മുടി കൊഴിച്ചിലിന് ശാശ്വത പരിഹാരം, ഇവ ചെയ്തോളൂ

മുടി കൊഴിച്ചിൽ ലക്ഷണങ്ങൾ കണ്ടു തുടങ്ങുമ്പോൾ തന്നെ അധികമാളുകളും കൂടുതലൊന്നും ചിന്തിക്കാതെ പുറത്തു നിന്നും എണ്ണകളും ഹെയർ ക്രീമുകളും മുടി വളർച്ചക്കുള്ള നൂതന ചികിത്സാ മാർഗങ്ങളും ഒക്കെ പരീക്ഷിക്കുന്നു. രാസവസ്തുക്കൾ ഉപയോഗിച്ചു കൊണ്ടുള്ള ഉത്തരം കേശസംരക്ഷണ രീതികൾ പലപ്പോഴും നമ്മുടെ മുടിയെ കൂടി ഇല്ലാതാക്കുമെന്നതാണ് വാസ്തവം. മുടി കൊഴിച്ചില്‍ എന്നന്നേക്കുമായി ഒഴിവാക്കിക്കൊണ്ട് ആരോഗ്യവും ഉറപ്പുമുള്ള തലമുടി നേടിയെടുക്കണമെങ്കിൽ എല്ലായിപ്പോഴും പ്രകൃതിദത്ത മാര്‍ഗ്ഗങ്ങള്‍ തന്നെയാണ് മുന്നിൽ നിൽക്കുന്നത്. മുടികൊഴിച്ചിൽ ലക്ഷണങ്ങളെ എളുപ്പത്തിൽ നിയന്ത്രിച്ചുനിർത്താനായി ഇനി പറയുന്ന പ്രകൃതിദത്ത പരിഹാരമാർഗങ്ങൾ പരീക്ഷിക്കാം.

കറ്റാർ വാഴയിൽ നിറഞ്ഞിരിക്കുന്ന വിറ്റാമിൻ എ, ബി, സി, ഇ തുടങ്ങിയ പോഷകങ്ങൾ നിങ്ങളുടെ മുടിവളർച്ചയെ പ്രോത്സാഹിപ്പിക്കുന്നതാണ്. അതുകൊണ്ടുതന്നെ ഇതിനെ നിങ്ങളുടെ മുടികൊഴിച്ചിൽ പ്രശ്നങ്ങൾക്കുള്ള പ്രകൃതിദത്ത പരിഹാരമായി ഇതിനെ കണക്കാക്കാം. ഇത് നിങ്ങളുടെ തലയോട്ടിക്ക് അവശ്യ പോഷകങ്ങൾ നൽകിക്കൊണ്ട് ആരോഗ്യകരമായ മുടി വളർച്ചയെ പ്രോത്സാഹിപ്പിക്കുന്നു. മുടിയിൽ കറ്റാർ വാഴ പ്രയോഗിക്കുന്നത് വഴി രോമകൂപങ്ങളെ ആഴത്തിൽ പോഷിപ്പിക്കുകയും മുടിയുടെ ബലം വർദ്ധിപ്പിച്ച് കൊണ്ട് കൊഴിയാതിരിക്കാൻ സഹായിക്കുകയും ചെയ്യുന്നു.

കറ്റാർവാഴ നിങ്ങളുടെ തലമുടിയിൽ പ്രയോഗിക്കാനായി ഏകദേശം 1 ടീസ്പൂണോളം കറ്റാർ വാഴ ജെൽ ഇലകളിൽ നിന്നും വേർതിരിച്ച് എടുക്കുക. തലയിൽ ഉടനീളം ഇത് പ്രയോഗിക്കുക. നിങ്ങളുടെ മുടികൊഴിച്ചിൽ ഉള്ള ഭാഗങ്ങളിൽ കൂടുതലായി ഇത് തേച്ചു പിടിപ്പിക്കാം. ഒരു മണിക്കൂറോളം അല്ലെങ്കിൽ ഒരു രാത്രി മുഴുവൻ ഇത് തലയിൽ സൂക്ഷിച്ച് സാധാരണപോലെ കഴുകുക.

