മുടിനര കറുപ്പാക്കി മുടി വളരാന്‍ ഹെയര്‍ ടോണിക്

ഇതു തയ്യാറാക്കാന്‍ വേണ്ടത് തേയില വെള്ളം, ഉലുവ, കരിഞ്ചീരകം എന്നിവയാണ്. ഇതു തയ്യാറാക്കാന്‍ വേണ്ടത് തേയില വെള്ളം, ഉലുവ, കരിഞ്ചീരകം എന്നിവയാണ്. തേയില വെളളം പൊതുവേ മുടിയ്ക്ക് ഏറെ ഗുണകരമാണ്. ഇത് മുടിക്ക് തിളക്കവും ആരോഗ്യവും കറുത്ത മനോഹരമായ നിറവും പകരുന്നു. മുടി കൊഴിച്ചിൽ തടയാൻ മാത്രമല്ല, നരച്ച മുടി കറുപ്പിക്കാനും ഇതൊരു മികച്ച മാർഗ്ഗമാണ്. മുടിയ്ക്ക് തിളക്കം നല്‍കുന്ന സ്വാഭാവിക വഴി കൂടിയാണ് തേയില വെള്ളമെന്നത്.

കരിഞ്ചീരകം എന്ന ചെറിയ വിത്ത് ആരോഗ്യ ഗുണങ്ങളാല്‍ കേമനാണ്. ഇതു പോലെ തന്നെ ഇത് ചര്‍മ, മുടി സംരണത്തിനും ഏറെ മികച്ചതാണ്. കരിഞ്ചീരക എണ്ണ മുടിയില്‍ പുരട്ടുന്നത് മുടി നല്ല ഉള്ളോടെ, ആരോഗ്യത്തോടെ വളരാന്‍ സഹായിക്കുന്നു. മുടികൊഴിച്ചിലിനുള്ള ഏറ്റവും സാധാരണമായ ചികിത്സാരീതികളിലൊന്നാണ് കരിഞ്ചീരക എണ്ണ. പ്രകൃതിദത്ത മോയ്‌സ്ചുറൈസറായി പ്രവർത്തിക്കുകയും തലയോട്ടിയിലെ വരൾച്ച കുറയ്ക്കുകയും അതിനാൽ മുടി കൊഴിച്ചിൽ തടയുകയും ചെയ്യുന്നു.

ഉലുവ മുടിയ്ക്ക് പല ഗുണങ്ങളും നല്‍കുന്ന ഒന്നാണ്. മുടി സംരക്ഷണത്തിന്‌ഉലുവ പ്രത്യേക രീതിയില്‍ ഉപയോഗിയ്ക്കുന്നത് മുടി കൊഴിയുന്നതു തടയും. മുടി വളര്‍ച്ച ത്വരിതപ്പെടുത്തും. താരന്‍ പോലുള്ള പ്രശ്‌നങ്ങള്‍ക്കു നല്ല പരിഹാരമാണ്. മുടിയ്ക്കു തിളക്കവും മൃദുത്വവുമെല്ലാം നല്‍കും. തികച്ചും സ്വാഭാവിക ചേരുവകള്‍ ആയതിനാല്‍ തന്നെ യാതൊരു ദോഷവും മുടിയ്‌ക്കോ തലയ്‌ക്കോ വരുത്തുന്നുമില്ല. ഇത് ഉപയോഗിയ്ക്കാനും വളരെ എളുപ്പമാണ്.ഇത് ഈസ്ട്രജന്‍ സമ്പുഷ്ടമാണ്. മുടിയുടെ വളര്‍ച്ചയ്ക്കും ആരോഗ്യത്തിനും ആവശ്യമായ ഏറെ പോഷകങ്ങള്‍ അടങ്ങിയ ഇത് മുടിയ്ക്കു തിളക്കം നല്‍കാനും നല്ലൊരു ഷാംപൂവിന്റെയും കണ്ടീഷണറുടേയും ഗുണം നല്‍കാനും നല്ലതാണ്.

ഇത് തയ്യാറാക്കാനായി രണ്ട് കപ്പ് വെള്ളം തിളപ്പിയ്ക്കുക. ഇതിലേയ്ക്ക് ഒരു ടേബിള്‍ സ്പൂണ്‍ വീതം തേയിലപ്പൊടി, ഉലുവ, കരിഞ്ചീരകം എന്നിവ ചേര്‍ക്കുക. ഇത് കുറഞ്ഞ തീയില്‍ വച്ച് തിളപ്പിയ്ക്കണം. പകുതിയാകും വരെ തിളപ്പിയ്ക്കണം. എന്നാലേ ഇതിന്റെ ഗുണങ്ങള്‍ വെള്ളത്തിലേയ്ക്ക് ഇറങ്ങുകയുള്ളൂ. ഇത് വാങ്ങി ചൂടാറുമ്പോള്‍ ഊറ്റിയെടുക്കാം. ഇത് മുടിയില്‍ പുരട്ടി നല്ലതു പോലെ മസാജ് ചെയ്യാം. രാത്രി മുഴുവന്‍ ഇത് പുരട്ടി തലയില്‍ വച്ച് ഉറങ്ങിയാലും തെറ്റില്ല. കോള്‍ഡ് പോലുള്ള പ്രശ്‌നങ്ങളെങ്കില്‍ ഇത് മുടിയില്‍ പുരട്ടി അര-ഒരു മണിക്കൂര്‍ ശേഷം കഴുകാം. ഇത് ദിവസവും വേണമെങ്കില്‍ ചെയ്യാം. യാതൊരു ദോഷവും വരുത്താത്ത ഇത് മുടിയുടെ ആരോഗ്യത്തിന് മികച്ചതാണ്. മുടി വളരാനും നര കറുപ്പിയ്ക്കാനും മുടി കൊഴിച്ചില്‍ മാറാനുമെല്ലാം തന്നെ ഇതേറെ നല്ലതാണ്.

,