കുങ്കുമപ്പൂ
26 ഓളം ചേരുവകൾ ചേർന്നതാണ് കുങ്കുമാദി തൈലം, ഇതിൽ ഏറ്റവും പ്രധാനം വിലയേറിയ കുങ്കുമപ്പൂ തന്നെ. താമര, നീലോത്‌പലം തുടങ്ങിയ പുഷ്പങ്ങളുടെ സത്തും ഇതിൽ ചേർക്കുന്നുണ്ട്. ഇത് ചർമ്മത്തിൻറെ തിളക്കത്തിന് ഏറെ ഗുണകരമാണ്. ചർമ സുഷിരങ്ങളിലൂടെ അതിവേഗം ഇറങ്ങി ചെല്ലാനും മികച്ച രീതിയിൽ പ്രവർത്തിയ്ക്കാനും ഇതിനു കഴിയും.ചര്‍മത്തിന് തണുപ്പു നല്‍കാന്‍ സഹായിക്കുന്ന ചന്ദനവും ഇതില്‍ അടങ്ങിയിരിയ്ക്കുന്നു. ഔഷധ ഗുണങ്ങള്‍ നല്‍കുന്ന പല തരം സസ്യങ്ങളും ഇതില്‍ അടങ്ങിയിരിയ്ക്കുന്നു.
ചര്‍മത്തിന് ചെറുപ്പം
ചര്‍മത്തിന് ചെറുപ്പം നല്‍കാന്‍ കഴിയുന്ന സ്വാഭാവിക വഴിയാണിത്. ഇത് നല്ല കൊഴുപ്പുകളുടെ ഉറവിടമാണ്. ചര്‍മത്തിലേയ്ക്കിറങ്ങി ചര്‍മത്തിന്റെ വരണ്ട സ്വഭാവം മാറ്റുന്ന ഒന്നാണ് കുങ്കുമാദി തൈലം. വരണ്ട ചര്‍മമുള്ളവര്‍ക്ക് പ്രത്യേകിച്ചും ഉപയോഗപ്രദമാണിത്. മുഖത്തെ ചുളിവുകളും വരകളുമെല്ലാം അകറ്റാനും ഇത് വരുന്നത് തടയാനും ഇത് സഹായിക്കും. ചര്‍മത്തിന് പ്രായക്കുറവ് തോന്നിപ്പിയ്ക്കാന്‍ സഹായിക്കുന്ന സ്വാഭാവിക തൈലമാണിത്.
മുഖത്തിന് നിറം
മുഖത്തിന് നിറം നല്‍കുന്ന നല്ലൊരു വഴിയാണ് കുങ്കുമാദി തൈലം. ഇതിലെ ചേരുവകള്‍ മുഖത്തിന്റെ ടോണര്‍ ആയി പ്രവര്‍ത്തിയ്ക്കുന്ന ഒന്നാണ്. ഇത് ചര്‍മ കോശങ്ങളിലൂടെ ചര്‍മത്തിലേയ്ക്ക് ആഴ്ന്നിറങ്ങി പ്രവര്‍ത്തിയ്ക്കുന്നു. ഇതിലെ കുങ്കുമപ്പൂ ചര്‍മത്തിന്റെ ടോണ്‍ മികച്ചതാക്കുന്നു. ചര്‍മത്തിലുണ്ടാകുന്ന ചൊറിച്ചിലും അലര്‍ജിയുമെല്ലാം തടയാനും ഇത് മികച്ചതാണ്.
രാത്രി ഉറങ്ങുന്നതിനു മുമ്പ്
ബ്ലാക് ഹെഡ്‌സ് പോലുള്ള പ്രശ്‌നങ്ങള്‍ക്കും ഇതേറെ നല്ലതാണ്. രാത്രി ഉറങ്ങുന്നതിനു മുമ്പ് നൈറ്റ്‌ ക്രീമുകൾ ഉപയോഗിക്കുന്നതിനു പകരമായി കുങ്കുമാദി തൈലം ഉപയോഗിക്കാം. ഇത് രാത്രി മുഴുവൻ ചർമത്തിൽ ഇരിക്കുകയും ഗുണങ്ങൾ ചർമ കോശങ്ങളിലെയ്ക്ക് ഇറങ്ങി ചെല്ലുകയും ചെയ്യും.ഇത് മുഖത്ത് വച്ച് കിടക്കാന്‍ താല്‍പര്യമില്ലാത്തവരെങ്കില്‍ ഒന്നുരണ്ട് മണിക്കൂര്‍ മുഖത്തു പുരട്ടി മസാജ് ചെയ്ത് കഴുകാം. ഇത് കഴുകാന്‍ സോപ്പോ ഇതു പോലുള്ളവയോ ഉപയോഗിയ്ക്കാതിരിയ്ക്കുന്നതാണ് നല്ലത്. എണ്ണമയമുള്ള ചര്‍മമുള്ളവരെങ്കില്‍ ആവശ്യമെങ്കില്‍ വീര്യം കുറഞ്ഞ സോപ്പോ മറ്റോ ഉപയോഗിയ്ക്കാം.