'ഹൃത്വിക് റോഷനൊക്കെ എന്നാ ഒരു മസിലാ, അല്ലെ?'

എന്ത് കൊണ്ടാണ് എത്രയൊക്കെ വ്യായാമം ചെയ്തിട്ടും മസില് വരാത്തത് എന്ന് ശ്രദ്ധിച്ചിട്ടുണ്ടോ? എന്തായിരിക്കും ഹൃത്വിക് റോഷന്റെ മസിലിന് പിന്നിലുള്ള ആരോഗ്യ രഹസ്യം എന്ന് ആലോചിച്ചിട്ടുണ്ടോ?

ബോളിബുഡ് ഫിറ്റ്നസ് ബോയിയുടെ പരസ്യമായ 'രഹസ്യങ്ങൾ'!

ഫിറ്റ്നസിന്റെ പര്യായമായ ബോളിവുഡ് താരം ഹൃത്വിക് റോഷൻ മികച്ചൊരു നർത്തകൻ കൂടിയാണ്. ബോളിവുഡിലെ ഗ്രീക്ക് ദേവൻ എന്നാണ് ഹൃത്വിക്കിനെ വിശേഷിപ്പിക്കുന്നത് തന്നെ. ലോകത്ത് ഏറ്റവും സൌന്ദര്യമുള്ള വ്യക്തിയായും ഹൃത്വിക് റോഷൻ തെരഞ്ഞെടുത്തിട്ടുണ്ട്. തന്റെ നാൽപ്പത്തി ആറാം വയസ്സിലും എങ്ങനെയാണ് ഇത്രയധികം ഫിറ്റ്നസ് കാത്തു സൂക്ഷിക്കുന്നു എന്ന ചോദ്യത്തിന് താരം വ്യക്തമാക്കിയ കാര്യങ്ങൾ എന്തൊക്കെയാണെന്ന് നമുക്ക് നോക്കാം.

പലർക്കും അസൂയ തോന്നും വിധത്തിലാണ് ഹൃത്വിക് റോഷന്റെ ബോഡി ഷേപ്പ്. എങ്ങനെയാണ് അത് നിലനിർത്തുന്നത് എന്ന് നമുക്ക് നോക്കാം. ആരോഗ്യ രഹസ്യത്തിന് പിന്നിൽ ചിട്ടയായ വർക്കൌട്ട് തന്നെയാണ്. വർക്കൌട്ടിലൂടെയാണ് തന്റെ ശരീരം ഇത്രയും ഭംഗിയുള്ളതാക്കി മാറ്റിയതെന്ന് ഹൃത്വിക് റോഷൻ വ്യക്തമാക്കുന്നു. തന്റെ ശരീരത്തിലെ ഓരോ അവയവങ്ങൾക്കും വേണ്ട വ്യായാമങ്ങൾ ഓരോ ദിവസവും താരം ചെയ്യാറുണ്ട്. കൈകൾ തോളുകൾ, ബൈ സെപ്സ്, ഉദരം, കാവ്സ് തുടങ്ങി ശരീരത്തിന്റെ ഓരോ ഭാഗത്തിനും താരം പ്രത്യേകമായും ദിവസവും വർക്കൌട്ട് ചെയ്യുന്നുണ്ടെന്നാണ് താരം വ്യക്തമാക്കുന്നത്. ഇത് തന്നെയാണ് താരത്തിന്റെ ആരോഗ്യം നില നിർത്തുന്നതും.

ഡാൻസ് ചെയ്ത് ഫിറ്റ്നസ് നേടാം; വിഷാദരോഗത്തെ അകറ്റി നിർത്താം

വ്യായാമ കാര്യത്തിലെന്ന പോലെത്തന്നെ ഭക്ഷണ രീതിയിലും ഹൃത്വിക് അൽപം കണിശക്കാരനാണെന്ന് വേണമെങ്കിൽ പറയാം. എന്ത് കിട്ടിയാലും വാരി വലിച്ച് തിന്നുന്ന സ്വഭാവക്കാരനല്ലെന്ന് ചുരുക്കം. അത് കൊണ്ട് തന്നെയാണ് ശരീരം ഇത്രയും സുന്ദരമായി കൊണ്ട് നടക്കുന്നതും. മാത്രമല്ല താരം ഭക്ഷണങ്ങളിൽ എണ്ണയുടെ ഉപയോഗം വളരെ കുറവാണ്.

പ്രോട്ടീൻ ധാരാളമായിട്ട് അടങ്ങിയ ഭക്ഷണങ്ങളായിരിക്കും കൂടുതലായും ഉപയോഗിക്കുന്നത്. അത് കൊണ്ട് തന്നെ ധാരാളം പഴങ്ങളും പച്ചക്കറികളും കഴിക്കും. ഒരു ദിവസം തന്നെ പല പ്രാവശ്യം ഭക്ഷണം കഴിക്കുന്നതും താരത്തിന്റെ ഹോബിയാണ്. ദിവസത്തിൽ രണ്ടു മണിക്കൂർ ഇടവിട്ട ഭക്ഷണം കഴിക്കുന്ന ഹൃത്വിക് റോഷൻ കഴിക്കുന്നതെന്തും പേശികൾക്കും ശരീരത്തിനും ഗുണകരമായ വസ്തുക്കളാണെ ആദ്യം തന്നെ ഉറപ്പ് വരുത്തും. മാത്രമല്ല കൊഴുപ്പ് അടങ്ങിയ ഭക്ഷണം താരം അധികം ഉപയോഗിക്കാറില്ല.

സൽമാൻ ഖാന് മാത്രമല്ല നിങ്ങൾക്കുമാകാം 'മസിൽ മാൻ'!

പ്രോട്ടീൻ കൂട്ടാനായി മുട്ട, കോഴിയിറച്ചി, മത്സ്യം തുടങ്ങിയവ ധാരാളമായി ഉൾപ്പെടുത്തും. ഇതിന് പുറമെ ആരോഗ്യഭക്ഷണങ്ങളായ ക്യാരറ്റ്, ബ്രൊക്കോളജി തുടങ്ങിയ പച്ചക്കറികൾ ആവിയിൽ വേവിച്ചും താരം കഴിക്കാറുണ്ട്.

അനാരോഗ്യകരമായ ജങ്ക്ഫുഡിനെ തന്റെ ഏഴയലത്തുപോലും ഹൃത്വിക് അടുപ്പിക്കില്ല എന്നതാണ് വസ്തുത. ഭക്ഷണത്തിൽ ഒരു തരത്തിലുമുള്ള കൃത്രിമ മധുരങ്ങളും ഉൾപ്പെടുത്തില്ല. വർക്കൗട്ടിനു ശേഷം 45 മിനിറ്റ് കഴിഞ്ഞേ ഭക്ഷണം കഴിക്കൂ. തുടങ്ങിയവയൊക്കെയാണ് ഹൃത്വിക് റോഷന്റെ ഫിറ്റ്നസ് രഹസ്യങ്ങൾ.