ചുണ്ണാമ്പ്
ഇത് കരിച്ചു കളയാനുള്ള ട്രീറ്റ്‌മെന്റുകള്‍ ഇപ്പോള്‍ ലഭ്യമാണ്. എന്നാല്‍ ഇതല്ലാതെ തന്നെ വീട്ടില്‍ വച്ചു ചെയ്യാവുന്ന പല വിദ്യകളുമുണ്ട്. ഇത്തരം വിദ്യകളില്‍ ഒന്നാണ് ചുണ്ണാമ്പ് ഉപയോഗിയ്ക്കുന്ന ഒന്ന്. പൊതുവേ അരിമ്പാറകള്‍ക്കായി ഉപയോഗിയ്ക്കുന്ന പ്രധാനപ്പെട്ട ഒരു വീട്ടുമരുന്നാണ് ചുണ്ണാമ്പ്. ഇതിന്റെ അണുനാശിനി സ്വഭാവം തന്നെയാണ് ഗുണം നല്‍കുന്നത്. മുറുക്കാനും മറ്റ് പല ആവശ്യങ്ങള്‍ക്കുമായി ഉപയോഗിയ്ക്കുന്ന ഒന്നാണ്.
ബേക്കിംഗ് സോഡ
ഇതിനൊപ്പം മറ്റൊരു ചേരുവ കൂടി ചേര്‍ക്കും. ഇത് ബേക്കിംഗ് സോഡയാണ്. പാചക ആവശ്യങ്ങള്‍ക്ക് ഉപയോഗിയ്ക്കുന്ന ഇത് പല സൗന്ദര്യ വര്‍ദ്ധക പരീക്ഷണങ്ങള്‍ക്കും ഉപയോഗിയ്ക്കുന്ന ഒന്നു കൂടിയാണ്. ഇതിന് അണുനാശിനി സ്വഭാവവുമുണ്ട്. കാല്‍ വിണ്ടു കീറുന്നത് അടക്കമുള്ള പല ചര്‍മ പ്രശ്‌നങ്ങള്‍ക്കും ഇത് നല്ല മരുന്നാണ്. നല്ല ക്ലീനിംഗ് കഴിവുള്ള ചേരുവയാണ് ഇത്. ബ്ലീച്ചിംഗ് ഇഫക്ടുള്ള ഇത് ചെറിയ തോതില്‍ ഇത്തരം ക്രീമുകളില്‍ ഉപയോഗിയ്ക്കുന്നത് ഗുണം നല്‍കും.
ചുണ്ണാമ്പും ബേക്കിംഗ് സോഡായും
ഇതിനായി ചുണ്ണാമ്പും ബേക്കിംഗ് സോഡായും കലര്‍ത്തി പേസ്റ്റാക്കുക. ഇത് അരിമ്പാറയ്ക്ക് മുകളില്‍ അത് മുഴുവന്‍ മൂടുന്ന വിധത്തില്‍ പുരട്ടാം. ചുറ്റുമുള്ള ചര്‍മത്തില്‍ ആകാതിരിയ്ക്കാന്‍ ശ്രദ്ധിയ്ക്കുക. കാരണം ചര്‍മം പൊള്ളാന്‍ സാധ്യതയുണ്ട്. ഇത് ടൂത്ത്പിക് ഉപയോഗിയ്ച്ച് അരിമ്പാറയ്ക്ക് മുകളില്‍ പുരട്ടാം. അല്‍പം കഴിഞ്ഞ് ഇത് തുടച്ചു നീക്കാം. വീണ്ടും പുരട്ടുക. ഇങ്ങനെ നാലഞ്ച് തവണ ആവര്‍ത്തിയ്ക്കാം. പതുക്കെ ടൂത്ത് പിക്കിന്റെ കൂര്‍ത്ത ഭാഗം കൊണ്ട് അരിമ്പാറയുടെ വശങ്ങളില്‍ നിന്നും വേര്‍പെടുത്താം. മുഴുവന്‍ പോന്നില്ലെങ്കില്‍ ഇത് അടുത്ത ദിവസങ്ങളില്‍ ആവര്‍ത്തിയ്ക്കാം. അരിമ്പാറ പൊളിഞ്ഞു പോരാന്‍ ഇത് സഹായിക്കും.
അവ നീക്കംചെയ്യാൻ
അവ നീക്കംചെയ്യാൻ നിങ്ങൾ ഒരു ഉപകരണം ഉപയോഗിക്കുകയാണെങ്കിൽ, മറ്റാരും ആ ഉപകരണം ഉപയോഗിക്കുന്നില്ലെന്ന് ഉറപ്പാക്കുക. കാരണം, അരിമ്പാറ പകരുന്ന പ്രശ്നമാണ്. പ്രമേഹ രോഗിയാണെങ്കിൽ അവ നീക്കുന്നതിനായി സ്വന്തമായി ചികിത്സിക്കുന്നത് ഒഴിവാക്കുക.അരിമ്പാറയില്‍ നിന്നുള്ള സ്രവം മറ്റിടങ്ങളിലേയ്ക്ക് പകരാതെ നോക്കുക. അല്ലെങ്കില്‍ ഇത് പടരും. ഇതു പോലെ ഇത് കൈ കൊണ്ട് നുള്ളിപ്പൊളിച്ച് എടുക്കാന്‍ ശ്രമിയ്ക്കാതിരിയ്ക്കുക. അണുബാധ പോലുള്ള പ്രശ്‌നങ്ങള്‍ ഉണ്ടാകാനും ഇത് കൂടുതല്‍ പടരാനും കാരണമാകും.