ഇന്നത്തെ കാലത്ത് എല്ലാവരും മാനസിക സമ്മർദ്ദത്തിന് അടിമപ്പെട്ട് ജീവിക്കുന്നവരാണ്. വിദ്യാർത്ഥികളാണെങ്കിലും ഉദ്യോഗാർത്ഥികളാണെങ്കിലും ഗൃഹനാഥനാണെങ്കിലും എല്ലാവരും മാനസികമായി വളരെ അധികം പ്രയാസം നേരിടുന്നവരാണ്. പലപ്പോഴും സമയമില്ലായ്മയും അമിതമായുള്ള വർക്ക് ലോഡും മറ്റും ഒക്കെയാണ് ഇത്തരത്തിലുള്ള മാനസിക സമ്മർദ്ദത്തിന് കാരണം. ഇത്തരത്തിലുള്ള അവസരങ്ങളിൽ ശരീരത്തിന്റെ ആരോഗ്യവും മറ്റും അധികമൊന്നും ശ്രദ്ധിക്കാൻ സാധിക്കില്ല. ഇത് നിങ്ങളെ രോഗിയാക്കി മാറ്റും എന്നതിൽ യാതൊരു സംശയവുമില്ല. എന്നാൽ ഇത്തരം അവസ്ഥകളിൽ നിന്നൊക്കെ ഒരു മോചനം നിങ്ങൾ ആഗ്രഹിക്കുന്നുണ്ടെങ്കിൽ യോഗ ചെയ്ത് തുടങ്ങാവുന്നതാണ്.
മാനസിക സമ്മർദ്ദം കുറഞ്ഞാൽ തന്നെ നമ്മുടെ പ്രശ്നങ്ങളിൽ പലതും ഇല്ലാതാകും എന്ന കാര്യത്തിൽ യാതൊരു സംശയവുമില്ല. അത് കൊണ്ട് തന്നെ നിങ്ങൾ ആദ്യം ചെയ്യേണ്ട കാര്യം എന്താണെന്ന് വെച്ചാൽ മാനസിക സമ്മർദ്ദം കുറക്കുക എന്നതാണ്. മാനസിക സമ്മർദ്ദം കുറക്കാൻ ഏറ്റവും നല്ലൊരു മാർഗ്ഗമാണ് യോഗ.
മനസ്സിനും ശരീരത്തിനും ഏറ്റവും മികച്ച വ്യായാമമാണ് യോഗ എന്ന കാര്യത്തിൽ യാതൊരു സംശയവുമില്ല. പ്രായഭേദമില്ലാതെ ഏവർക്കും പരിശീലിക്കാൻ പറ്റുന്ന ഒന്നാണ് യോഗ എന്ന് അറിഞ്ഞിരിക്കുക. യോഗയിലൂടെ നമ്മുടെ ശരീരത്തിന്റെയും ജീവിതത്തിന്റെയും താളം ചിട്ടപ്പെടുത്താൻ സാധിക്കും എന്ന കാര്യത്തിൽ യാതൊരു സംശയവുമില്ല. അത് കൊണ്ട് തന്നെ നിങ്ങൾ യോഗ ശീലമാക്കാൻ ശ്രദ്ധിക്കുക. നിങ്ങളുടെ മനസ്സിന് ശാന്തമാക്കാൻ ഇത് സഹായിക്കും.
സുഖമായി ഉറങ്ങണോ? അറിയണം ചില കാര്യം...
യോഗ ചെയ്യുന്നത് വഴി മാനസിക സമ്മർദ്ദം, പൊണ്ണത്തടി, ഹൃദ്രോഗം തുടങ്ങിയവ ഇല്ലാതാക്കാൻ യോഗ സഹായിക്കുന്നുണ്ട്. അത് കൊണ്ട് തന്നെ എന്ത് കൊണ്ടും യോഗ ചെയ്യുന്നത് വളര അധികം നല്ലതാണ്. യോഗ ചെയ്യാൻ ഒരുങ്ങുന്നവർ ശ്രദ്ധിക്കേണ്ട ചില കാര്യങ്ങളുണ്ട്. അവ ഏതൊക്കെയാണ് എന്ന് നമുക്ക് നോക്കാം.
1 - ചെയ്യാൻ സമാധാനാന്തരീക്ഷം തെരഞ്ഞെടുക്കുക
യോഗ ചെയ്യാൻ തെരഞ്ഞെടുക്കുന്ന സ്ഥലം വളരെ സമാധാനന്തരീക്ഷമുള്ളതാകാൻ ശ്രദ്ധിക്കുക. അധികം ശബ്ദ കോലാഹലങ്ങൾ ഇല്ലാതിരിക്കുന്നിടത്ത് യോഗ ചെയ്യുക. അല്ലെങ്കിൽ നിങ്ങളുടെ മനസ്സിന് ഏകാഗ്രത ലഭിക്കില്ല. പ്രത്യേകിച്ചും ശ്രദ്ധിക്കേണ്ട കാര്യം എന്താണെന്ന് വെച്ചാൽ റോഡരികിലും മറ്റും വീടുകളുള്ളവർ മനസ്സമാധാനമായി യോഗ ചെയ്യാൻ പറ്റുന്ന സ്ഥലം തെരഞ്ഞെടുക്കുക എന്നതാണ്. അല്ലെങ്കിൽ നിങ്ങളുടെ ഏകാഗ്രതയെ ഇത് ബാധിക്കും. ഇത്തരത്തിൽ വീടുകളുള്ളവർ പാർക്കിലോ അല്ലെങ്കിൽ മറ്റേതെങ്കിലും പൊതു ശബ്ദമില്ലാത്ത പൊതു ഇടങ്ങിളിലോ യോഗ ചെയ്യുന്നതായിരിക്കും നല്ലത്. ഇപ്പോൾ പല പാർക്കുകളിലും ഇത്തരത്തിൽ യോഗയും മറ്റു വ്യായാമങ്ങളും ചെയ്യാനുള്ള അവസരം ഒരുക്കാറുണ്ട്. അത് കൊണ്ട് അത്തരത്തിലുള്ളവയെ ആശ്രയിക്കാൻ ശ്രദ്ധിക്കുക.
