ്. ഇതിലെ വൈറ്റമിന്‍ സിയും സിട്രിക് ആസിഡുമെല്ലാം തന്നെ ഏറെ ഗുണങ്ങള്‍ നല്‍കുന്നു. നല്ലൊരു ക്ലെന്‍സിംഗ് ഏജന്റും ബ്ലീച്ചിംഗ് ഏജന്റുമാണ് നാരങ്ങ. മുഖത്തെ അമിത എണ്ണമയമടക്കമുള്ള പല പ്രശ്‌നങ്ങള്‍ക്കും ഇതൊരു സ്വാഭാവിക പരിഹാരമാണ്. പാല്‍പ്പൊടിയും ചര്‍മ സൗന്ദര്യത്തിനായി പല ചേരുവകളുടെ കൂടെ ഉപയോഗിയ്ക്കുന്ന ഒന്നാണ്.
മുഖത്തെ ചുളിവുകള്‍ മാറാനും
ഇവിടെ വെള്ളക്കടലയാണ് ഇതിനായി ഉപയോഗിയ്ക്കുന്നത്. ഇത് വെളളത്തിലിട്ട് കുതിര്‍ത്തുക. ഈ വെള്ളത്തില്‍ തന്നെ ഇത് നല്ലതു പോലെ അരച്ചെടുക്കുക. മുഖത്തു പുരട്ടാന്‍ പാകത്തിനുള്ള പേസ്‌ററക്കണം. ഇതില്‍ അല്‍പം പാല്‍പ്പൊടി ചേര്‍ത്തിളക്കണം. ഇതില്‍ ഒന്നു രണ്ടു തുള്ളി നാരങ്ങാനീരും ചേര്‍ക്കണം. മുഖം ഇളം ചൂടുവെള്ളത്തില്‍ കഴുകുക. മുഖം തുടച്ച് ഈ മിശ്രിതം പുരട്ടണം. ഇത് ഉണങ്ങുമ്പോള്‍ കഴുകാം. ആഴ്ചയില്‍ രണ്ടു മൂന്നു ദിവസം ഇതു ചെയ്യാം. മുഖത്തെ ചുളിവുകള്‍ മാറാനും ചര്‍മം അയയാതിരിയ്ക്കാനും ഇതേറെ നല്ലതാണ്. മുട്ടുവേദനയ്ക്ക് എരിക്കില മുറിവെണ്ണ പ്രയോഗം...