പ്രകൃതിയ്ക്കും നമുക്കും ഒരുപോലെ ഗുണകരമായ രീതിയില്‍ പച്ചക്കറികളോ പഴങ്ങളോ മാത്രം ഉപയോഗിച്ചുള്ള മസ്കുകള്‍ വീട്ടില്‍ തന്നെ സ്വയം തയ്യാറാക്കുന്നത് എങ്ങനെയെന്നു നോക്കാം.
വാഴപ്പഴം - അവക്കാഡോ ഫെയ്സ് മാസ്ക്
ചേരുവകൾ:
അവകാഡോ ഉടച്ചത്: 2 ടീസ്പൂൺ
പഴം ഉടച്ചത്: 1 ടീസ്പൂൺ
ജോജോബ ഓയിൽ: 1 ½ ടീസ്പൂൺ
നാരങ്ങ നീര്: 1 ടീസ്പൂൺ
രീതി:
ഒരു ഗ്ലാസ് പാത്രത്തിൽ എല്ലാ ചേരുവകളും നന്നായി ഇളക്കി യോജിപ്പിക്കുക. ശേഷം, ഈ മാസ്ക് നിങ്ങളുടെ മുഖത്ത് നന്നായി പുരട്ടുക. 15 മുതൽ 20 മിനിറ്റ് വരെ അല്ലെങ്കിൽ അത് ഉണങ്ങുന്നത് വരെ കാത്തിരിക്കുക. ശേഷം തണുത്ത വെള്ളത്തിൽ കഴുകി മൃദുവായി തുടച്ചെടുക്കാം. ഒരു മോയ്‌സ്ചുറൈസർ ഉപയോഗിക്കാം.
ഗുണങ്ങള്‍:
ഇതിന്റെ ആൻറി ബാക്ടീരിയല്‍ ഗുണം മുഖക്കുരുവിനെയും മറ്റ് അലർജികളെയും അകറ്റി നിർത്തുന്നു.
രോമ സുഷിരങ്ങളിലെയ്ക്ക് ഇറങ്ങിച്ചെന്ന് ആഴത്തിലുള്ള പോഷണം ചെയ്യുന്നതിനാല്‍ ചരമം വരളുന്നത് തടയാന്‍ ഈ മാസ്ക് വളരെ സഹായകമാകും.
വേനൽക്കാലത്ത് ചര്‍മത്തില്‍ ഉണ്ടാകുന്ന പിഗ്മെന്റേഷൻ കുറയ്ക്കാനും ഇത് സഹായിക്കും.
ചർമ്മത്തിന് ദൃഢതയും തിളക്കവും നല്‍കുന്നതിനാല്‍ പ്രയമാകുന്നതിന്റെ ലക്ഷണങ്ങള്‍ അകറ്റുകയും ചെയ്യുന്നു.
കുക്കുമ്പർ ഫെയ്സ് മാസ്ക്
ചേരുവകൾ:
കുക്കുമ്പർ ചുരണ്ടിയത് : പകുതി ഭാഗം
നാരങ്ങ നീര് – ഒരു ടീസ്പൂണ്‍
പുതിന ഇലകൾ ചതച്ചെടുത്തത്: മൂന്നെണ്ണം
ചെയ്യേണ്ടത്:
ഒരു ഗ്ലാസ് പാത്രത്തിൽ ചതച്ച വെള്ളരി എടുക്കുക. ഇതിലേയ്ക്ക് ചതച്ചു വെച്ച പുതിനയിലയും നാരങ്ങ നീരും ചേർക്കുക. ശേഷം എല്ലാ ചേരുവകളും ചേർത്ത് മുഖത്തും കഴുത്തിലും പുരട്ടുക. കുറഞ്ഞത് 20 മിനിറ്റെങ്കിലും ഈ മസ്കിനെ ഉണങ്ങാന്‍ അനുവദിയ്ക്കണം. ശേഷം മുഖം തണുത്ത വെള്ളത്തിൽ കഴുകുക.
നേട്ടങ്ങൾ:
കുക്കുമ്പറും പുതിനയും ചർമ്മത്തിന് തണുപ്പ് പകരുന്നതിനാല്‍ വേനല്‍ സമയത്ത് ചൂടും വെയിലും മൂലമുണ്ടാകുന്ന ചർമ്മ പ്രശ്നങ്ങള്‍ അകറ്റാന്‍ ഇതിനു കഴിയും. വിറ്റാമിൻ സി ധാരാളം അടങ്ങിയിട്ടുള്ള ഒരു സൂപ്പർ ഹൈഡ്രേറ്റിംഗ് മാസ്കാണ് ഇത്, ഇത് ചർമ്മത്തിന് തിളക്കവും നിറവും നൽകാന്‍ ഏറെ ഫലപ്രദമായ വഴിയാണ്.
