രക്തപ്രവാഹം
മുടി കൂടുതല്‍ വളര്‍ന്നാല്‍ മാത്രമേ കട്ടിയുണ്ടാകൂ. ഇതിനു പ്രധാനമായും വേണ്ടത് ശിരോചര്‍മത്തിലെ രക്തപ്രവാഹം വര്‍ദ്ധിയ്ക്കുക എന്നതാണ്. ഇതിനായി ശിരോചര്‍മം മസാജ് ചെയ്യാം. വെളിച്ചെണ്ണ പോലുള്ള ഓയിലുകള്‍ ചെറുചൂടോടെ ശിരോചര്‍മത്തില്‍ പുരട്ടി മസാജ് ചെയ്യുന്നതാണ് ഏറ്റവും ഗുണകരം.
മുടിയില്‍ കഴിവതും കെമിക്കല്‍ കലര്‍ന്ന വസ്തുക്കള്‍ ഉപയോഗിയ്ക്കാതിരിയ്ക്കുക. ഇത് ഷാംപൂവെങ്കിലും കണ്ടീഷണറെങ്കിലൂം ഏതെങ്കിലും ക്രീമെങ്കിലുമെല്ലാം തന്നെ. ഇത്തരം വസ്തുക്കള്‍ വാങ്ങുമ്പോള്‍ കറ്റാര്‍ വാഴ, ചെമ്പരത്തി തുടങ്ങിയ നാച്വറല്‍ വസ്തുക്കള്‍ അടങ്ങിയവ വാങ്ങി ഉപയോഗിയ്ക്കുക.
മുടി കഴുകുമ്പോള്‍
മുടി കഴുകുമ്പോള്‍ ഊരിപ്പോകുന്നതാണ് മുടിയുടെ കട്ടി കുറയാനുള്ള ഒരു കാരണം. കുളിയ്ക്കുമ്പോള്‍ മുടി കൃത്യമായി കഴുകുക. മുടി ജട മാറ്റി കഴുകണം. നല്ല വെള്ളം ഉപയോഗിയ്ക്കണം, ചൂടു വെള്ളം മുടിയ്ക്കു നല്ലതല്ല. മുടി ഉണക്കുമ്പോഴും ശ്രദ്ധ വേണം. മുടി മൃദുവായി തുടച്ച് വെള്ളം കളയണം. ഹെയര്‍ഡ്രയര്‍ പോലുള്ളവ ഉപയോഗിയ്ക്കരുത്. ചൂട് മുടിയ്ക്കു കേടാണ്. സ്വാഭാവിക രീതിയില്‍ മുടി ഉണങ്ങാന്‍ അനുവദിയ്ക്കുക. ഫാന്‍ ഉപയോഗിച്ച് ഉണക്കുന്നതില്‍ തെറ്റില്ല.
മുടി വരണ്ടതാകുന്നത്
മുടി വരണ്ടതാകുന്നത് മുടി പാറിപ്പറക്കാനും മുടി പൊട്ടിപ്പോകാനും ഇടയാക്കും. ശിരോചര്‍മം ഈര്‍പ്പമുള്ളതായി വയ്ക്കുക. ഇതിനായി കെമിക്കലുകള്‍ അടങ്ങാത്ത ക്രീമുകളോ മറ്റോ ഉപയോഗിയ്ക്കാം. ഓയില്‍ മസാജ് മുടിയ്ക്കു നല്ലതാണ്. വരണ്ട സ്വഭാവമുള്ള മുടിയെങ്കില്‍ ആഴ്ചയില്‍ രണ്ടു തവണയെങ്കിലൂം എണ്ണ തേച്ചു കുളി ഗുണം ചെയ്യും. ഇതു പോലെ മുടിയില്‍ അമിതമായി എണ്ണമയം നിര്‍ത്തരുത്. ഇത് അഴുക്കുണ്ടാകാനും കാരണമാകും.
മുടി ചീകുമ്പോള്‍
മുടി ചീകുമ്പോള്‍ പ്രത്യേക ശ്രദ്ധ വേണം. ഇല്ലെങ്കില്‍ മുടി പൊട്ടിപ്പോകും. മുടി വേരുകള്‍ക്ക് കേടു പറ്റും. പല്ലകലമുള്ള ചീപ്പു കൊണ്ട് ചീകണം. ജടയുണ്ടെങ്കില്‍ ഇത് മെല്ലെ നീക്കി മുടി ചീകുക. ദിവസം രണ്ടു മൂന്നു തവണയെങ്കിലും മുടി ചീകുന്നത് രക്തപ്രവാഹം വര്‍ദ്ധിപ്പിയ്ക്കും. ഇത് മുടി വളരാന്‍ സഹായിക്കും. വൃത്തിയുള്ള ചീര്‍പ്പുപയോഗിച്ച് മുടി ചീകണം. വല്ലാതെ അമര്‍ത്തി ചീകരുത്. മുടി നനഞ്ഞ അവസ്ഥയില്‍ മുടി ചീകരുത്. മുടി പൊട്ടിപ്പോകും.
സ്‌ട്രെസ് പോലുള്ളവ
സ്‌ട്രെസ് പോലുള്ളവ അകറ്റി നിര്‍ത്തുക. മുടി പെട്ടെന്നു കൊഴിയാനും നരയ്ക്കാനുള്ള കാരണമാണിത്. ഇതുപോലെ തന്നെ നല്ല പോഷക ഗുണമുള്ള ഭക്ഷണം ഏറെ അത്യാവശ്യമാണ്. ഇത് ആരോഗ്യത്തിന് മാത്രമല്ല, മുടിയുടെ വളര്‍ച്ചയ്ക്കും അത്യാവശ്യമാണ്. പോഷകങ്ങള്‍ മുടി വളര്‍ച്ചയെ സഹായിക്കും. ഇതു പോലെ നല്ലതു പോലെ വെള്ളം കുടിയ്ക്കണം. വെള്ളം കുടി കുറയുന്നത് മുടിയ്ക്ക് കേടു വരുത്തും. രക്തപ്രവാഹം വര്‍ദ്ധിപ്പിയ്ക്കാനും ഇതേറെ അത്യാവശ്യമാണ്. മുടി ഒതുക്കി കെട്ടി വയ്ക്കുക. അഴിച്ചിട്ടു നടക്കുമ്പോള്‍ മുടി പൊട്ടിപ്പോകും. കിടക്കുമ്പോഴും മുടി കെട്ടി വയ്ക്കുക. കോട്ടന്‍ തലയിണക്കവറുകള്‍ക്ക് പകരം സില്‍ക് കവറുകള്‍ ഉപയോഗിയ്ക്കുക. ഇല്ലെങ്കില്‍ മുടി കേടാകും,പൊട്ടിപ്പോകും. Also read: അമിത രക്തസമ്മർദ്ദം: ഈ ലക്ഷണങ്ങൾ അറിഞ്ഞിരിക്കുക