ഓഫീസിലെ ജോലിക്കിടയിലും വ്യായാമം, കൊള്ളാം അല്ലേ?
2 - വൃത്തിയുള്ള സ്ഥലതായിരിക്കണം യോഗ ചെയ്യേണ്ടത്
യോഗ ചെയ്യുമ്പോൾ വൃത്തിയുള്ള സ്ഥലത്ത് യോഗ ചെയ്യാൻ ശ്രദ്ധിക്കുക. യോഗ ചെയ്യാനായി തെരഞ്ഞെടുക്കുന്ന സ്ഥലത്ത് ധാരാളം ശുദ്ധ വായു ലഭിക്കുന്നുണ്ട് എന്ന് ഉറപ്പ് വരുത്തുക. ഇത്തരത്തിൽ ചെയ്താൽ മാത്രമെ നിങ്ങൾ യോഗ ചെയ്തത് പ്രയോജനപ്പെടുകയുള്ളു എന്ന് അറിഞ്ഞിരിക്കുക.
3 - കുളിച്ച് വൃത്തിയായ ശേഷം യോഗ തുടങ്ങുക
കുളിച്ചു വൃത്തിയായി പ്രഭാത കർമ്മങ്ങളെല്ലാം കഴിഞ്ഞ ശേഷമായിരിക്കണം യോഗ ചെയ്യാൻ. മാത്രമല്ല, യോഗ ചെയ്യുമ്പോൾ ശ്രദ്ധിക്കേണ്ട കാര്യം എന്താണെന്ന് വെച്ചാൽ വെറും വയറ്റിലായിരിക്കണം യോഗ ചെയ്യേണ്ടത്. വയറ് നിറച്ചു ഭക്ഷണം കഴിച്ച ശേഷം യോഗ ചെയ്യുന്നത് അത്ര നല്ലതല്ല എന്ന് അറിഞ്ഞിരിക്കുക.
4 - യോഗ ചെയ്യേണ്ട സമയം
എപ്പോഴൊക്കെയാണ് യോഗ ചെയ്യേണ്ടത് എന്ന് പലർക്കും സംശയമുണ്ടാകും. രാവിലെ നാല് മണി മുതൽ ഏഴ് മണി വരെയും വൈകിട്ട് നാലര മുതൽ ഏഴുമണി വരെയും യോഗ ചെയ്യുന്നതാണ് ആരോഗ്യത്തിനും മനസ്സിനും ഏറ്റവും നല്ലത്.
കുടവയറാണ് പ്രശ്നമെങ്കിൽ പരിഹാരമുണ്ട്...
5 - സംസാരിച്ച് കൊണ്ട് യോഗ ചെയ്യരുത്
യോഗ ചെയ്യുമ്പോൾ പ്രധാനമായും ശ്രദ്ധിക്കേണ്ട കാര്യം എന്താണെന്ന് വെച്ചാൽ സംസാരിച്ച് കൊണ്ട് യോഗ ചെയ്യരുത് എന്നതാണ്. ഇത് നിങ്ങളുടെ ആരോഗ്യത്തിന് പ്രതികൂലമായി ബാധിക്കും. അത് കൊണ്ട് തന്നെ യോഗ ചെയ്യുമ്പോൾ സംസാരിച്ച് കൊണ്ട് യോഗ ചെയ്യാതിരിക്കാൻ ശ്രദ്ധിക്കുക. മാത്രമല്ല യോഗ ചെയ്യുമ്പോൾ കിതപ്പ് ഉണ്ടായാൽ കുറച്ച് വിശ്രമിച്ച ശേഷം മാത്രം അടുത്തതിലേക്ക് മാറുക. അല്ലെങ്കിൽ അത് നിങ്ങളുടെ ആരോഗ്യത്തെ പ്രശ്നത്തിലാക്കും.
മേൽ പറഞ്ഞ കാര്യങ്ങൾ യോഗ ചെയ്യുമ്പോൾ നന്നായി ശ്രദ്ധിക്കുക. യോഗ ആരോഗ്യത്തിനും മനസ്സിനും വളരെ ഏറെ ഗുണം ചെയ്യും. എന്നാൽ ഇത്തരം കാര്യങ്ങൾ അറിയാതെ യോഗ ചെയ്താൽ അതൊരുപക്ഷെ നിങ്ങളിൽ വിപരീത ഫലം ഉണ്ടാക്കും.