സിസേറിയനില്ലാതെ പ്രസവിക്കാൻ ഈ വ്യായാമങ്ങൾ ചെയ്യൂ

പലപ്പോഴും ആശയക്കുഴപ്പത്തിലാക്കുന്ന കാര്യങ്ങളിൽ ഒന്നായിരിക്കും നോർമൽ പ്രസവം വേണോ അതോ സിസേറിയൻ വേണോ എന്നത്. 85 ശതമാനം സ്ത്രീകളിലും ഡോക്ടർമാർ നോർമൽ ഡെലിവറിയാണ് പ്രതീക്ഷിക്കുന്നത്. ഇതിൽ തന്നെ 65 ശതമാനത്തോളം സ്ത്രീകൾ മാത്രമാണ് സുഖ പ്രസവത്തിലൂടെ കുട്ടിക്ക് ജന്മം നൽകുന്നത്. പലരും സിസേറിയന് വിധേയമാകുന്നവരും ഉണ്ട്.

നിരന്തരം മൊബൈൽ ഉപയോഗിക്കുമ്പോൾ കൈകളിൽ തരിപ്പ് ഉണ്ടാകുന്നുണ്ടെങ്കിൽ...

സിസേറിയനില്ലാത്ത സുഖപ്രസവത്തിന് എന്ത് ചെയ്യണം? ഗർഭിണികളായ പലരും ആലോചിക്കുന്ന കാര്യങ്ങളിൽ ഒന്നായിരിക്കും ഇത്. എങ്ങനെയാണ് സിസേറിയനില്ലാതെ സുഖപ്രസവം നടക്കുക എന്ന്. ഇതിനുള്ള വഴി എന്ന് പറയുന്നത് വ്യായാമമാണ്. എല്ലാ ആരോഗ്യ പ്രശ്നങ്ങൾക്കുമുള്ള പ്രതിവിധി വ്യായാമത്തിൽ ഉണ്ട് എന്ന് ആദ്യം തന്നെ അറിഞ്ഞിരിക്കുക. അത് കൊണ്ട് തന്നെ നിങ്ങൾ ഗർഭിണി ആയിരിക്കുന്ന അവസ്ഥയിൽ ചില വ്യായാമങ്ങൾ ശീലമാക്കിയാൽ നിങ്ങൾക്ക് സുഖമായി പ്രസവിക്കാം.

'മെനക്കേട്' ഇല്ല, കിടന്ന കിടപ്പിൽ കുടവയറ് ഇല്ലാതാകും...

പലപ്പോഴും ഗർഭിണികളോട് പല ഡോക്ടർമാരും വ്യായാമം ചെയ്യാൻ നിർദ്ദേശിക്കാറുണ്ട്. ഗർഭകാല ദിവസങ്ങളിൽ മുടങ്ങാതെ വ്യായാമം ചെയ്യുന്നത് നിങ്ങളുടെ സ്റ്റാമിന വർധിപ്പിക്കുകയും ആക്ടീവായി തുടരാൻ സഹായിക്കുകയും ചെയ്യും. ഇത്തരത്തിൽ ഗർഭകാലത്ത് വ്യായാമം ചെയ്യുന്നത് പെൽവിക് മസിലുകളെ ശക്തിപ്പെടുത്തുകയും ഇതിന്റെ ഗുണം ഗർഭാശയത്തിന് ലഭിക്കുകയും ചെയ്യും. ഗർഭകാലത്ത് ചെയ്യാൻ പറ്റുന്ന ചില വ്യായാമങ്ങൾ പരിചയപ്പെടാം.

സ്തനങ്ങളുടെ ഭംഗി വർധിപ്പിക്കാൻ വഴിയുണ്ട് ഒരുപാട്...

ഗർഭിണികൾ സ്ക്വാറ്റ്സ് ചെയ്യുന്നത് വളരെ നല്ലതാണ്. ഓരോരുത്തരുടെ ആരോഗ്യത്തിനനുസരിച്ചാണ് സ്ക്വാറ്റ്സ് ചെയ്യേണ്ടത്. ഇത് എങ്ങനെയാണ് ചെയ്യേണ്ടത് എന്ന് നോക്കാം. നിവര്‍ന്നു നിന്ന് കൈയില്‍ വെയിറ്റ് എടുത്ത് കാല്‍മുട്ടുകളില്‍ ബലം കൊടുത്ത് കുത്തിയിരിക്കുന്നതുപോലെ മെല്ലെ കുനിയുക. കണങ്കാലിലെയും തുടയുലെയും പേശികളിലായിരിക്കണം ആയാസം വരേണ്ടത്. ഭാരം നീട്ടിയോ ഉയര്‍ത്തിയോ പിടിക്കാം. ഭാരമെടുമെടുക്കാതെ ചെയ്യുമ്പോഴും കൈ ഉയര്‍ത്തിയോ നീട്ടിയോ പിടിക്കണം. ഇത്തരത്തിൽ ചെയ്യുന്നത് സുഖപ്രസവത്തിന് സഹായിക്കും.