നാരങ്ങയ്ക്ക് അസിഡിക് സ്വഭാവം ഉള്ളതിനാല്‍ ഇത് ഒരു മുഖക്കുരു പരിഹരിയ്ക്കാനുള്ള മികച്ച പായ്ക്ക് ആയി പ്രവർത്തിക്കുന്നു, കൂടാതെ വേനൽക്കാല അലർജികൾ ഒഴിവാക്കാനും ഇത് സഹായിക്കുന്നു.
Also read: മുടി ചുരുട്ടാൻ വെള്ളക്കുപ്പി! ഈ മാർഗ്ഗം പരീക്ഷിച്ചിട്ടുണ്ടോ?
പഴം - മഞ്ഞള്‍ ഫെയ്സ് മാസ്ക്
ചേരുവകൾ:
പഴം ഉടച്ചത്: രണ്ടു ടീ സ്പൂണ്‍
മഞ്ഞള്‍പ്പൊടി: അര ടീ സ്പൂണ്‍
ബേക്കിംഗ് സോഡ: ഒരു നുള്ള്
രീതി:
ഒരു വൃത്തിയുള്ള പാത്രത്തിൽ ഉടച്ച വാഴപ്പഴം എടുക്കുക. ഇതിലേക്ക് മഞ്ഞൾപ്പൊടി ചേര്‍ത്ത് നന്നായി യോജിപ്പിക്കുക. ശേഷം ഈ മിശ്രിതത്തിലേക്ക് ബേക്കിംഗ് സോഡ ചേർത്ത് നന്നായി ഇളക്കുക. ഈ മാസ്ക് നിങ്ങളുടെ മുഖത്ത് പുരട്ടി പൂർണ്ണമായും വരളുന്നതുവരെ കാത്തിരിയ്ക്കുക. ശേഷം ഇളം ചൂടുള്ള വെള്ളത്തിൽ കഴുകി വൃതിയാക്കം.
നേട്ടങ്ങൾ:
മഞ്ഞളിന്റെ ആൻറി ബാക്ടീരിയൽ ഗുണങ്ങൾ ചര്‍മത്തിന് ഗുണം ചെയ്യും.
ചര്‍മ സുഷിരങ്ങളില്‍ അധിക സെബം ഉൽ‌പാദനം നിയന്ത്രിക്കുകയും എണ്ണമയം തടയുകയും ചെയ്യുന്നു.
ചർമ്മ സുഷിരങ്ങളുടെ വലുപ്പം കുറയ്ക്കുന്നു.
Also read: ടീനേജ് സൗന്ദര്യ പ്രശ്നങ്ങൾക്ക് പരിഹാരം ഇതാ
കറ്റാര്‍ വഴ - ജമന്തിപ്പൂ മാസ്ക്
ചേരുവകൾ:
കറ്റാർ വാഴ ജെൽ 4 ടീസ്പൂൺ
ഷിയ ബട്ടർ 3 ടീസ്പൂൺ
ജമന്തിപ്പൂ ഓയില്‍: രണ്ട ടീസ്പൂണ്‍
ചമോമൈൽ ടീ ബാഗ്: ഒന്ന്
രീതി:
എല്ലാ നന്നായി യോജിപ്പിക്കുക. ശേഷം ഈ മിശ്രിതം മുഖത്തും കഴുത്തിലും പുരട്ടി 20 മിനിറ്റ് നേരം ഉണങ്ങാന്‍ അനുവദിയ്ക്കുക. ഉണങ്ങിയ ശേഷം ചമോമൈൽ ടീ ബാഗ് തിളപ്പിച്ച വെള്ളത്തിൽ കഴുകി വൃത്തിയാക്കാം.
നേട്ടങ്ങൾ:
ചര്‍മത്തിന്റെ മികച്ച പിഎച്ച് ബാലൻസ് നിലനിര്‍ത്താന്‍ സഹായിക്കുന്നു.
ചര്‍മത്തിലെ ചുവന്ന പാടുകളെ ശമിപ്പിക്കുന്നു.
ചര്‍മത്തിലെ വരള്‍ച്ചയും ചൊറിച്ചിലും അകറ്റുന്നു.