ബോളിവുഡിന്റെ മസിൽ മാൻ എന്നറിയപ്പെടുന്ന സൽമാൻ ഖാനെ കണ്ട് എന്നാ ഒരു മസിലാ എന്ന് പറയാത്തവരായിട്ട് ആരും ഉണ്ടാകില്ല. പുരുഷന്മാരുടെ പ്രധാന പ്രശ്നങ്ങളിൽ ഒന്നാണല്ലോ മസിലും സിക്സ്പാക്കും ഒക്കെ. പലരുടെയും ധാരണകൾ എന്ന് പറയുന്നത് മസിലും സിക്സ് പാക്കും ഉള്ള പുരുഷന്മാരെ സ്ത്രീകൾ ഇഷ്ടപ്പെടുന്നു എന്നതാണ്. എല്ലാ സ്ത്രീകളുടെ കാര്യത്തിലും ഇത് എത്രത്തോളം ശരിയാണ് എന്ന് പറയാൻ പറ്റില്ലെങ്കിലും ചില കാര്യങ്ങളൊക്കെ വെച്ച് നോക്കുമ്പോൾ ഒരു പരിധി വരെ ഇത് ശരിയാണ് എന്ന് പറയേണ്ടി വരും. അത് കൊണ്ട് തന്നെ ആയിരിക്കണം ഇന്ന് പല പരുഷന്മാരും ജിമ്മുകളുടെയും മറ്റും പിന്നാലെ പോകുന്നത്.
മലയാളികളുടെ മസിലളിയനും ബോളിവുഡിന്റെ മസിൽ ഖാൻ മാരും പലരുടെയും ഇഷ്ട താരങ്ങളിൽ മുന്നിൽ തന്നെയാണ് എന്ന് വേണമെങ്കിൽ പറയാം. സിനിമയിലാണെങ്കിലും ജീവിതത്തിലാണെങ്കിലും മസിൽ ഇല്ലാതെ സ്ഥാനമില്ലെന്ന നിലയിലാണ് ഇപ്പോഴത്തെ പോക്ക്. സിക്സ്പാക്കും വീർത്തുന്തി നിൽക്കുന്ന നെഞ്ചും കൈത്തണ്ടയുമൊക്കെ ഇന്ന് പലരുടെയും സ്വപ്നമാണ്.
ബോളിവുഡ് താരങ്ങളിൽ പലരുടെയും മസിലുകൾ ഇന്ന് പ്രസിദ്ധമാണ്. സൽമാൻ ഖാൻ, ഷാരൂഖ് ഖാൻ, ആമിർ ഖാൻ, ഹൃത്വിക് റോഷൻ അങ്ങനെ നീണ്ട് പോകുന്ന നിര. പലപ്പോഴും എന്തായിരിക്കും ഇത്തരത്തിലുള്ള മസിലിന് പിന്നിലുള്ള രഹസ്യം എന്ന് തേടി പോയവരായിരിക്കും നമ്മളിൽ പലരും. നടന്മാരുടെ മസില് കണ്ട് ജിമ്മിൽ ചേർന്നവരും കുറവല്ല എന്ന് അറിഞ്ഞിരിക്കുക. അപ്പോൾ പറഞ്ഞു വരുന്നത് ബോളിവുഡിന്റെ മസിൽ മാൻ എന്ന് അറിയപ്പെടുന്ന സൽമാൻ ഖാന്റെ മസിലിനെക്കുറിച്ചാണ്. 54 വയസ്സുള്ള ഈ നായകന്റെ പിന്നാലെ ബോളിവുഡിലെ സകലമാന സുന്ദരികളും എന്ന് പറയുന്നതിൽ തെറ്റില്ല. ആരാധികമാരുടെ മനസ്സു നിറച്ച് കൊണ്ടാണ് താരം മുന്നേറുന്നത് എന്ന് കൂടി അറിഞ്ഞിരിക്കുക.
