മുടിയുടെ ആരോഗ്യത്തിന്, മുടി വളരാന്‍ സഹായിക്കുന്ന മറ്റ് രണ്ട് ഇലകളാണ് മുരിങ്ങായില, പേരയില എന്നിവ. ഇവ ഉപയോഗിച്ചുണ്ടാക്കുന്ന ഒരു പായ്ക്ക് മുടി നല്ല രീതിയില്‍ വളരാന്‍ സഹായിക്കുന്നു.
മുരിങ്ങയില
മുരിങ്ങയില മുടി വേഗത്തില്‍ നരയ്ക്കുന്നത് തടയുകയും മുടിയുടെ തനത് കറുപ്പ് നിറം നിലനിര്‍ത്താന്‍ സഹായിക്കുകയും ചെയ്യുന്നു. ഇതില്‍ വൈറ്റമിന്‍ സി അടങ്ങിയിട്ടുണ്ട്. ഇത് ആന്റി ഓക്‌സിഡന്റാണ്. ഇത് മുടിയിലെ മെലാനിന്‍ നിലനിര്‍ത്താന്‍ സഹായിക്കുന്നു. മുടിയുടെ വളര്‍ച്ചയ്ക്കും ആരോഗ്യത്തിനും ഏറ്റവുമധികം സഹായിക്കുന്ന ഒന്നാണ് ബയോട്ടിന്‍. മുരിങ്ങയില അരച്ച് അതിന്റെ നീര് തലയില്‍ തേയ്ക്കുമ്പോള്‍ ഇത് തലയോട്ടിയിലേയ്ക്ക് കൂടുതല്‍ ഓക്‌സിജന്‍ എത്തുന്നതിന് സഹായിക്കുന്നു. ഇത് തലമുടി കൊഴിയുന്നത് തടയാന്‍ ഉപകാരപ്രദമാണ്.
മുരിങ്ങയിലയിലെ സിങ്ക് തലമുടിയിലെ ഓയില്‍ നിലനിര്‍ത്തുന്നതിനും തലയോട്ടി ഹെല്‍ത്തിയായി ഇരിക്കുന്നതിനും വളരുന്നതിനും സഹായിക്കുന്നു.
ആരോഗ്യം ശ്രദ്ധിക്കാൻ സ്ത്രീകൾ ചെയ്യണം ഈ പരിശോധനകൾ
പേരയില
ആരോഗ്യത്തിന് മാത്രമല്ല, സൗന്ദര്യ, മുടി സംരക്ഷണത്തിനും മികച്ചതാണ് പേരയില. പേര ഇലകളിൽ വിറ്റാമിൻ സി പോലുള്ള ആന്റിഓക്‌സിഡന്റുകളും ക്വെർസെറ്റിൻ പോലുള്ള ഫ്ലേവനോയ്ഡുകളും ധാരാളമുണ്ട്. മുടി വളരാന്‍ മാത്രമല്ല, മുടിയുടെ ഒരു പിടി പ്രശ്‌നങ്ങള്‍ക്കും മരുന്നാണിത്. ഉണ്ടാക്കാന്‍ ഏറെ എളുപ്പവും.
മുടിയിലെ താരന്‍ പോലുളള പ്രശ്‌നങ്ങള്‍ക്കും നല്ലൊരു മരുന്നാണ് പേരയില വെള്ളം. മുടിയ്ക്ക് തിളക്കവും മൃദുത്വവുമെല്ലാം നല്‍കാന്‍ സഹായിക്കുന്ന സ്വാഭാവിക മാര്‍ഗം.
ഇത് തയ്യാറാക്കാന്‍
ഇത് തയ്യാറാക്കാന്‍ ഏറെ എളുപ്പമാണ്. പേരയുടെ ഇലകളും മുരിങ്ങായിലയും ചേര്‍ത്തരയ്ക്കുക. ഇത് മുടിയില്‍ പുരട്ടാം. പിന്നീട് കഴുകാം. ഇത് തൈരില്‍ ചേര്‍ത്ത് പുരട്ടിയാല്‍ കൂടുതല്‍ നല്ലതാണ്. തൈര് മുടിയുടെ സ്വാഭാവിക ആരോഗ്യത്തിന് സഹായിക്കുന്ന ഒന്നാണ്. കാല്‍സ്യം സമ്പുഷ്ടമായ ഇത് മുടിയ്ക്ക് ഈര്‍പ്പം നല്‍കുന്ന ഒന്ന് കൂടിയാണ്. മുടിയ്ക്ക് സ്വാഭാവിക തിളക്കവും മിനുസവും നല്‍കാന്‍ ഇതേറെ നല്ലതാണ്.
ഇലകള്‍ തൈരില്‍ ചേര്‍ത്തിളക്കി പുരട്ടിയാല്‍ മതിയാകും. താരന്‍ പോലുള്ള പ്രശ്‌നങ്ങള്‍ക്കും ഇതേറെ നല്ലതാണ്.