Face Pack For Black Marks: മുഖത്തെ കറുത്ത പാടുകള്‍ നീക്കാന്‍ ക്യാരറ്റ് മാജിക്...

ഇതിനായി വേണ്ടത് മൂന്നു ചേരുവകളാണ്. തേന്‍, ക്യാരറ്റ്, മഞ്ഞള്‍ എന്നിവയാണ് ഇവ.ർമ്മത്തെ പരിപോഷിപ്പിക്കാൻ ശേഷിയുള്ള ആന്റിഓക്‌സിഡന്റുകളുടെ ഒരു കലവറ തന്നെയാണ് ക്യാരറ്റ് . ഇത് പതിവായി നിങ്ങളുടെ ഭക്ഷണശീലത്തിൽ ഉൾപ്പെടുത്തുന്നത് വഴിയും ചർമത്തിൽ ഫേസ് മാസ്കുകളുടെ രൂപത്തിൽ പ്രയോഗിക്കുന്നത് വഴിയും ഒട്ടുമിക്ക ചർമ്മ സംബന്ധമായ പല പ്രശ്നങ്ങളോടും വിടപറയാനാകും. ക്യാരറ്റിലെ വിറ്റാമിൻ എ ഗുണങ്ങൾക്ക് ചർമത്തിൽ അടിഞ്ഞുകൂടുന്ന അമിത എണ്ണമയത്തെ പുറന്തള്ളാനുള്ള കഴിവുണ്ട്. ഇത് ചർമത്തെ വിഷവസ്തുക്കളിൽ നിന്നും അകറ്റി നിർത്തികൊണ്ട് എപ്പോഴും ശുദ്ധിയുള്ളതാക്കി നിലനിർത്തുന്നതിന് സഹായിക്കും. എക്സ്ഫോളിയേറ്റിങ്ങ് ഗുണങ്ങളുള്ള ഇത് ചർമത്തിന് പുതുമയും തിളക്കവും നൽകും.

ചർമ്മത്തിന്റെ തിളക്കവും ആരോഗ്യവും വർദ്ധിപ്പിക്കുന്നതിന് പ്രകൃതി സമ്മാനിച്ച ഏറ്റവും മികച്ച ഘടകമാണ് തേൻ. തേനിന് ശക്തമായ ആൻറി ബാക്ടീരിയൽ, ആന്റിസെപ്റ്റിക്, ആൻറി ഇൻഫ്ലമേറ്ററി സവിശേഷതകൾ ഉണ്ട്.ഇത് കൊളാജൻ നിർമ്മാണത്തെ പ്രോത്സാഹിപ്പിക്കുന്നു. അതിലുപരിയായി, ഇത് ചർമ്മത്തിന്റെ യുവത്വം നിലനിർത്താൻ സഹായിക്കുന്ന അതിശയകരമായ ഘടകം കൂടിയാണ്. ഇത് ചർമ്മത്തിന് സ്വാഭാവികമായും ജലാംശം നൽകും. കൂടുതൽ നേരം സൂര്യപ്രകാശം ഏൽക്കേണ്ടി വന്നാൽ പോലും, ഈ ഗുണങ്ങൾ ചർമ്മത്തിന്റെ വരൾച്ച കുറയ്ക്കുന്നു.

പണ്ടു കാലം മുതല്‍ തന്നെ സൗന്ദര്യ സംരക്ഷണത്തില്‍ സഹായിക്കുന്ന ഒന്നാണ് മഞ്ഞൾ. വിലപ്പെട്ട ആൻറി ഇൻഫ്ലമേറ്ററി ഗുണങ്ങളും, ആൻറി ബാക്ടീരിയൽ, ആന്റിഫംഗൽ സവിശേഷതകളുമുള്ള മഞ്ഞൾ , ചർമ്മത്തിലെ അണുബാധ, വരൾച്ച, ചുണങ്ങുകൾ എന്നിവ പരിഹരിക്കുന്നതിൽ അത്ഭുതങ്ങൾ പ്രവർത്തിക്കുന്നു. പാടുകൾ വരുന്നത് തടയുവാനും ഇത് സഹായിക്കുന്നു.ചര്‍മത്തിലെ കരുവാളിപ്പു മാറ്റുന്നതിനും സണ്‍ ടാന്‍ തടയുന്നതിനും നല്ലൊരു വഴിയാണിത്. ഇത് സൂര്യന്റെ അള്‍ട്രാ വയലറ്റ് രശ്മികളില്‍ നിന്നും ചര്‍മത്തിന് സംരക്ഷണം നല്‍കുന്നു.

ഈ ഫേസ് പായ്ക്ക്‌ തയ്യാറാക്കാന്‍ ഏറെ എളുപ്പമാണ്. ഇതിനായി ക്യാരറ്റ് തൊലി കളഞ്ഞ് എടുക്കുക. ഇത് മിക്‌സിയില്‍ ഇട്ട് അരച്ചെടുക്കാം. ഇതിലേയ്ക്ക് തേന്‍, മഞ്ഞള്‍പ്പൊടി എന്നിവ ചേര്‍ത്തിളക്കാം. ഇത് മുഖം വൃത്തിയായി കഴുകി തുടച്ച ശേഷം മുഖത്ത് പുരട്ടി അല്‍പനേരം മസാജ് ചെയ്ത് വയ്ക്കുക. 20 മിനിറ്റ് ശേഷം ഇത് കഴുകാം. ആഴ്ചയില്‍ രണ്ടു മൂന്ന് തവണ വീതം ഇത് അല്‍പനാളുകള്‍ അടുപ്പിച്ച് ചെയ്യുക. മുഖത്തെ കറുത്ത പാടുകള്‍ നീക്കാന്‍ സഹായിക്കുന്ന ഇത് ചര്‍മത്തിന് തിളക്കം നല്‍കാനും മൃദുത്വം നല്‍കാനും സഹായിക്കുന്ന ഒന്നു കൂടിയാണ്.