വ്യായാമങ്ങൾ
പലതരത്തിലുള്ള വ്യായാമങ്ങളും ഇന്ന് ഉണ്ട്. ആരോഗ്യ ഗുണങ്ങൾക്കേറെ ഉപകരിക്കുന്നത്, മെഡിസിനേക്കാളും വ്യായാമങ്ങളാണെന്ന് പ്രത്യേകം പറയേണ്ടതില്ലാല്ലോ. അത് കൊണ്ട് തന്നെ എന്ത് ആരോഗ്യ പ്രശ്നങ്ങൾക്കും നിങ്ങൾക്ക് വ്യായാമം കൊണ്ട് പ്രതിവിധി കണ്ടെത്താൻ സാധിക്കും. അത്തരത്തിലുള്ള, നിങ്ങളറിയാത്ത, ഏറെ ആയാസമില്ലാതെ കിടപ്പറയിൽ ചെയ്യാൻ പറ്റുന്ന ചില വ്യായാമങ്ങളെ പരിചയപ്പെടാം.
തലയിണ ഉപയോഗിച്ച്
ജിമ്മുകളെയും മറ്റു വ്യായാമ കേന്ദ്രങ്ങളെയും ആശ്രയിക്കാതെ വീട്ടിൽ തന്നെ നിങ്ങൾക്ക് ഫിറ്റായ ബോഡി ഉണ്ടാക്കിയെടുക്കാൻ സാധിക്കും. അത്തരത്തിലുള്ള പല വ്യായാമങ്ങളും ഇന്ന് ഉണ്ട്. എന്നാൽ സമയക്കുറവ് കൊണ്ട് അതൊന്നും നമ്മൾ അത്ര കാര്യമാക്കാറില്ല എന്ന് മാത്രം. തലയിണ ഉപയോഗിച്ച് ശരീരം എങ്ങനെ പെർഫെക്ട് ഫിറ്റാക്കി എടുക്കാം എന്ന് നമുക്ക് നോക്കാം.
ചെയ്യേണ്ട വിധം...
കിടക്കയിൽ കയറി നീണ്ടു നിവർന്ന് കിടക്കുക. ശേഷം തലയിണ എടുത്ത് കാലുകൾക്കിടയിൽ വെക്കുക. ശേഷം കൈകൾ തലയ്ക്ക് മുകളിൽ കൂപ്പി വെക്കുക. എന്നിട്ട് കാലുകൾക്കിടയിലുള്ള തലയിണ കാല് പൊക്കി കൈകളിലേക്ക് നൽകുക. ശേഷം തലയിണയുമായി കൈകൾ തലയ്ക്ക് മുകളിലേക്ക് കൊണ്ടു പോകുക. വീണ്ടും കൈ പൊക്കി കാലുകൾക്കിടയിൽ തലയിണ തിരുകുക. 30 സെക്കന്റ് വീതം മൂന്ന് സെറ്റ് ഇത്തരത്തിൽ ചെയ്യുക. ഇങ്ങനെ ചെയ്യുന്നത് നിങ്ങളുടെ വയറ് വളരെ പെട്ടെന്ന് തന്നെ കുറക്കാന സാധിക്കും. എന്ന് മാത്രമല്ല നിങ്ങളുടെ ശരീരത്തിന് നല്ല ആകൃതി നൽകുകയും ചെയ്യും.
അരക്കെട്ട് ഒതുക്കാം, ദിവസങ്ങൾക്കുള്ളിൽ!
കാൽ കൊണ്ട് ചെയ്യാം വ്യായാമം
വളരെ പെട്ടെന്ന് തന്നെ ശരീരത്തിന്റെ നല്ല ആകൃതിക്കായും വയറ് കുറക്കാനും വേണ്ടി ചെയ്യാൻ പറ്റിയ ഒരു വ്യായാമമാണ് ഇത്. പലപ്പോഴും സമയമില്ലെന്ന് കരുതി മാറ്റിവെക്കേണ്ട ഒന്നല്ല വ്യായാമം. അത് കൊണ്ട് തന്നെ നിങ്ങൾക്ക് വളരെ എളുപ്പത്തിൽ ചെയ്യാൻ പറ്റുന്ന വ്യായാമങ്ങളെക്കുറിച്ചാണ് പറയുന്നത്. മേൽ പറഞ്ഞ പോലെ വളരെ എളുപ്പത്തിൽ ചെയ്യാൻ പറ്റുന്ന മറ്റൊരു വ്യായാമമാണ് ഇനി പറയാൻ പോകുന്നത്. കാലുകൾ നീട്ടിയുള്ള വ്യായാമമാണ് ഇത്. ഇത് എങ്ങനെയാണ് എന്ന് നോക്കാം.
