നൈറ്റ് ക്രീമുകള്‍ പുരട്ടുമ്പോള്‍...

വിറ്റാമിൻ എ, സി, ഇ, യുവത്വം നിലനിർത്തുവാൻ സഹായിക്കുന്ന ഘടകങ്ങൾ, റോസ് ഓയിൽ, ഒലിവ് എണ്ണ, ജാസ്മിൻ ഓയിൽ, ലാവെൻഡർ ഓയിൽ, ജോജോബ ഓയിൽ, തേൻ, ഷിയ ബട്ടർ, കൊക്കോ ബട്ടർ, മറ്റ് ആന്റിഓക്‌സിഡന്റുകൾ, റെറ്റിനോൾ, പെപ്റ്റൈഡുകൾ, അമിനോ ആസിഡുകൾ, കൊളാജൻ രൂപപ്പെടുന്ന കണികകൾ എന്നിങ്ങനെ ധാരാളം ഘടകങ്ങൾ ഉൾപ്പെടുന്നതാണ് ഒരു നൈറ്റ് ക്രീം.രാത്രിയിൽ കൂടുതലും പ്രവർത്തിക്കുന്ന ഈ നൈറ്റ് ക്രീമുകൾ ചർമ്മത്തെ പരിപോഷിപ്പിക്കാൻ സഹായിക്കുന്നവയാണ്. വിറ്റാമിനുകൾ, അവശ്യ എണ്ണകൾ, വർദ്ധക്യം തടയുന്ന ആന്റി-ഏജിംഗ് ചേരുവകൾ എന്നിവയാൽ സമ്പുഷ്ടമായ ഈ ക്രീമുകൾ ചർമ്മ കോശങ്ങൾക്കുള്ളിൽ ആഴത്തിൽ തുളച്ചുകയറാനും ചര്‍മത്തിൽ കൊളാജന്റെ ഉത്പാദനം വർദ്ധിപ്പിക്കാനും രക്തചംക്രമണം മെച്ചപ്പെടുത്താനും ചര്‍മത്തിന്റെ നിറം വർദ്ധിപ്പിക്കുവാനും, ഒപ്പം ചര്‍മത്തിന്റെ കരുവാളിപ്പ്, കറുത്ത പാടുകൾ, ഹൈപ്പർപിഗ്മെന്റേഷൻ എന്നിവ കുറച്ചുകൊണ്ട് ചര്‍മത്തിന് തിളക്കമുള്ള ഭംഗി നൽകാനും സഹായിക്കുന്നു.

ചര്‍മത്തിലെ ചുളിവുകൾ, നേർത്ത വരകൾ, കറുത്ത പാടുകൾ എന്നിവയാണ് വാർദ്ധക്യത്തിന്റെ ആദ്യ ലക്ഷണങ്ങൾ. ഒരു വ്യക്തി ഉറങ്ങുമ്പോൾ ചർമ്മത്തിൽ ചില അറ്റകുറ്റപ്പണികളൊക്കെ സ്വയം നടക്കുന്നുണ്ട്. അതിനാൽ സാവധാനത്തിൽ ആഗിരണം ചെയ്യുന്ന മോയ്‌സ്ചുറൈസറുകൾ ഉപയോഗിച്ചാണ് രാത്രി ഉപയോഗിക്കുന്ന ക്രീമുകൾ രൂപപ്പെടുത്തുന്നത്. ഇത് ചര്‍മത്തിനുള്ളിൽ ആഴത്തിൽ തുളച്ചുകയറുകയും അതിന്റെ ഘടന പരിഷ്കരിക്കുകയും നിങ്ങളുടെ നിറവും തിളക്കവും പുനസ്ഥാപിക്കുകയും പ്രായമാകൽ പ്രക്രിയയെ ഫലപ്രദമായി തടയുകയും ചെയ്യുന്നു. തുടക്കം മുതൽ തന്നെ വാർദ്ധക്യത്തിന്റെ വിവിധ ലക്ഷണങ്ങൾ തടയുന്നതിന് നിങ്ങളുടെ 30-കളിൽ ഈ ചര്‍മത്തിന് പുനരുജ്ജീവനമേകുന്ന രാത്രി ക്രീമുകൾ ഉപയോഗിക്കാവുന്നതാണ്.

