കങ്കണയ്ക്ക് അറിയാം ഓരോ സാരിയും എങ്ങനെ മനോഹരമാക്കണമെന്ന്!

കേരള സിൽക്കിലും കങ്കണ കൈ വെക്കാതിരുന്നിട്ടില്ല. കേരള സിൽക്കിൽ താരം എത്രത്തേളം സുന്ദരിയായിരിക്കുമെന്ന് ഒന്ന് സങ്കൽപ്പിച്ചു നോക്കൂ. നിങ്ങളുടെ സങ്കൽപ്പത്തിനും അപ്പുറത്താണ് കങ്കണയുടെ ഭംഗിയെന്ന് ഈ ചിത്രത്തിൽ നിന്ന് നിങ്ങൾക്ക് മനസിലാക്കാം. കങ്കണ റണാവത്തിന് കൂടുതൽ ചേരുന്ന വസ്ത്രംകൂടിയാണ് കേരള സാരി. സ്വർണ്ണ ബോർഡറുകളുള്ള ഒരു കേരള സാരിയില്‍ നിൽക്കുന്ന തന്‍റെ ചിത്രം സോഷ്യൽ മീഡിയയിൽ പങ്കുവെച്ചപ്പോൾ ആരാധകർ നടിയെ സ്നേഹംകൊണ്ട് മൂടുകയായിരുന്നു. സാരിക്കൊപ്പം സ്റ്റേറ്റ്മെൻറ് നെക്ക്പീസും കമ്മലും കൂടുതൽ മനോഹരമാകുന്നു. താരത്തിെൻറ ഇൻസ്റ്റ ഗ്രാം അക്കൗണ്ടിൽ ആരാധകരുടെ തള്ളിക്കയറ്റമാണ് ഇൗ ചിത്രത്തിനടിയിൽ കാണുന്നത്.

കങ്കണ റണാവത്തിന്‍റെ നവരാത്രി ലുക്ക് ആണ് ഇൻസ്റ്റഗ്രാമിൽ വൈറൽ ആയിക്കൊണ്ടിരിക്കുന്ന മറ്റൊരു ചിത്രം. ആരാധകർ ഏറെ ഇഷ്ടപ്പെടുന്ന ഒരു വേഷവും ഇതു തന്നെ. പിങ്ക്, ഗോൾഡൻ ബോർഡറുകളുള്ള പരമ്പരാഗത മൃദുവായ പിങ്ക് സിൽക്ക് ആണ് അവൾ തിരഞ്ഞെടുത്തിരിക്കുന്നത്. ഇതോടൊപ്പം പരമ്പരാഗത ആഭരണങ്ങളും- ജുംകകളും ഗോൾഡൻ ചോക്കറുമെല്ലാം ആ വേഷത്തിെൻറ ആഢ്യത്വം വർധിപ്പിക്കുന്നു.

വേനൽക്കാലത്തിെൻറ ഭംഗി കാണിക്കുന്നതാണ് കങ്കണയുടെ ഈ ചിത്രം. സാരിയിൽ വേനൽക്കാലത്തും എങ്ങനെ തിളങ്ങി നിൽക്കാം എന്ന് കങ്കണ തെളിയിക്കുകയായിരുന്നു എന്നു തന്നെ പറയാം. തന്റെ മഞ്ഞ സാരിയിൽ പ്രേക്ഷകരുടെ മനം കവരുകയാണ് താരം. അത്രത്തോളം സിംപിൾ വേഷമായിട്ടു പോലും ആരാധകർ ഈ ചിത്രം എത്രത്തോളം ഇഷ്ടപ്പെടുന്നു എന്നറിയാൻ ഇൻസ്റ്റഗ്രാമിലെ കങ്കണയുടെ ചിത്രത്തിന് താളെയുള്ള കമൻറുകൾ മാത്രം വായിച്ചാൽ മതിയാകും.

തന്‍റെ പുതിയ ചിത്രമായ ‘തലൈവി’ യുടെ ട്രെയിലർ ലോഞ്ചിനായി എത്തിയ കങ്കണ റണാവത്ത് ദക്ഷിണേന്ത്യ മുഴുവൻ കറങ്ങി തനിക്കിഷ്ടപ്പെട്ട നിരവധി കാഞ്ചീവരം സിൽക്ക് സാരികളാണ് കളക്ട് ചെയ്തത്. മാധുര്യ ക്രിയേഷൻസ് രൂപകൽപന ചെയ്ത കറുപ്പും ഗോൾഡൻ ബോർഡറുകളുമുള്ള ഓറഞ്ച് ഷേഡ് കാഞ്ചീവരം സിൽക്ക് ആണ് ട്രെയ്ലർ ലോഞ്ചിൽ തിളങ്ങിയത്. സ്റ്റേറ്റ്മെൻറ് ചോക്കറും കട്ടിയുള്ള കമ്മലുകളും ഈ വേഷത്തിൽ കങ്കണയെ കൂടുതൽ മനോഹരമാക്കുകയും ചെയ്തു.

Also read: ഫങ്കി ഫ്യൂഷൻ ഗ്രീൻ കോ-ഓർഡ് സെറ്റിൽ സുന്ദരിയായി തമന്ന

മറ്റൊരു അവസരത്തിൽ ഇളം പച്ച സാരി ഉടുത്തെത്തിയ കങ്കണയിലേക്ക് എല്ലാ കണ്ണുകളും ഒരുപോലെ നീങ്ങി. ഇളം പച്ച സാരിയില്‍ സ്വര്‍ണ നിറമുള്ള ബോര്‍ഡര്‍ കൂടിയായപ്പോള്‍ അതിന്‍റെ വശ്യത ഇരട്ടിയായി. കൂടുതല്‍ ഫാഷനബിള്‍ ആയി തോന്നിപ്പിക്കുന്ന സ്ലീവ് ലെസ്സ് ബ്ലൗസും സ്റ്റേറ്റ്മെന്‍റ് ഇയര്‍ റിംഗ് കൂടിയായതോടെ കങ്കണ മനോഹരിയായി. മുടിയിഴകള്‍ കെട്ടി വെയ്ക്കാതെ നടുക്ക് നിന്ന് വകഞ്ഞ് കിടക്കുന്നത് കൂടുതല്‍ ഭംഗി നല്‍കി.

കങ്കണയും സാരിയും തമ്മിൽ വല്ലാത്തൊരു കണക്ഷൻ ഉണ്ടെന്ന് അവരുടെ ഓരോ ചിത്രങ്ങളിൽ നിന്നും വ്യക്തമാവുന്നുണ്ട്. മിക്ക പുതിയ ഡിസൈൻ സാരികളും കങ്കണ െട്രെ ചെയ്യാതെ വിടാറുമില്ല. തന്‍റെ ആരാധകർക്കും അത് ഏറെ ഇഷ്ടമാണെന്ന് കങ്കണക്കും അറിയാം.