വയറും തടിയും കുറക്കാം എളുപ്പത്തിൽ
വയറും തടിയും കുറക്കാൻ എളുപ്പത്തിൽ ചെയ്യാൻ പറ്റിയ മറ്റൊരു വ്യായാമം. ആദ്യം കൈകൾ രണ്ടും മുമ്പിൽ കുത്തി മുട്ടു കാലിൽ നിൽക്കുക. ശേഷം ഇടതു കാൽ പൊക്കുകക. എന്നിട്ട് പിന്നിലേക്ക് നീട്ടുക. ശേഷം മുന്നോട്ട് നെഞ്ചിനോടടുപ്പിച്ച് മടക്കുക. ഇത്തരത്തിൽ കാല് നീട്ടുകയും മടക്കുകയും ചെയ്യുക. ഇരുപത് മിനിറ്റോളം ഇത്തരത്തിൽ തുടരുക. ആദ്യം ഇടതും കാലും ശേഷം വലതു കാലും ചെയ്യുക.
നിരന്തരം മൊബൈൽ ഉപയോഗിക്കുമ്പോൾ കൈകളിൽ തരിപ്പ് ഉണ്ടാകുന്നുണ്ടെങ്കിൽ...
കിടക്കയിലെ സൈക്ലിംഗ്
വളരെ എളുപ്പത്തിൽ ചെയ്യാൻ പറ്റുന്ന ഒന്നാണ് കിടക്കയിലെ സൈക്ലിംഗ്. ഇത് എങ്ങനെയാണ് എന്ന് നോക്കാം. ആദ്യം കിടക്കയുടെ അരികിൽ കാല് നിലത്തു മുട്ടുന്ന രീതിയിൽ കിടക്കുക. ശേഷം തല അൽപം പൊക്കിവെക്കുക. എന്നിട്ട് കാലുകളുയർത്തി സൈക്കിൾ ചവിട്ടുന്നത് പോലെ പ്രവർത്തിക്കുക. മുപ്പത് സെക്കന്റ് ഇത്തരത്തിൽ ചെയ്യുക. ഇത് നിങ്ങളുടെ ശരീരത്തിൽ വളരെ ഏറെ ഗുണം ചെയ്യും എന്ന് അറിഞ്ഞിരിക്കുക.
ചെയ്യേണ്ടത് എങ്ങനെയാണെന്ന് വിശദമായി നോക്കാം
ആദ്യം വലതു കാൽ എടുത്ത് മുഖത്തിന്റെ ഭാഗത്തെക്ക് എത്തിക്കുക, ശേഷം കാല് നിലത്ത് മുട്ടുന്ന രീതിയിലാക്കുക. എന്നിട്ട് ഇടത് കാല് ഇത്തരത്തിൽ ചെയ്യുക. പതിയെ പതിയെ ഇത് വേഗത്തിലാക്കാൻ ശ്രദ്ധിക്കുക. ഇത്തരത്തിൽ ചെയ്യുന്നതിലൂടെ നിങ്ങളുടെ ശരീരത്തിലുള്ള കൊഴുപ്പുകൾ വളരെ പെട്ടെന്ന് തന്നെ ഇല്ലാതാകും എന്ന് പ്രത്യേകം പറയേണ്ടതില്ലാല്ലോ.
''പെടലി' ന്റെ വേദന ഒരുപാട് അനുഭവിച്ചിട്ടുണ്ട്': രാവിലെത്തന്നെ കഴുത്ത് വേദന ഉണ്ടാകാറുണ്ടോ?
സ്റ്റാൻഡ് സ്കിപ് ആൻഡ് ഡൌൺ
അടുത്തതായി എളുപ്പത്തിൽ ചെയ്യാൻ പറ്റുന്ന മറ്റൊരു വ്യായാമമാണ് സ്റ്റാൻഡ് സ്കിപ് ആൻഡ് ഡൌൺ. ഇത് എങ്ങനെ ചെയ്യേണ്ടത് എന്ന് നമുക്ക് നോക്കാം, ആദ്യം സ്ട്രൈറ്റായി നിൽക്കുക. ചെറുതായി ഒന്ന് സ്കിപ് ചെയ്യുക. എന്നിട്ട് ഇരിക്കുക, ശേഷം കിടക്കുക. വീണ്ടും നിൽക്കുക, സ്കിപ് ചെയ്യുക, ഇരിക്കുക, കിടക്കുക ഇത് വേഗത്തിൽ ചെയ്യാൻ ശ്രദ്ധിക്കുക. ഇത്തരത്തിൽ മുപ്പത് സെക്കന്റോളം ചെയ്യാൻ ശ്രദ്ധിക്കുക. ഇത് നിങ്ങളുടെ ആരോഗ്യത്തെ വളരെ ഏറെ ഗുണം ചെയ്യും എന്ന് അറിഞ്ഞിരിക്കുക.