5 Stunning Saree Looks Of Telugu Super Star Samantha Ruth Prabhu
Samantha Saree looks: സാരിയിൽ ആരാധകരുടെ ഹൃദയം കീഴടക്കിയ സമാന്തയുടെ അഞ്ച് ലുക്കുകൾ ഇതാ
തെന്നിന്ത്യന് സൂപ്പര് താരം സാമന്ത പലപ്പോഴും ഫാഷന് കാര്യത്തില് വിട്ടു വീഴ്ചകള് വരുത്താറില്ല. താരം സാരിയില് തിളങ്ങിയ ചില ചിത്രങ്ങള് കാണാം.
Authored byറ്റീന മാത്യു | Samayam Malayalam9 Jan 2023, 4:48 pm
തെന്നിന്ത്യന് സൂപ്പര് താരം സാമന്ത റൂത്ത് പ്രഭു (samantha ruth prabu) പലപ്പോഴും വാര്ത്തകളിലെ നിറ സാന്നിധ്യമാണ്. അഭിനയത്തില് മാത്രമല്ല, ഫാഷന്, നൃത്തം തുടങ്ങി എല്ലാ മേഖലകളിലും സ്വന്തം വ്യക്തിമുദ്ര പതിപ്പിച്ച താരമാണ് സാമന്ത. വസ്ത്രധാരണത്തിലാണ് സാമന്ത പലപ്പോഴും ആരാധകരുടെ ഹൃദയം കീഴടക്കിയിരുന്നത്. എല്ലാ വേദികളിലും തന്റേതായ വ്യക്തിഗത ശൈലി വസ്ത്രധാരണത്തില് കൊണ്ടുവരാന് സാമന്ത ശ്രമിക്കാറുണ്ട്. ഈ അടുത്തിടെയാണ് താരം തന്റെ രോഗാവസ്ഥയെക്കുറിച്ച് സോഷ്യല് മീഡിയയിലൂടെ പങ്കുവെച്ചത്. മാസങ്ങളോളം മയോസൈറ്റിസ് രോഗത്തില് ചികിത്സയിലായിരുന്ന താരം കഴിഞ്ഞ ദിവസമാണ് ശാകുന്തളം സിനിമയുടെ ട്രെയിലര് ലോഞ്ചിന് പൊതു വേദിയിലെത്തിയത്. താരത്തിൻ്റെ പ്രിയപ്പെട്ട വേഷത്തില് സാമന്ത തിളങ്ങിയ ചില പഴയകാല ചിത്രങ്ങള് കാണാം.
സിമ്പിള് ആന്ഡ് എലഗന്റ്
അഭിഷേക് സ്റ്റുഡിയോയില് നിന്നുള്ള എംബ്രോയ്ഡറി ചെയ്ത ഷീര് സാരിയില് കാഴ്ചക്കാരുടെ ഹൃദയം കീഴടക്കിയിരിക്കുകയാണ് താരം. പീച്ച് നിറത്തിലുള്ള സാരിയില് അതിലോലമായ ഫോളറല് എംബ്രോയ്ഡറിയും അലങ്കാരത്തോടുകൂടിയ ബീഡ് വര്ക്കുകളും ഉണ്ടായിരുന്നു. വെള്ളയില് അലങ്കരിച്ച മുത്ത് ബ്ലൗസാണ് താരം ധരിച്ചിരുന്നത്. ഒരു ചോക്കര് നെക്ലേസും സ്റ്റഡ് കമ്മലുകളും ആക്സസറികളായി തിരഞ്ഞെടുത്ത താരം തിളങ്ങുന്ന മേക്കപ്പ് കൂടിയായതോടെ ഏറെ മനോഹരിയാണ്.