മുടിയുടെ വളർച്ചയെ പ്രോത്സാഹിപ്പിക്കുന്നതിനും മുടി കെട്ടു പിണയുന്നത് ഒഴിവാക്കുന്നതിനുമുള്ള ഒരു ഉറപ്പായ പരിഹാര മാർഗമാണ് സവാള നീര്. തലയോട്ടിയിലെ അണുബാധകളെയും ഫംഗസുകളെയും എളുപ്പത്തിൽ നിർവീര്യമാക്കുന്ന സൾഫറിന്റെ സമ്പന്നമായ ഉറവിടമാണിത്. ഇത്തരം ഫംഗസുകൾ മുടി കൊഴിച്ചിലിന് കാരണമാകുന്നവയാണ്. സവാള നീര് തലയോട്ടിയിലേക്കുള്ള രക്തചംക്രമണം മെച്ചപ്പെടുത്താനും മുടിയുടെ വളർച്ചയെ പ്രോത്സാഹിക്കുന്നതിനുള്ള മികച്ച മാർഗ്ഗങ്ങളിൽ ഒന്നാണ്. ഒരു സവാളയുടെ നീര് വേർതിരിച്ചെടുത്ത് ഇത് മുടികൊഴിച്ചിൽ ഉള്ള ഭാഗങ്ങളിൽ പ്രയോഗിക്കുക. 30 മിനിറ്റ് കാത്തിരുന്ന ശേഷം പതിവുപോലെ മുടി കഴുകുക.

Also read: ഒട്ടും ചെലവില്ലാതെ മുഖം മിനുക്കാം, ഐസ് ക്യൂബ് മസ്സാജ് ചെയ്തോളൂ

ഒലിവ് ഓയിൽ ഉപയോഗിച്ച് തലയോട്ടിയിൽ മസാജ് ചെയ്യുന്നത് രോമകൂപങ്ങളെ ഉത്തേജിപ്പിക്കാനും മുടിയുടെ വളർച്ചയെ പ്രോത്സാഹിപ്പിക്കാനും സഹായിക്കുന്ന മികച്ച പരിഹാരമാർഗമാണ്. ഈയൊരു പ്രവർത്തി ചെയ്യുന്നത് വഴി തലയിലേക്കുള്ള രക്തചക്രമണം മെച്ചപ്പെടുകയും ബലത്തോടെയും ഇടതൂർന്നും മുടി വളരുന്നതിനെ സഹായിക്കുന്നതാണ്. ഒലിവ് ഓയിൽ ചെറുതായി ചൂടാക്കി തലയോട്ടിയിൽ പുരട്ടി മസാജ് ചെയ്യുക, മുടികൊഴിച്ചിൽ ഉള്ള ഭാഗങ്ങളിൽ കൂടുതൽ ശ്രദ്ധ കേന്ദ്രീകരിക്കുണം. തലയോട്ടിയിൽ ഇത് തേച്ചു പിടിപ്പിച്ച ശേഷം 30 മിനിറ്റ് കാത്തിരിക്കാം. പതിവുപോലെ മുടി കഴുകുക.

Also read: നര അകറ്റാൻ ഇതിലും മികച്ച വീട്ടുവൈദ്യങ്ങൾ വേറേയില്ല

രോമകൂപങ്ങളെ പോഷിപ്പിക്കുന്നതിനും മുടിയുടെ വളർച്ചയെ പ്രോത്സാഹിപ്പിക്കുന്നതിനും സഹായിക്കുന്ന വിവിധതരം വിറ്റാമിനുകളും പോഷകങ്ങളും അടങ്ങിയിട്ടുള്ളതാണ് ഉരുളക്കിഴങ്ങ് എന്ന പച്ചക്കറി. ഇത് തലയോട്ടിയിലെ രോമകൂപങ്ങളെ അൺലോക്ക് ചെയ്യുകയും മുടിയുടെ വളർച്ചയെ മികച്ചതാക്കി മാറ്റുകയും ചെയ്യുന്നു. ഉരുളക്കിഴങ്ങ് നീര് തലയോട്ടിൽ പ്രയോഗിക്കുന്നത് തലയോട്ടിയിലെ കേടുപാടുകൾ തീർത്തുകൊണ്ട് മുടിക്ക് തിളക്കവും പോഷണവും നൽകും.

ഉരുളക്കിഴങ്ങ് ചേർത്ത് തിളപ്പിച്ച വെള്ളം ശേഖരിച്ചു വയ്ക്കുക. ഇത് പൂർണ്ണമായും തണുപ്പിച്ചെടുത്തതിനു ശേഷം, തലമുടി കഴുകി കണ്ടീഷനിംഗ് ചെയ്യാം.