ഏറെ നേരം വെളളമൊഴിയ്ക്കുന്നത്
ഏറെ നേരം വെളളമൊഴിയ്ക്കുന്നത് ചര്‍മത്തിന് നല്ലതാണെന്ന ചിന്തയാണ് പലര്‍ക്കും. എന്നാല്‍ ഇത് ചര്‍മത്തിന് ദോഷം വരുത്തുന്നതാണെന്നതാണ് വാസ്തവം. ഇങ്ങനെ വെള്ളമൊഴിയ്ക്കുമ്പോള്‍ ചര്‍മത്തിന് സ്വാഭാവികമായുള്ള എണ്ണമയം നഷ്ടപ്പെടുകയാണ് ചെയ്യുന്നത്. ചര്‍മം വരണ്ടതായി മാറുന്നു. ചര്‍മം വരളുമ്പോള്‍ ചര്‍മത്തില്‍ ചുളിവും വരകളും വീഴാന്‍ സാധ്യത ഏറെയാണ്. പെട്ടെന്ന് പ്രായമാകുന്നു. ഏറെ നേരം ചര്‍മത്തില്‍ വെള്ളമൊഴിച്ചാല്‍ ചര്‍മത്തില്‍ ചുളിവ് വീഴുന്നത് നമുക്കു തന്നെ മനസിലാക്കാന്‍ സാധിയ്ക്കും.
ചര്‍മത്തില്‍
ചര്‍മത്തില്‍ ചൊറിച്ചിലും മറ്റ് അസ്വസ്ഥതകളും ഉണ്ടാകാന്‍ ഇത് കാരണമാകും. ഏറെ നേരം വെള്ളം കോരിയൊഴിയ്ക്കുമ്പോള്‍ ഇത് ചര്‍മത്തിലെ സ്വാഭാവികത നശിപ്പിയ്ക്കുന്നതാണ് കാരണം. ഇത് ചര്‍മത്തില്‍ വരള്‍ച്ചയുണ്ടാക്കുന്നത് ചര്‍മം ചൊറിയാനും, പൊട്ടാനുമെല്ലാം കാരണമാകും. ചര്‍മത്തില്‍ സ്വാഭാവികമായുണ്ടാകുന്ന അവസ്ഥ മാറുകയാണ് കൂടുതല്‍ നേരം വെള്ളം കോരിയൊഴിച്ച് കുളിയ്ക്കുന്നതിലൂടെ സംഭവിയ്ക്കുന്നത്. ഇത് സ്വാഭാവിക എണ്ണമയം നഷ്ടപ്പെട്ട് ചര്‍മം വലിഞ്ഞു പോകാന്‍ വഴിയൊരുക്കുന്നു
ഇതു പോലെ തന്നെ
ഇതു പോലെ തന്നെ വല്ലാതെ തണുത്ത വെള്ളവും വല്ലാതെ ചൂടുള്ള വെള്ളവും ചര്‍മത്തിന് ദോഷകരമാണ്. ഇവ രണ്ടും ചര്‍മത്തിന്റെ സ്വാഭാവികതയെ നശിപ്പിയ്ക്കുന്നു. ഇളം ചൂടുവെള്ളം, അല്ലെങ്കില്‍ നോര്‍മല്‍ ടെംപറേച്ചര്‍ ഉള്ള വെള്ളമാണ് ചര്‍മാരോഗ്യത്തിന് ഗുണകരമാകുന്നത്. ഇതു പോലെ തന്നെ ഏറെ സമയമെടുത്ത് കുളിയ്ക്കുന്നത്, അതായത് ഏറെ വെള്ളം ചര്‍മത്തില്‍ ഒഴിയ്ക്കുന്നത് ഒഴിവാക്കണം. ഇത് ദോഷം വരുത്തും.
ഏറെ നേരം കുളിയ്ക്കുമ്പോള്‍
ഏറെ നേരം കുളിയ്ക്കുമ്പോള്‍ കൂടുതല്‍ സമയം സോപ്പോ ലോഷനോ ഒക്കെ പതപ്പിച്ചു കുളിയ്ക്കുന്ന ശീലവും പലര്‍ക്കുമുണ്ട്. ഇതും ആരോഗ്യത്തിന് ദോഷം വരുത്തുന്ന ഒന്നാണ്. കെമിക്കലുകള്‍ ചര്‍മത്തിന് ദോഷം വരുത്തുന്ന, ചര്‍മത്തിന്റെ സ്വാഭാവികത കളയുന്നു. ഇതിനാല്‍ ഇവയും ഒരു പരിധി വിട്ട് ഉപയോഗിയ്ക്കരുത്. മാത്രമല്ല, ഇവ തേച്ചു പതപ്പിയ്ക്കുമ്പോള്‍ കൂടുതല്‍ വെളളം ഉപയോഗിച്ച് കഴുകുകയും വേണ്ടി വരും. ഇതും ചര്‍മത്തിന് ദോഷമേ വരുത്തൂ.