മറ്റ് തരത്തിലുള്ള വ്യായാമങ്ങളിൽ നിന്നെല്ലാം വ്യത്യസ്തമായി ഏറ്റവും എളുപ്പത്തിൽ ചെയ്യാവുന്നതും ഗുണങ്ങൾ വളരെയധികം ഉള്ളതുമായ ഒരു വ്യായാമമാണ് നടത്തം. ദിവസവും കുറഞ്ഞത് അര മണിക്കൂർ എങ്കിലും നടക്കണമെന്നാണ് ആരോഗ്യ വിദഗ്ധർ പറയുന്നത്. അമിത വണ്ണം കുറയ്ക്കാനും മാനസികാരോഗ്യം മെച്ചപ്പെടുത്താനും ഹൃദയാരോഗ്യം സംരക്ഷിക്കാനുമെല്ലാം ദിവസവും അൽപനേരം നടക്കുന്നത് നിങ്ങളെ സഹായിക്കും.
നടത്തത്തിന് നിങ്ങൾ തീർച്ചയായും ഇഷ്ടപ്പെടുന്ന ഒന്നിലധികം ആരോഗ്യ ഗുണങ്ങൾ ഉണ്ട്. നടത്തം ഒരു കഠിനമായ വ്യായാമത്തിന് തുല്യമായി കണക്കാക്കുന്നില്ലെങ്കിലും, ഇത് തീർച്ചയായും ധാരാളം ശാരീരിക ആരോഗ്യ ആനുകൂല്യങ്ങൾ വാഗ്ദാനം ചെയ്യുന്നു, അത് ദീർഘകാലാടിസ്ഥാനത്തിൽ ശക്തവും ആരോഗ്യകരവുമായി തുടരാൻ നിങ്ങളെ സഹായിക്കുന്നു. ഒരു ദിവസം അര മണിക്കൂർ നേരമെങ്കിലും നടക്കുന്നത് ശരീരഭാരം വർദ്ധിക്കുന്നത് തടയാൻ നിങ്ങളെ സഹായിക്കും. ഇത് നിങ്ങളുടെ ഹൃദയാരോഗ്യത്തിന് ഗുണം ചെയ്യുകയും, പ്രമേഹ സാധ്യത കുറയ്ക്കുകയും, നിങ്ങളുടെ മാനസികാവസ്ഥ മെച്ചപ്പെടുത്തുകയും എല്ലുകളും പേശികളും ശക്തിപ്പെടുത്തുകയും ചെയ്യുന്നു.
പ്രധാന വസ്തുതകൾ
> നടത്തം നിങ്ങളുടെ ഹൃദയാരോഗ്യത്തിന് നല്ലതാണ്.
> ശരീരഭാരം കുറയ്ക്കാൻ ഇത് സഹായിക്കും.
> അര മണിക്കൂർ നേരം നടക്കുന്നത് സമ്മർദ്ദവും ഉത്കണ്ഠയും കുറയ്ക്കാൻ സഹായിക്കും.
ഒരു ദിവസത്തിൽ എങ്ങനെ കൂടുതൽ നടക്കാം?
ഏറ്റവും ലളിതമായ രീതിയിൽ നിങ്ങൾക്ക് ചെയ്യാവുന്ന വ്യായാമ രീതിയാണ് നടത്തം. നിങ്ങളുടെ വീടിന്റെ ചുറ്റും നടന്ന് തുടങ്ങാം.
1. ദിവസം മുഴുവൻ നടക്കാൻ അല്ലെങ്കിൽ നിങ്ങളുടെ ചുവടുകളുടെ എണ്ണം വർദ്ധിപ്പിക്കുന്നതിന്, നിങ്ങളുടെ ജോലിയുടെ ഇടയിൽ ചുരുങ്ങിയത് 500 ചുവടുകൾ നടക്കുവാനായി ഓർമ്മപ്പെടുത്തുവാൻ ഫോണിൽ കൃത്യമായ ഇടവേളകളിൽ അലാറം സജ്ജമാക്കുന്നത് ഏറെ ഗുണം ചെയ്യും.
2. എന്തിനധികം, കുറച്ച് അധികം നടക്കുവാനായി അതിരാവിലെയോ അല്ലെങ്കിൽ നിങ്ങളുടെ ജോലി സമയം പൂർത്തിയാക്കിയതിന് ശേഷമോ കുറച്ച് സമയം മാറ്റി വയ്ക്കുന്നതും നിങ്ങൾക്ക് ഗുണകരമാണ്.
Also read: ഉയരം കൂട്ടാൻ ഇതാ ചില വ്യായാമങ്ങൾ
3. നിങ്ങളുടെ ഭക്ഷണത്തിനു ശേഷം, ഉച്ചഭക്ഷണ സമയത്ത് കുറച്ച് നേരം നടക്കാനായി മാറ്റി വയ്ക്കാം. നിങ്ങളുടെ പ്രിയപ്പെട്ട സംഗീതം കേട്ടുകൊണ്ടോ, അല്ലെങ്കിൽ ഒരു പ്രധാന ഔദ്യോഗിക കോൾ വിളിച്ചുകൊണ്ടോ നടക്കുന്നത് നിങ്ങൾക്ക് കൂടുതൽ ചുവടുകൾ വയ്ക്കുവാനും 10,000 ചുവടുകൾ എന്ന ലക്ഷ്യത്തിലേക്ക് എളുപ്പത്തിൽ അടുക്കുവാനും സഹായിക്കുന്നു.
