കഴുത്തിലെ കറുപ്പ് നിറം മാറാൻ
കഴുത്തിലെ നിറവ്യത്യാസം സത്യത്തിൽ കാണാൻ അഭംഗി തന്നെയാണ്. ഇത് ഒരു വ്യക്തിയുടെ ശരീരശുചിത്വത്തിന് നേരെയുള്ള ഒരു ചോദ്യചിഹ്നമാണ്. ചില ആളുകളുടെ കാര്യത്തിൽ ഇത് വൃത്തിക്കുറവ് കൊണ്ട് സംഭവിക്കുന്ന ഒരു കാര്യമല്ല. സൂര്യന്റെ അൾട്രാവയലറ്റ് രശ്മികൾ ചർമ്മത്തിൽ അടിക്കുന്നത് മൂലവും ഇത് സംഭവിക്കാം. ഇത്തരത്തിൽ കഴുത്തിൽ ഉണ്ടാകുന്ന നിറവ്യത്യാസം മൂലം നിങ്ങൾക്ക് കഴുത്ത് മൂടുന്ന തരത്തിലുള്ള വസ്ത്രങ്ങളും മറ്റ് ഹൈ കോളർ ഷർട്ടുകളും ടീ ഷർട്ടുകളും ഒക്കെ ധരിക്കേണ്ടതായും വരുന്നു. എന്നാൽ ഇനി വിഷമിക്കേണ്ട. സലൂണിൽ പോവാതെ, അധികം പണം ചിലവാക്കാതെ തന്നെ നിങ്ങൾക്ക് ഈ പ്രശ്നം പരിഹരിക്കാം. വീട്ടിൽ തന്നെ തയ്യാറാക്കാവുന്ന ഈ പൊടിക്കൈകളെ കുറിച്ചാണ് ഇനി പറയാൻ പോകുന്നത്. തുടർന്ന് വായിക്കുക.
1. ബദാം
ബദാമിൽ അടങ്ങിയിട്ടുള്ള പോഷകഗുണങ്ങൾ ചർമ്മത്തിന്റെ ആരോഗ്യത്തിന് വളരെ ഉത്തമമാണ്. ബദാമിന്റെ സവിശേഷ ഗുണങ്ങളുടെ സഹായത്താൽ ചർമ്മത്തിന്റെ ആരോഗ്യം വർദ്ധിക്കുകയും നിറവ്യത്യാസം ഇലാതാക്കുകയും ചെയ്യാം.
ഒരു ടീസ്പൂൺ ബദാം പൊടിച്ചതും തേനും പാലും കൂടി ചേർത്ത് കട്ടിയുള്ള കുഴമ്പ് പരുവത്തിൽ ആക്കുക. ഇത് കഴുത്തിന്റെ വശങ്ങളിലും പുറകിലുമായി തേച്ചുപിടിപ്പിക്കുക. അര മണിക്കൂർ വച്ചതിനുശേഷം കഴുകിക്കളയുക. കൂടാതെ, ബദാം എണ്ണ ഉപയോഗിച്ച് കഴുത്തിന് ചുറ്റും മസ്സാജ് ചെയ്യുന്നതും നല്ലതാണ്.
ഇത് ആഴ്ച്ചയിൽ നാല് തവണ ചെയ്യുക.
Also read: പുരികത്തിന് കട്ടിയില്ല എന്നതാണോ പ്രശ്നം? പരിഹരിക്കാൻ ഇതാ 20 മാർഗ്ഗങ്ങൾ
2. കറ്റാർവാഴ
ചർമ്മത്തിന്റെ ജലാംശം നിലനിർത്തുവാനും ശുദ്ധമാക്കുവാനും ഉപകരിക്കുന്ന കറ്റാർവാഴ ചർമ്മത്തിന്റെ നിറവ്യത്യാസവും പരിഹരിക്കുന്നു. കൂടാതെ, ചർമ്മത്തിലെ കറുത്ത പാടുകൾ അകറ്റുവാനും കറ്റാർവാഴ വളരെ മികച്ച ഒരു പ്രതിവിധിയാണ്.
കറ്റാർവാഴയുടെ ജെൽ എടുക്കുക. ഇത് 20 മിനിറ്റ് കഴുത്തിൽ തേച്ച് പിടിപ്പിച്ച് സൗമ്യമായി മസ്സാജ് ചെയ്യുക. അതിനു ശേഷം കഴുകി വൃത്തിയാക്കാം.
ദിവസത്തിൽ ഒരു പ്രാവശ്യം വീതം തുടർച്ചയായി ചെയ്യുക. ഫലം കാണും.
3. വാൾനട്ട്
ആരോഗ്യമുള്ളതും പോഷിപ്പിച്ചതുമായ ചർമ്മത്തിനായി വാൾനട്ട് ഉപയോഗിക്കുക. ചർമ്മത്തിന്റെ നിറവ്യത്യാസം അകറ്റുവാനായി വാൾനട്ടും കട്ടത്തൈരും ചേർത്ത മിശ്രിതം വീട്ടിൽ തന്നെ തയ്യാറാക്കാം.
