ഓറഞ്ച് തൊലി
ഓറഞ്ച് കഴിക്കാന് ഇഷ്ടമില്ലാത്തവര് വളരെ കുറവാണ്. ഇനി മുതല് കഴിച്ച് കഴിഞ്ഞ് ഓറഞ്ചിന്റെ തൊലി കളയണ്ട പകരം മുഖ സൗന്ദര്യത്തിന് അത് ഉപയോഗിക്കാം. ചര്മ്മത്തിന് തിളക്കം നല്കാനുള്ള പ്രകൃതിദത്തമായ മാര്ഗമാണ് ഓറഞ്ച് തൊലി. കറുത്ത പാടുകള്, ചര്മ്മത്തിന്റെ നിറം മാറ്റം (പിഗ്മന്റേഷന്), ബ്ലാക്ഹെഡ്സ്, തുടങ്ങിയ പ്രശ്നങ്ങള് പരിഹരിച്ച് ചര്മ്മത്തിന് സ്വാഭാവിക തിളക്കം നല്കും. വീട്ടില് തന്നെ ഓറഞ്ച് തൊലി ഉണക്കി പൊടിക്കുകയോ അല്ലെങ്കില് കടയില് നിന്ന് വാങ്ങാവുന്നതോ ആണ
കടലമാവ്
വീട്ടില് അമ്മമാരും അമ്മൂമ്മമാരുമൊക്കെ പലഹാരം തയാറാക്കാന് കടലമാവ് ഉപയോഗിക്കാറുണ്ട്. പലഹാരത്തിന് മാത്രമല്ല സൗന്ദര്യം നിലനിര്ത്താനും ഈ കടലമാവ് ഏറെ നല്ലതാണ്. പ്രകൃതിദത്തമായ രീതിയില് മുഖ സൗന്ദര്യം കാത്തു സൂക്ഷിക്കാന് ആഗ്രഹിക്കുന്നവര്ക്ക് ഏറ്റവും മികച്ചതാണ് കടലമാവ്. എണ്ണമയമുള്ള ചര്മ്മം ആണെങ്കില് അതിന് പരിഹാരം കാണാന് കടലമാവിന് സാധിക്കും. ചര്മ്മത്തിന് മൃദുത്വം നല്കാനും ഇത് സഹായിക്കുന്നുണ്ട്. കൂടാതെ ടാന് അകറ്റാനും കടലമാവിന് കഴിയും.
തൈര്
തൈര് ഇല്ലാത്ത വീടുകള് വളരെ കുറവായിരിക്കും. ഉച്ചക്ക് ഊണിന് തൈര് ഇല്ലെങ്കില് പൂര്ണതയില്ലെന്ന് കരുതുന്നവരാണ് ഭൂരിഭാഗം മലയാളികളും. നല്ല ആരോഗ്യത്തിന് ദിവസവും തൈര് കഴിക്കുന്നത് ഗുണം ചെയ്യും. അതുപോലെ സൗന്ദര്യ സംരക്ഷണത്തിലും തൈരിന്റെ പങ്ക് വളരെ വലുതാണ്. മുടിയും ചര്മ്മവുമൊക്കെ കാത്തു സൂക്ഷിക്കുന്നതില് തൈര് ഒരു പ്രധാന ഘടകമാണ്. വീട്ടില് തന്നെ തയാറാക്കുന്ന ഫേസ് പാക്കുകള് ഹെയര് പാക്കുകള് എന്നിവയിലെല്ലാം തൈര് ഉള്പ്പെടുത്താറുണ്ട്. ചര്മ്മത്തിലെ അമിതമായ എണ്ണമയം അത് പോലെ മുഖക്കുരു പൊട്ടാനുള്ള സാധ്യത തടയാനും തൈരിന് കഴിയും.
പാക്ക് തയാറാക്കുന്ന വിധം
വളരെ എളുപ്പത്തില് വീട്ടില് തയാറാക്കാന് കഴിയുന്ന പാക്കാണിത്.
ഒരു ചെറിയ പാത്രത്തില് അല്പ്പം കടലമാവും കുറച്ച് ഓറഞ്ച് പൊടിയും അല്പ്പം തൈരും ചേര്ത്ത് യോജിപ്പിക്കുക. മുഖത്ത് പുരട്ടാന് കഴിയുന്ന രീതിയില് ഇത് പേസ്റ്റ് ആക്കി എടുക്കണം. അതിന് ശേഷം ഇത് മുഖത്ത് പുരട്ടി ഉണങ്ങിയ ശേഷ ഇത്് കഴുകി കളയാവുന്നതാണ്. മുഖക്കുരുവും പാടുകളും മാറ്റാന് ഇത് വളരെയധികം സഹായിക്കും.