4. എല്ലാ ദിവസവും നിങ്ങളുടെ ചുവടുകൾ കൃത്യമായി ട്രാക്കുചെയ്യുക. ഇത് നിങ്ങളുടെ ക്ഷേമത്തിനായി നിങ്ങൾ നിശ്ചയിച്ചിട്ടുള്ള ഒരു പ്രത്യേക ലക്ഷ്യത്തിലെത്താൻ തീർച്ചയായും ഫലപ്രദമായ മാർഗമാണ്. ഒരു ദിവസം 10,000 ചുവടുകൾ പൂർത്തിയാക്കാൻ ഒരു ദിവസത്തിൽ നടക്കാനായി ഇടയ്ക്കിടെ 20 മിനിറ്റ് നേരമുള്ള ഇടവേളകൾ എടുക്കുന്നത് നല്ലത്.
5. നിങ്ങൾക്ക് നടന്ന് എത്തിച്ചേരാവുന്ന ഇടങ്ങളിൽ വേഗത്തിൽ നടന്ന് പോകാവുന്നതാണ്. തിരക്കേറിയ ദിവസങ്ങളിൽ നിങ്ങൾക്ക് എത്തിർച്ചേരുവാൻ ബുദ്ധിമുട്ടുള്ള ഇടങ്ങളിലേക്ക് നടക്കാൻ പോകാം എന്ന തരത്തിലുള്ള ലക്ഷ്യം വയ്ക്കരുത്. ഇത്തരം സന്ദർഭങ്ങളിൽ നിങ്ങളുടെ മുറിയിലോ ടെറസിലോ നടക്കാവുന്നതാണ്.
6. തുടർച്ചായി ഇരുന്ന് ജോലി ചെയ്യേണ്ടി വരുമ്പോൾ ഓരോ 30 മിനിറ്റു കൂടുമ്പോഴും എഴുന്നേറ്റ് 3 മിനിറ്റ് നേരം നിവർന്ന് നിൽക്കുക. കൂടുതൽ നേരം ഇരിക്കുന്നത് തടയാൻ ഇത് സഹായിക്കും. കൂടാതെ, കൂടുതൽ സമയം ഇരിക്കുകയാണെങ്കിൽ, നിങ്ങൾക്ക് ഇടവേളകൾ എടുത്ത് നടക്കാൻ പോകാം. നിങ്ങളുടെ ചുവടുകളുടെ എണ്ണം വർദ്ധിപ്പിക്കുകയും കൂടുതൽ നടക്കുകയും ചെയ്യുക എന്ന ഇരട്ട ഉദ്ദേശ്യത്തെ നടപ്പിലാക്കുവാൻ ഇത് സഹായിക്കും.
നിങ്ങളുടെ ശാരീരികവും മാനസികവുമായ ആരോഗ്യത്തിന് നടത്തം ഒരു മികച്ച പ്രവർത്തനമാണെന്ന് മനസ്സിലാക്കേണ്ടത് പ്രധാനമാണ്. നിങ്ങളുടെ ശരീരത്തെ ശക്തിപ്പെടുത്തുകയും നടുവേദന, കാൽമുട്ട് വേദന മുതലായവ കുറയ്ക്കുകയും ചെയ്യുന്നതിലൂടെ ഇത് നിങ്ങളുടെ മനസ്സിനെ ആശ്വാസകരവും ശാന്തമാക്കുകയും ചെയ്യും.
Also read: കുറഞ്ഞത് 30 മിനിറ്റെങ്കിലും നടക്കാം ദിവസവും
നടക്കാൻ ചില കൂൾ ടിപ്സ്
> വളർത്തു മൃഗവുമായി നടക്കാൻ ഇറങ്ങാം.
> അടുത്ത സ്ഥലങ്ങളിലേക്ക് പോകാൻ വണ്ടി ഉപയോഗിക്കുന്നതിന് പകരം നടന്ന് പോകാം.
> നിങ്ങളുടെ നടത്തം ട്രാക്ക് ചെയ്യാൻ ഇന്ന് നിരവധി അപ്ലിക്കേഷനുകളും ഗാഡ്ജെറ്റുകളുമെല്ലാം ഇന്ന് ലഭ്യമാണ്. എത്ര സമയം, എത്ര ദൂരം/ചുവടുകൾ നടന്നു എന്നറിയാനും എത്ര കലോറി കത്തിച്ചു കളഞ്ഞു എന്നറിയാനുമെല്ലാം ഇത്തരം അപ്ലിക്കേഷനുകൾ ഉപയോഗിക്കാം.
> നടത്തം സുഗമമാക്കാൻ സഹായിക്കുന്ന വസ്ത്രങ്ങളും പാദരക്ഷകളും ധരിക്കാം.