പലപ്പോഴും നമ്മളിൽ പലരും സ്വയം ചോദിച്ചിട്ടുണ്ടാകും. സൽമാൻ ഖാൻ ഇങ്ങനെ ശരീരം ഉണ്ടാക്കിയെടുക്കാൻ എത്ര കാലമെടുത്തിട്ടുണ്ടാകും എന്ന്. എന്നാൽ അത് പറഞ്ഞ് തരാം ആദ്യം തന്നെ. തന്റെ രണ്ടാമത്തെ ചിത്രമായ മേനെ പ്യാർ കിയാ എന്ന സിനിമ മുതലാണ് സൽമാൻ ഖാൻ ജിമ്മിൽ പോയിത്തുടങ്ങിയത്. അത് വരെ വ്യായാമം ശീലമില്ലാത്ത സൽമാൻ ഖാൻ തന്റെ രണ്ടാമത്തെ ചിത്രം മുതൽ വ്യായാമം സ്ഥിരമാക്കാൻ തുടങ്ങി.
മുടി നരക്കാതിരിക്കാനും മുടി കൊഴിച്ചിലിനും ഈ യോഗ ചെയ്യൂ!
ഇപ്പോഴത്തെ യുവ താരങ്ങൾക്കൊപ്പം പിടിച്ചു നിൽക്കാൻ അവരുടെ മൂന്നിരട്ടി വ്യായാമമെങ്കിലും ചെയ്യേണ്ടി വരാറുണ്ടെന്ന് സൽമാൻ ഖാൻ തന്നെ തുറന്നു സമ്മതിക്കുന്നുണ്ട്. അഞ്ചടി എട്ടിഞ്ച് ഉയരവും 74 കിലോ തൂക്കവുമുള്ള സൽമാൻ ഖാൻ 1000 പുഷ് അപ് വരെ വ്യായാമം ചെയ്യുന്ന സമയത്ത് ചെയ്യാറുണ്ടെന്നാണ് പറയുന്നത്. ഇത് കേട്ട് വാ പൊളിക്കാൻ വരട്ടെ. നെഞ്ചിലേയും കൈകളിലേയും മസിലുകളെ കേന്ദ്രീകരിച്ചുള്ള വ്യായാമമാണ് താരം അധികമായും ചെയ്യാറുള്ളത്.
പെട്രോൾ വില പേടിക്കണ്ട, പോക്കറ്റ് കാലിയാവുകയും ഇല്ല, കൂട്ടത്തിൽ വ്യായാമവും!
വെറും വ്യായാമം മാത്രമല്ല ഭക്ഷണ കാര്യത്തിലും താരം വളരെ കർശനമായി പാലിക്കാറുണ്ട്. ജങ്ക് ഫുഡ് ഇനത്തിൽ പെടുന്നവ പരമാവധി താരം ഒഴിവാക്കാറാണ് പതിവ്. രാവിലെ വ്യായാമ ശേഷം പ്രോട്ടീൻ അടങ്ങിയ പാനീയവും മൂന്ന് മുട്ടയും വെള്ളയും കഴിക്കും. കൂട്ടത്തിൽ ഒരും ബൌൾ ഓട്സും. ഉച്ച ഭക്ഷണത്തിന് മൂന്നോ ആരോ ചപ്പാത്തി, പച്ചക്കറികൾ, ഇലക്കറികൾ എന്നിവ കഴിക്കും. വൈകിട്ട് നട്സ് ഷേക്, രാത്രിയിൽ ഇറച്ചി, മുട്ട, സൂപ്പ്, പ്രോട്ടീൻ ഷേക്ക് എന്നിവയാണ് സൽമാൻ ഖാന്റെ ഭക്ഷണ ക്രമം.
ഇത്തരത്തിൽ ഭക്ഷണ ക്രമീകരണവും ഒപ്പം വ്യായാമവും ആയിട്ടാണ് താരം തന്റെ മസില് കൊണ്ടു നടക്കുന്നത് എന്ന് ഓർക്കണം. ബോളിവുഡിന്റെ മസിൽമാൻ സൽമാൻ ഖാന് പിറന്നാളാശംസകൾ.