ഷാംപൂ സ്വയം തയ്യാറാക്കി ഉപയോഗിക്കാം
പുറത്തു നിന്ന് വാങ്ങുന്ന ഷാംപൂവുകൾ നല്ലതല്ല എന്നല്ല. മറിച്ച് ഇതിൽ കുറഞ്ഞ അളവിൽ ആണെങ്കിൽ പോലും രാസവസ്തുക്കൾ അടങ്ങിയിട്ടുണ്ടാകും. ഇവ നിങ്ങളുടെ തലമുടിയ്ക്ക് ചൂട് അനുഭവപ്പെടുത്തുകയും മുടിയുടെ സ്വാഭാവികതയെ നശിപ്പിച്ചുകളയുകയും ചെയ്തേക്കാം.
കുറച്ചൊന്ന് പരിശ്രമിച്ചാൽ നിങ്ങളുടെ തലമുടിയിൽ പ്രയോഗിക്കാനുള്ള പ്രകൃതിദത്ത ഷാംപൂവുകൾ നിങ്ങളുടെ ഭവനങ്ങളിൽ തന്നെ നിർമ്മിച്ചെടുക്കാനാകും. ഇത്തരം ഷാംപൂവുകളെല്ലാം സ്വാഭാവിക പരിപോഷിപ്പിക്കൽ ഗുണങ്ങളാൽ നിറഞ്ഞിരിക്കുന്നതിനാൽ തന്നെ ഇത് മുടിയിൽ ഉണ്ടാവുന്ന പലവിധ അനാരോഗ്യതകളെ പരിഹരിക്കാൻ സഹായിക്കും. നിങ്ങൾക്ക് ഏറ്റവും എളുപ്പത്തിൽ വീട്ടിൽ തന്നെ അഞ്ച് ഷാംപൂകളെ പറ്റിയറിയാം.
താരനെ ചെറുക്കാൻ ഷാംപൂ
1/2 കപ്പ് വെള്ളമെടുത്ത് അതിലേക്ക് 1/2 കപ്പ് കാസ്റ്റൈൽ വെജിറ്റബിൾ അധിഷ്ഠിത ലിക്വിഡ് സോപ്പ്, 1 ടീസ്പൂൺ ലൈറ്റ് വെജിറ്റബിൾ ഓയിൽ അല്ലെങ്കിൽ ഗ്ലിസറിൻ, ഏതെങ്കിലും അവശ്യ എണ്ണയുടെ ഏതാനും തുള്ളികൾ എന്നിവ ചേർത്ത് നന്നായി നന്നായി ഇളക്കുക. ചേരുവകൾ നന്നായി സംയോജിപ്പിക്കപ്പെട്ട ശേഷം ഈ മിശ്രിതം റീസൈക്കിൾ ചെയ്തെടുത്ത് ഒരു ഷാംപൂ ബോട്ടിലിൽ ഒഴിച്ചു വച്ച് അടച്ചു സുക്ഷിക്കുക. ഈ ഷാംപൂവിൻ്റെ ഉപയോഗം നിങ്ങളുടെ മുടിയിൽ നിന്ന് എണ്ണമയം, അഴുക്ക്, പൊടി, താരൻ എന്നിവയെല്ലാം വേഗത്തിൽ ഇല്ലാതാക്കും.
സ്പ്ലിറ്റ് എൻഡുകൾ ഒഴിവാക്കാൻ ഷാംപൂ
ഒരു കുപ്പിയിൽ കുറച്ച് ടേബിൾസ്പൂൺ ബേക്കിംഗ് സോഡ ചേർത്ത ശേഷം കുറച്ച് ചൂടുവെള്ളം ചേർത്ത് മൂടി അടയ്ക്കുക. ശേഷം ഈ മിശ്രിതം നന്നായി കുലുക്കി കൊടുക്കുക. കുറച്ച് മിനിറ്റിനു ശേഷം ഇതിൽ നിന്ന് ¼ കപ്പ് എടുത്ത് നനച്ച മുടിയിൽ ഈ നേരിട്ട് പുരട്ടുക, വിരലുകൾ ഉപയോഗിച്ച് മുടിയുടെ വേര് മുതൽ അറ്റം വരെ നന്നായി മസാജ് ചെയ്യാം.
ഇത് കഴുകി കളഞ്ഞ ശേഷം ½ കപ്പ് ആപ്പിൾ സിഡെർ വിനെഗർ അല്ലെങ്കിൽ പുതിയ നാരങ്ങ നീര് ഇതിൽ ഏതെങ്കിലിനോടൊപ്പം രണ്ട് കപ്പ് വെള്ളവും ചേർത്ത് മിക്സ് ചെയ്ത് വീണ്ടും തലയിൽ പുരട്ടാം. തല നന്നായി മസാജ് ചെയ്ത ശേഷം നിങ്ങളുടെ നനഞ്ഞ മുടി വീണ്ടും തണുത്ത വെള്ളത്തിൽ കഴുകുക. ഭവനങ്ങളിൽ നിർമ്മിച്ച ഈ ക്ലെൻസർ നിങ്ങളുടെ മുടിയെ വൃത്തിയുള്ളതും കൂടുതൽ തിളക്കമുള്ളതുമാക്കി മാറ്റിയെടുക്കും.