കുറച്ച് വാൾനട്ട് ചതച്ച് കട്ടത്തൈര് ചേർത്ത് യോജിപ്പിക്കുക. ഈ മിശ്രിതം നിങ്ങളുടെ കഴുത്തിൽ തേച്ച് പതുക്കെ മസ്സാജ് ചെയ്യുക. അതിനു ശേഷം കഴുത്തിൽ തേച്ച് പിടിപ്പിച്ചത് ഉണങ്ങിയതിന് ശേഷം ഇത് കഴുകി കളയുക.
ആഴ്ച്ചയിൽ രണ്ട് തവണ വീതം ഇത് ചെയ്യുക.
Also read: ഒരാഴ്ചയ്ക്കുള്ളിൽ കക്ഷത്തിലെ കറുപ്പ് നിറം മാറും!
4. കക്കിരിക്ക
കക്കിരിക്ക (Cucumber) നിങ്ങളുടെ ചർമ്മത്തിൽ അത്ഭുതകരമായ മാറ്റം കൊണ്ടുവരുന്നു. ഇതിന്റെ സുഖകരമായ സവിശേഷതയുടെ സഹായത്താൽ ചർമ്മകോശങ്ങളുടെ പ്രശ്നങ്ങൾ പരിഹരിക്കുകയും, നശിച്ച കോശങ്ങളെ നീക്കം ചെയ്യുകയും ചെയ്യുന്നു. ഇതിലൂടെ തിളങ്ങുന്ന ചർമ്മവും നിങ്ങൾക്ക് ലഭിക്കുന്നു.
വട്ടത്തിൽ അരിഞ്ഞ കക്കിരിക്ക ഉപയോഗിച്ച് കഴുത്തിൽ ഉരസുകയോ, കക്കിരിക്ക നീര് കഴുത്തിൽ തേച്ച് പിടിപ്പിക്കുകയോ ചെയ്യാം. ശേഷം 10 മിനിറ്റ് നേരം ഇത് വച്ച് കഴുത്ത് തടവുക. തണുത്ത വെള്ളത്തിലോ പനിനീർ വെള്ളത്തിലോ ഇത് കഴുകി കളയുക.
ഇത് ഒരു മാസം തുടർച്ചയായി എല്ലാ ദിവസവും ചെയ്യുക. ഉദ്ദേശിച്ച ഫലം കാണാൻ സാധിക്കും.
Also read: വ്യായാമം വേണ്ട; കഴുത്തിന്റെ വണ്ണം കളയാൻ ഈ ഭക്ഷണങ്ങൾ മതി
5. നാരങ്ങാനീര്
നാരങ്ങയിൽ അടങ്ങിയിട്ടുള്ള ബ്ലീച്ചിങ് ഏജന്റുകളുടെ സഹായത്താൽ ചർമ്മത്തിന്റെ നിറം വർദ്ധിപ്പിക്കുകയും നശിച്ച ചർമ്മകോശങ്ങളെ നീക്കം ചെയ്യുകയും ചെയ്യുന്നു.
ഇതിനായി, കുറച്ച് നാരങ്ങാനീര് വെള്ളത്തിൽ കലക്കുക. ഇതിലേക്ക് പഞ്ഞി മുക്കി, അത് കഴുത്തിൽ തേച്ച് പിടിപ്പിക്കുക. 20 മിനിറ്റ് വച്ചതിനു ശേഷം കഴുകി കളയുക. ഇത് ചെയ്ത ഉടനെ ചർമ്മത്തിൽ വെയിൽ അടിക്കാതിരിക്കുവാൻ ശ്രദ്ധിക്കേണ്ടതാണ്.
എല്ലാ ദിവസവും കുളിക്കുന്നതിന് മുമ്പ് ഇത് പതിവാക്കുക.
6. അപ്പക്കാരം അഥവാ ബേക്കിംഗ് സോഡ
ബേക്കിംഗ് സോഡയും വെള്ളവും ചേർത്ത മിശ്രിതം കഴുത്തിന് ചുറ്റുമുള്ള നിറവ്യത്യാസം മൂലമുള്ള പാടുകൾ നീക്കം ചെയ്യുവാനുള്ള ഫലപ്രദമായ വഴികളിൽ ഒന്നാണ്.
മൂന്ന് ഭാഗം ബേക്കിംഗ് സോഡയ്ക്ക് ഒരു ഭാഗം വെള്ളം എന്ന കണക്കിന് എടുത്ത് കുഴമ്പ് പരുവത്തിലുള്ള മിശ്രിതം തയ്യാറാക്കുക. ഇത് കഴുത്തിൽ തേച്ച് പിടിപ്പിച്ച് ഉണങ്ങാൻ വയ്ക്കുക. കുറച്ച് മിനിട്ടുകൾക്ക് ശേഷം കഴുകി കളയുക. നിങ്ങളുടെ കഴുത്തിലെ ചർമ്മത്തിന്റെ നിറം വർദ്ധിക്കുന്നതാണ്.
ഇത് ദിവസത്തിൽ രണ്ട് പ്രാവശ്യം ചെയ്യുക.