ഗർഭിണികൾ ഒമ്പതാം മാസത്തിൽ ചെയ്തിരിക്കേണ്ട വ്യായാമങ്ങളിൽ ഒന്നാണ് കെഗൽ വ്യായാമം. ഈ വ്യായാമം എങ്ങനെയാണ് ചെയ്യുന്നത് എന്ന് നോക്കാം. സാധാരണയായി മൂത്രം പിടിച്ചുനിര്‍ത്തുന്നത് പോലെ ഈ പേശികളെ ചുരുക്കുകയും വികസിപ്പിക്കുകയും ചെയ്യുന്നതാണ് വ്യായാമം. പേശികളെ ആദ്യം ഇറുക്കി പിടിക്കുക, 5 സെക്കന്‍റിന് ശേഷം അയച്ചു വിടുക ഇങ്ങനെ പത്ത് തവണ ആവർത്തിക്കുക. ഒരു ദിവസത്തിൽ 10 സെറ്റ് എങ്കിലും ചെയ്യാൻ ശ്രമിക്കുക. ക്രമേണ 20 തവണവരെ ഇങ്ങനെ ചെയ്യാനാവും. ഭഗപേശികള്‍ ക്ഷീണിച്ചതായി തോന്നിയാല്‍ നാലഞ്ചു മിനിറ്റ് വിശ്രമിക്കണം.

സൈഡ് ബെൻഡ് സ്ട്രെച്ചിംഗ് ഗർഭിണികൾക്ക് ഏറ്റവും നല്ല വ്യായാമമുറകളിൽ ഒന്നാണ്. ഇത് നിങ്ങളുടെ ഇടുപ്പിലെ കൊഴുപ്പിനെ ഇല്ലാതാക്കുകയും ചെയ്യുന്നു എന്ന് അറിഞ്ഞിരിക്കുക. ഈ വ്യായാമം എങ്ങനെ ചെയ്യാം എന്ന് നമുക്ക് നോക്കാം. ഒരു കൈയ് ഇടുപ്പിനു ബലം കൊടുത്തുകൊണ്ട് നിവർന്നു നിൽക്കുക. ശേഷം നിങ്ങളുടെ അരക്കെട്ടുകൾ ഇടത് വശത്തേക്ക് കഴിയുന്നത്ര നിലയിൽ താഴേക്ക് വളയ്ക്കുക. ഇതേ സമയം നിങ്ങൾ വളയുന്നതിനനുസരിച്ച് മറ്റേ കൈ മുകളിലേക്ക് ഉയർത്തുക. നേരെ നിവർന്നു നിന്ന ശേഷം മറുവശത്തും ഇതേ പ്രവർത്തി ആവർത്തിക്കുക. ഇത്തരത്തിൽ ചെയ്യുന്നതിലൂടെ നിങ്ങൾക്ക് സുഖപ്രസവത്തിനുള്ള വഴി ഒരുങ്ങും.

പലപ്പോഴും പല ആരോഗ്യ വിദഗ്ദരും വ്യായാമങ്ങൾക്ക് വേണ്ടിയുള്ള നിർദ്ദേശങ്ങൾ നൽകാറുണ്ട്. നിങ്ങളുടെ ആരോഗ്യ സ്ഥിതി അനുസരിച്ചുള്ള വ്യായാമങ്ങളായിരിക്കും ആരോഗ്യ വിദഗ്ദർ നിർദ്ദേശിക്കുന്നത്. അത് കൊണ്ട് തന്നെ പല വ്യായാമങ്ങളും ആരോഗ്യ വിദഗ്ദരുടെ നിർദ്ദേശങ്ങൾ അനുസരിച്ച് മാത്രം ചെയ്യാൻ ശ്രദ്ധിക്കുക. അല്ലെങ്കിൽ അത് നിങ്ങളെ പലതരത്തിലുള്ള ആരോഗ്യ പ്രശ്നങ്ങളിലേക്കും എത്തിക്കും എന്ന് അറിഞ്ഞിരിക്കുക.