ടവല്‍
പേരു സൂചിപ്പിയ്ക്കുന്നതു പോലെ ടവല്‍, പിന്നെ അല്‍പം ഓയില്‍ എന്നിവയാണ് ഇതിനായി വേണ്ടത്. അല്‍പം ചൂടുവെള്ളവും വേണം. ഇതിനായി പ്രത്യേക രീതിയില്‍ തയ്യാറാക്കുന്ന എണ്ണ വേണം. ഇതില്‍ ആവണക്കെണ്ണ, വെളിച്ചെണ്ണ, ഒലീവ് ഓയില്‍, ചോളം എണ്ണ എന്നിവ മിക്‌സ് ചെയ്ത് ഉപയോഗിയ്ക്കുന്നു. ഇത് തുല്യ അളവില്‍ എടുത്ത് കലര്‍ത്തുക. പിന്നീട് ഇത് രാത്രി കിടക്കാന്‍ നേരം മസാജ് ചെയ്ത് തലയോടില്‍ തേച്ചു പിടിപ്പിയ്ക്കുക. രാത്രി മുഴുവന്‍ ഇത് മുടിയില്‍ വയ്ക്കണം. ഷവര്‍ ക്യാപ്പോ മറ്റോ ഇട്ട് വയ്ക്കാം.
കുളിയ്ക്കുന്നതിന് മുന്‍പായി
പിറ്റേന്ന് ഒരു ടവല്‍ കുളിയ്ക്കുന്നതിന് മുന്‍പായി ചൂടുവെള്ളത്തില്‍ നല്ലതു പോലെ മുക്കിപ്പിഴിഞ്ഞ് എടുക്കുക. ഈ ടവല്‍ ശിരോഭാഗമടക്കം തലയില്‍ കെട്ടി വയ്ക്കാം. അധികം ചൂടുള്ള വെള്ളത്തില്‍ മുക്കരുത്. ഇത്രയും ചൂട് മുടിയ്ക്ക് ദോഷം വരുത്തും. ഇടത്തരം ചൂടാകാം. മുടിയില്‍ കെട്ടി വയ്ക്കുന്ന ടവല്‍ 20 മിനിറ്റ് നേരം ഇതേ രീതിയില്‍ മുടിയില്‍ പൊത്തിക്കെട്ടി വയ്ക്കുക. പിന്നീട് സാധാരണ രീതിയില്‍ മുടി കഴുകാം. ഷാംപൂ വേണമെങ്കില്‍ മാത്രം ഉപയോഗിയ്ക്കുക. എണ്ണ പോകണമെങ്കില്‍ താളി പോലുള്ള നാച്വറല്‍ വഴികളാണ് കൂടുതല്‍ നല്ലത്.
ഇതില്‍ ഉപയോഗിയ്ക്കുന്ന എണ്ണകള്‍
ഇതില്‍ ഉപയോഗിയ്ക്കുന്ന എണ്ണകള്‍ നല്‍കുന്ന ഗുണങ്ങള്‍ പലതാണ്. ആവണക്കെണ്ണ പൊതുവേ മുടി വളര്‍ച്ചയ്ക്കും കറുപ്പിനും ഉപയോഗപ്രദമാണ്. ഒലീവ് ഓയില്‍ ആരോഗ്യകരമായ കൊഴുപ്പുകള്‍, ഒമേഗ ഫാറ്റി ആസിഡുകള്‍ എന്നിവ അടങ്ങിയതാണ്. ചോളം എണ്ണയില്‍ വൈററമിന്‍ ഇ, ഒമേഗ ത്രീ ഫാറ്റി ആസിഡുകള്‍ എന്നിവയുണ്ട്. ഇവ മുടിയുടെ ആരോഗ്യത്തിന് പ്രധാനമാണ്. വെളിച്ചെണ്ണ പൊതുവേ മുടി വളരാന്‍ ഏറെ നല്ലതാണ്. ഇത് നല്ലൊരു കണ്ടീഷണര്‍ കൂടിയാണ്. മുടിയ്ക്ക് തിളക്കം നല്‍കാനും മുടി വളര്‍ച്ചയ്ക്കും നല്ല ശുദ്ധമായ വെളിച്ചെണ്ണ ഗുണം നല്‍കുന്നു
ടവല്‍ തെറാപ്പി
ഈ ടവല്‍ തെറാപ്പി നല്‍കുന്ന ഗുണങ്ങള്‍ പലതാണ്. മുടി കൊഴിച്ചില്‍ ഒഴിവാക്കാന്‍ മികച്ച വഴിയാണ് ഈ ടവല്‍ തെറാപ്പിയെന്നത്. ഇതിലൂടെ മുടി വേരുകള്‍ക്ക് നല്ല ബലം ലഭിയ്ക്കുന്നു. ശിരോചര്‍മത്തിലെ ഫോളിക്കിളുകള്‍ തുറക്കുന്നു. ഇതിലൂടെ മുടി വേരുകള്‍ക്ക് ബലം ലഭിയ്ക്കുന്നു. മുടി വളര്‍ച്ച സുഗമമാകുന്നു. താരന്‍ പോലുള്ള പ്രശ്‌നങ്ങള്‍ക്ക് ഇതേറെ നല്ലതാണ്. വരണ്ട മുടിയ്ക്ക് നല്ലൊരു മരുന്നായി പ്രവര്‍ത്തിയ്ക്കുന്ന ഒന്നാണ് ഈ ടവല്‍ തെറാപ്പി. മുടിയ്ക്ക് ആരോഗ്യവും കരുത്തും നല്‍കുന്ന ഏറെ ലളിതമായ വഴി. ടവല്‍ കെട്ടി വയ്ക്കുമ്പോള്‍ മുടി വേരുകള്‍ വല്ലാതെ മുറുകരുത്. ഇത് മുടി വേരുകളെ ദുര്‍ബലമാക്കും. പാഷന്‍ ഫ്രൂട്ട് ഇല പ്രമേഹ, കൊളസ്‌ട്രോള്‍ മരുന്നാക്കാം