വരണ്ട ചര്‍മത്തിൽ ഈർപ്പം കുറയുന്നത് പുറംതൊലി വിണ്ടുകീറൽ, തൊലിയിൽ നിറവ്യത്യാസം, ചുളിവുകൾ എന്നിവ ഉണ്ടാക്കുന്നു. വരണ്ട ചര്‍മത്തിനായി രൂപപ്പെടുത്തിയ നൈറ്റ് ക്രീമുകൾ ചർമ്മത്തിന് ഈർപ്പം വർദ്ധിപ്പിക്കുന്നതിനും ചര്‍മകോശങ്ങളെ ശക്തിപ്പെടുത്തുന്നതിനും ചുളിവുകൾ തടയുന്നതിനും നേർത്ത വരകളും വാർദ്ധക്യത്തിന്റെ മറ്റ് അടയാളങ്ങളും ചെറുക്കുവാനും ആണ് രൂപകൽപ്പന ചെയ്തിരിക്കുന്നത്. ഞാവല്‍ക്കുരു പ്രമേഹത്തിന് മരുന്നാക്കാം

എണ്ണമയമുള്ള ചര്‍മമുള്ള ആളുകൾക്ക് സ്വാഭാവിക ഈർപ്പമുള്ള ചർമ്മം ഉണ്ടെങ്കിലും, ചർമ്മത്തിലെ അമിതമായ സെബം (എണ്ണ) ഉൽപാദനം പ്രശ്നമുണ്ടാക്കുകയും മുഖക്കുരുവിനും പാടുകൾക്കും കാരണമാകുന്ന സുഷിരങ്ങളിലേക്ക് നയിക്കുകയും ചെയ്യും. ഈ നൈറ്റ് ക്രീമുകൾക്ക് ഭാരം കുറഞ്ഞ ജെൽ പോലുള്ള സ്ഥിരതയുണ്ട്, അത് ചര്‍മത്തിന് വളരെയധികം എണ്ണമയം നൽകുകയില്ല, അതേസമയം തന്നെ ഇത് ജലാംശം നിലനിർത്തുകയും തുറന്ന സുഷിരങ്ങൾ, പ്രായത്തിന്റെ പാടുകൾ, പരുക്കൻ ഘടന, വരകൾ എന്നിവപോലുള്ള ചര്‍മ പ്രശ്നങ്ങളെ ഫലപ്രദമായി നേരിടുകയും ചെയ്യുന്നു.

ഒരു നിശ്ചിത പ്രായത്തിന് ശേഷം ഈർപ്പം, പോഷകങ്ങൾ എന്നിവയുടെ അഭാവം ചര്‍മത്തെ മങ്ങിയതും ഭംഗി നഷ്ടപ്പെടുത്തുന്നതുമാക്കി മാറ്റുന്നു. ആന്റിഓക്‌സിഡന്റുകൾ, ജലാംശം നൽകുന്ന ഘടകങ്ങൾ, അവശ്യ എണ്ണകൾ എന്നിവയുടെ സംയോജനത്തിന്റെ സഹായത്താൽ കൊളാജൻ രൂപീകരണം ഉത്തേജിപ്പിക്കുന്നതിനും കോശങ്ങളുടെ പുനരുജ്ജീവനം മെച്ചപ്പെടുത്തുന്നതിനും ഈ നൈറ്റ് ക്രീം ഉത്തമമാണ്. അവ ചര്‍മത്തിന്റെ ശരിയായ പുനരുജ്ജീവനത്തിനും മുഖത്തെ പേശികളെ ഉയർത്താനും സഹായിക്കുന്നു. നിങ്ങളുടെ മുപ്പതുകളുടെ അവസാനത്തിൽ ഇവ ഉപയോഗിക്കുന്നത്, നിങ്ങളുടെ മുഖത്തെ ചർമ്മം തൂങ്ങി പോകുന്നത് തടയുന്നു.

ഈ വിഭാഗത്തിൽ പെടുന്ന മിക്ക നൈറ്റ് ക്രീമുകളും ബയോഫ്ലാവനോയ്ഡുകൾ, പാൽ പ്രോട്ടീൻ, ഔഷധസസ്യങ്ങൾ എന്നിവയാൽ സമ്പുഷ്ടമാണ്. ഈ അവശ്യ പോഷകങ്ങൾ പകൽ സമയത്ത് ഉണ്ടാകുന്ന യുവി‌എ, യുവിബി കിരണങ്ങൾ മൂലമുണ്ടാകുന്ന കേടുപാടുകൾ തീർക്കുകയും ചര്‍മത്തിന് സ്വാഭാവിക തിളക്കം നൽകുകയും ചെയ്യും. ഓക്സിഡേറ്റീവ് നാശത്തിൽ നിന്ന് ചര്‍മത്തെ നന്നാക്കാനും പുതുക്കാനും നിങ്ങളുടെ ഇരുപതുകൾ മുതൽ തന്നെ നിങ്ങൾക്ക് ഈ രാത്രി ക്രീമുകൾ ഉപയോഗിക്കാൻ ആരംഭിക്കാം.