രാജകുമാരിയെ പോലെ തിളങ്ങി
2021 വര്ഷാരാംഭത്തില് ചാമ്പ്യന്സ് ഓഫ് ചേഞ്ച് തെലങ്കാന അവാര്ഡ് നല്കി താരത്തെ ആദരിച്ചിരുന്നു. വേദിയില് അര്ച്ചന ജാജുവിന്റെ ഫോളറല് സാരിയിലാണ് താരം അവാര്ഡ് ദാന ചടങ്ങില് പങ്കെടുത്തത്. പേസ്റ്റല് നിറത്തിലുള്ള സാരിയുടെ പ്രത്യേകത ഗോള്ഡന് സെറി ബോര്ഡറും ഫോളറല് പ്രീന്റുകളുമാണ്. വി നെക് സ്റ്റൈലില് സ്ലീവ്ലെസ് ഗോള്ഡന് ബ്ളൗസാണ് താരം സാരിക്കൊപ്പം അണിഞ്ഞത്. വലിയ കമ്മലുകള് തിരഞ്ഞെടുത്തത് കാരണം താരം കഴുത്തില് ആക്സസറീസ് ഒന്നും ഇട്ടിട്ടില്ല. തലമുടി ബണ് ചെയ്തും അതിഗംഭീര മേക്കപ്പുമണിഞ്ഞാണ് താരം വേദി കീഴടക്കിയത്.
ഗ്ലാമറസ് സാരി ലുക്ക്
ഗ്ളാമറസായും സാരി ഉടുക്കാന് താരത്തിന് സാധിക്കാറുണ്ട്. ഡിസൈനര് ലേബല് ക്രേഷാ ബജാജിന്റെ അലങ്കരിച്ച പ്രീ-ഡ്രെപ്പ്ഡ് സാരിയില് നടി അതീവ സുന്ദരിയായും സ്റ്റൈലിഷുമായാണ് കാണപ്പെട്ടത്. കടുംചുവപ്പ് സാരിയില് സൈഡ് സ്ലിറ്റിനൊപ്പം ഉടനീളം തിളങ്ങുന്ന ഡീറ്റേയിലിംഗ് ആണ് നല്കിയിരുന്നത്. ഫൂള് സ്ലീവ് ലെയ്സ് ബ്ലൗസാണ് സാരിയ്ക്ക് കൂടുതല് സ്റ്റൈലിഷ് ലുക്ക് നല്കുന്നത്. മിനിമല് മേക്കപ്പ് നടിയെ കൂടുതല് സുന്ദരിയാക്കുന്നുണ്ട്.
മാംഗോ സാരി
ഇത് അല്പ്പം പഴയ ചിത്രമാണെങ്കിലും താരത്തിന്റെ സാരി ലുക്ക് ആരാധകരെ കീഴടക്കി കളഞ്ഞു. കറുപ്പും വെളുപ്പും നിറത്തില് വരകളുള്ള മഞ്ഞ റോ മാംഗോ കളര് സാരിയില് സാമന്ത ഏറെ സുന്ദരിയായിരുന്നു. സ്ലിവ്ലെസ് മഞ്ഞ ബ്ലൗസണിഞ്ഞ് താരം സാരിക്ക് ഒരു മോഡേണ് ലുക്ക് നല്കി. മിനിമല് മേക്കപ്പില് കണ്ണുകള്ക്കും ചുണ്ടുകള്ക്കുമാണ് കൂടുതല് ശ്രദ്ധ നല്കിയത്. ആക്സസറികള്ക്കായി ഗോള്ഡന് ഹൂപ്പ് കമ്മലുകളാണ് താരം തിരഞ്ഞെടുത്തത്.
വധുവിനെ പോലെ സുന്ദരി
വധുവിനെ പോലെ അണിഞ്ഞൊരുങ്ങിയ ഒരു ഫോട്ടോഷൂട്ടായിരുന്നു മറ്റൊരു ശ്രദ്ധിക്കപ്പെട്ട ചിത്രം. മനോഹരമായ ഗോള്ഡന് റെഡ് നിറത്തിലുള്ള ബനാറസി സാരിയില് അതീവ സുന്ദരിയായ ഒരു വധുവിനെ പോലെയാണ് താരം തിളങ്ങിയത്. ഗോള്ഡും ചുവുപ്പും നിറമുള്ള ഷോര്ട്ട് സ്ലീവ് ബ്ലൗസുമായാണ് സാരി താരം അണിഞ്ഞത്. കൈ നിറയെ വളകളും അരപ്പട്ടയും വലിയ മാലയുമാണ് താരം അണിഞ്ഞത്.
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.