മങ്ങിയ മുടിയെ പരിപോഷിപ്പിക്കാൻ
ഈ ഷാംപൂ തയ്യാറാക്കാനായി 1 മുട്ടയുടെ മഞ്ഞക്കരു, ½ ടീസ്പൂൺ ഒലിവ് ഓയിൽ, ¾ കപ്പ് ചെറുചൂടുവെള്ളം എന്നിവ ആവശ്യമാണ്. മുട്ടയുടെ മഞ്ഞക്കരു നുരയുന്നതുവരെ അടിച്ചെടുക്കുക. ഇതിലേക്ക് എണ്ണ ചേർത്ത് വീണ്ടും അടിക്കുക, വീണ്ടും അടിച്ചെടുക്കുന്നതിനിടയിൽ പതിയെ വെള്ളം ചേർത്തു കൊടുക്കുക. നനച്ച തലമുടിയിൽ ഈ മിശ്രിതം തേച്ചുപിടിപ്പിച്ച് വിരലുകൊണ്ട് നന്നായി മസാജ് ചെയ്യുക. നിങ്ങളുടെ തലമുടിയിൽ ഈ ഷാംപൂ കുറച്ച് നേരം കാത്തുസൂക്ഷിക്കാം. ചെറുചൂടുള്ള വെള്ളത്തിൽ വേണം കഴുകാൻ. വീട്ടിൽ തന്നെ ഏറ്റവും എളുപ്പത്തിൽ നിർമ്മിച്ചെടുക്കാൻ കഴിയുന്ന ഈ ഷാംപൂ നിങ്ങളുടെ മുടിക്ക് ക്ലെൻസറിങ്ങ് ഗുണങ്ങൾ നൽകും. നിങ്ങളുടെ മുടി ആരോഗ്യകരവും തിളക്കവുമുള്ളതാക്കി മാറ്റിയെടുക്കാൻ ഇത് സഹായിക്കും. അതേസമയം മുടി കൊഴിച്ചിൽ ലക്ഷണങ്ങൾ കുറയ്ക്കാനും ഇതിൻറെ ഉപയോഗം നല്ലതാണ്.
Also read: അരുത്, ഇതൊന്നും പരീക്ഷിക്കാനുള്ളതല്ല നിങ്ങളുടെ മുഖം
മുടി കൊഴിച്ചിൽ കുറയ്ക്കാൻ
ഒരു സ്റ്റെയിൻലെസ് സ്റ്റീൽ പാനിലേക്ക് 1/4 കപ്പ് വെള്ളം, 1/4 കപ്പ് ലിക്വിഡ് കാസ്റ്റൈൽ സോപ്പ്, 1/2 ടീസ്പൂൺ ജോജോബ ഓയിൽ, ഗ്രേപ്സീഡ് അല്ലെങ്കിൽ മറ്റ് അവശ്യ ആവശ്യ സസ്യ എണ്ണകൾ ഏതെങ്കിലും , 1 ടീസ്പൂൺ ആപ്പിൾ സിഡെർ വിനെഗർ, 3 ടീസ്പൂൺ ആപ്പിൾ ജ്യൂസ്, ചതച്ചെടുത്ത 6 അല്ലി വെളുത്തുള്ളി എന്നീ ചേരുവകൾ എല്ലാം ചേർത്ത് ഇളക്കുക. ചേരുവകളെല്ലാം നന്നായി അലിഞ്ഞ് ചേരുന്നതുവരെ ഇളക്കി കൊടുത്തുകൊണ്ട് കൊണ്ട് പാത്രം ചൂടാക്കണം. ഇതിനായി ഏറ്റവും കുറഞ്ഞത് 30 സെക്കൻഡ് മുതൽ ഒരു മിനിറ്റ് വരെ സമയമെടുക്കും. ചെറുചൂടുള്ള വെള്ളത്തിൽ മുടി നനച്ച് ഈ ഷാമ്പൂ നന്നായി പുരട്ടുക. ചെറുചൂടുള്ള വെള്ളത്തിൽ തന്നെ മുടി കഴുകിക്കളയാം. നിങ്ങളുടെ മുടിക്ക് തിളക്കം നൽകുന്നതിന് മാത്രമല്ല, പൊടിയും താരനും പെട്ടെന്ന് നീക്കം ചെയ്യാനും ഈയൊരു ഷാംപൂവിലെ പ്രകൃതിദത്ത ഗുണങ്ങൾ സഹായിക്കും.
Also read: ഇടതൂർന്ന മുടി വേണ്ടേ? ഈ മയോണൈസ് ഹെയർ മാസ്ക് ഉപയോഗിക്കാം
എണ്ണമയമുള്ള തലയോട്ടിക്ക്
1/4 കപ്പ് കോൺസ്റ്റാർച്ച് അല്ലെങ്കിൽ കൊക്കോപ്പൊടിയിലേക്ക് 1 ടീസ്പൂൺ ലാവെൻഡർ ഓയിലോ മറ്റേതെങ്കിലും സുഗന്ധമുള്ള ആവശ്യ എണ്ണകളോ ചേർക്കുക. നിങ്ങളുടെ മുടിയുടെ വേരു മുതൽ അറ്റം വരെ ഈ മിശ്രിതം ആവശ്യാനുസരണം ഉപയോഗിക്കാം. അതിനുശേഷം ഒരു ചീപ്പ് ഉപയോഗിച്ചുകൊണ്ട് മുടി നന്നായി ഒന്ന് വാരിയൊതുക്കാം. ഈ ഷാംപൂ എണ്ണമയമുള്ള തലയോട്ടി ഉള്ളവർക്ക് നൽകാവുന്ന ഏറ്റവും മികച്ച ചികിത്സാ മാർഗ്ഗമാണ്. തലമുടിയിൽ അടിഞ്ഞുകൂടുന്ന അഴുക്കും എണ്ണമയത്തെ ഒട്ടും തന്നെ വെള്ളമില്ലാതെ ആഗിരണം ചെയ്തെടുക്കാൻ ഈ ഷാംപൂ സഹായിക്കും.