ബീറ്റ്‌റൂട്ട്
ഇതിന് തികച്ചും നാച്വറലായി ചെയ്യാവുന്ന ഒരു ഡൈ പ്രയോഗമുണ്ട്. ഇത് ബീറ്റ്‌റൂട്ട് വച്ചാണ് ചെയ്യേണ്ടത്. ഇതിനൊപ്പം കറ്റാര്‍ വാഴ, ഇന്‍ഡിഗോ പൗഡര്‍ അഥവാ നീലയമരി എന്നിവ കൂടി ചേര്‍ക്കുന്നു. ബീറ്റ്‌റൂട്ടിന് ആരോഗ്യ ഗുണങ്ങള്‍ മാത്രമല്ല, ഇതിലെ പല ഗുണങ്ങളും മുടിയ്ക്കും ചര്‍മത്തിനും കൂടി ഗുണകരമാണ്. ഇത് കഴിയ്ക്കുന്നത് മുടി നരയ്ക്കുന്നതും മുടി വളരുന്നതുമെല്ലാം സഹായിക്കുന്ന വഴികളാണ്. ഇവ രക്തമുണ്ടാകാന്‍ സഹായിക്കുന്ന അയേണ്‍ ഭക്ഷണമാണ്.
ചുണ്ടുകൾക്ക് നിറം നൽകും ഈ നാച്വറൽ ലിപ് മാസ്ക്
കറ്റാര്‍ വാഴ
കറ്റാര്‍ വാഴ പൊതുവേ സൗന്ദര്യസംരക്ഷണ വഴികളില്‍ പ്രധാനമാണ്. വൈറ്റമിന്‍ ഇ സമ്പുഷ്ടമാണ് ഇത് മുടിയുടെ ആരോഗ്യത്തിന് ഏറെ ഉത്തമമാണ്. മുടി വളരാനും തിളങ്ങാനും ഒരു പരിധി വരെ നര അകറ്റാനും ഇതേറെ ഗുണകരമാണ്. കററാര്‍ വാഴ ഇന്നത്തെ കാലത്ത് പല സൗന്ദര്യ വര്‍ദ്ധക വസ്തുക്കളിലും പ്രധാന ചേരുവയാണ്. മുടിയുടെ പല പ്രശ്‌നങ്ങള്‍ക്കും കറ്റാര്‍വാഴ ഏറെ ഗുണകരമാണ്.
നീലയമരി അഥവാ ഇന്‍ഡിഗോ
നീലയമരി അഥവാ ഇന്‍ഡിഗോ പൗഡര്‍ നരച്ച മുടി കറുപ്പിയ്ക്കാനുള്ള പ്രധാനപ്പെട്ട ഒരു വസ്തുവാണ്. സ്വാഭാവിക ഡൈ എന്ന് വിശേഷിപ്പിയ്ക്കാവുന്ന ഒന്നാണിത്. ഹെന്ന പോലുള്ളവയുടെ ഗുണം പൂര്‍ണമായി ലഭിയ്ക്കാന്‍, നാച്വറല്‍ ഹെയര്‍ ഡൈ ഗുണം ലഭിയ്ക്കാന്‍ നീലയമരി അഥവാ ഇന്‍ഡിഗോ പൗഡര്‍ വളരെ പ്രധാനമാണ്.
ഇതിന് വേണ്ടത്
ഇതിന് വേണ്ടത് ഒരു ബീറ്റ്‌റൂട്ട് എടുത്ത് ഇതരിഞ്ഞ് ഇതിന്റെ ജ്യൂസ് എടുക്കാം. ഇതില്‍ കറ്റാര്‍ വാഴയുടെ ജെല്‍ ചേര്‍ക്കാം. ഫ്രഷ് ജെല്‍ ആണെങ്കില്‍ കൂടുതല്‍ നല്ലത്. ഇലയില്‍ നിന്നെടുക്കുന്ന ജെല്‍ ആണെങ്കില്‍ ഇത് മിക്‌സിയില്‍ അടിച്ചെടുക്കണം. ഇത് ബീറ്റ്‌റൂട്ട് നീരില്‍ ഇട്ട് ഇളക്കി ഇത് ചെറുതീയില്‍ ചൂടാക്കണം. അല്‍പം ഇന്‍ഡിഗോ പൗഡര്‍ എടുക്കാം. ഇതിലേയ്ക്ക് ഈ ബീറ്റ്‌റൂട്ട് മിശ്രിതം കലക്കിച്ചേര്‍ത്ത് മിശ്രിതമാക്കാം. ഇത് ചൂടാറുമ്പോള്‍ തലയില്‍ തേച്ചു പിടിപ്പിയ്ക്കാം. ഇത് 1,2 മണിക്കൂര്‍ ശേഷം കഴുകാം. ഷാംപൂ ഉപയോഗിയ്‌ക്കേണ്ടതില്ല. ഇത് മുടിയ്ക്ക് യാതൊരു ദോഷവും വരരുത്താത്ത ഒന്നാണ്. എല്ലാ ആഴ്ചയിലും വേണമെങ്കില്‍ ചെയ്യാവുന്ന ഒന്നാണിത്.
