ഓട്ടം
ഇക്കാര്യത്തിൽ ഏറ്റവും ലളിതവും എന്നാൽ ഫലപ്രദവുമായ ഒരു കാർഡിയോ വ്യായാമ രീതിയാണ് ഓട്ടം അഥവാ റണ്ണിങ്. നിങ്ങളുടെ ഹൃദയാരോഗ്യം മെച്ചപ്പെടുത്തുന്നതിനും ഒരേ സമയം ശരീരഭാരം കുറയ്ക്കുന്നതിനും ഈയൊരു വ്യായാമം സഹായിക്കുന്നു. ഇതിനെല്ലാമുപരി റണ്ണിങ് വ്യായാമത്തിൻ്റെ ഏറ്റവും അത്ഭുതകരമായ ഒരു ഫലത്തെക്കുറിച്ച് പറയട്ടെ? ഇത് നിങ്ങളുടെ കുടവയർ കുറയ്ക്കാനുള്ള ഏറ്റവും മികച്ച പോംവഴിയാണ്.
നിങ്ങളുടെ കുടവയർ കുറയ്ക്കാൻ ആഗ്രഹമുണ്ടെങ്കിൽ ദൈനംദിന ജീവിതശൈലിയിൽ ഉൾപ്പെടുത്താൻ കഴിയുന്ന ഒരു മികച്ച തിരഞ്ഞെടുപ്പാണ് റണ്ണിംഗ് വ്യായാമം. ഇതിൽ ഏർപ്പെട്ടു തുടങ്ങി കുറച്ച് ദിവസങ്ങൾ കൊണ്ട് തന്നെ ലളിതമായ മാറ്റങ്ങളുണ്ടാകുന്നത് നിങ്ങൾ ശ്രദ്ധിച്ചു തുടങ്ങും. എന്നാൽ ഇതിനായി നമ്മൾ സാധാരണ ചെയ്യുന്ന രീതിയിലല്ല നിങ്ങൾ റണ്ണിങ് വ്യായാമങ്ങൾ ചെയ്ത് തുടങ്ങേണ്ടത്.
കൈകൾ ഉയർത്തി പിടിച്ച്
മുൻപ് സൈനികരായി സേവനമനുഷ്ഠിക്കുന്ന ആളുകൾ എന്തെങ്കിലും തെറ്റുകുറ്റങ്ങൾ വരുത്തുമ്പോൾ താൽക്കാലിക ശിക്ഷയായി കൈകൾ ഉയർത്തിപ്പിടിച്ച് ഒരു വലിയ ഗ്രൗണ്ടിനു ചുറ്റും ഓടിപ്പിക്കുന്നത് കണ്ടതായി ഓർക്കുന്നുണ്ടോ? നേരിട്ട് കണ്ടിട്ടില്ലെങ്കിലും സിനിമകളിലും മറ്റും ഇത്തരമൊരു രംഗം നമ്മൾ കണ്ടിട്ടുണ്ടാകണം. കാരണം, ഓട്ടം എന്നത് അത്രയധികം കാഠിന്യമേറിയ ഒരു വ്യായാമരീതിയാണ്. സൈനികർക്കിയ നിർദ്ദേശിക്കുന്ന രീതിയിൽ കൈകൾ ഉയർത്തിപ്പിടിച്ച് ഓടുന്നത് സാധാരണ രീതിയിലുള്ള ഓട്ടത്തേക്കാൾ കഠിനമായ പ്രവർത്തിയാണ്. ആയുധങ്ങൾ പോലെയുള്ള ഭാരമുള്ള എന്തെങ്കിലും വസ്തുക്കൾ ചേർത്തുപിടിച്ചുകൊണ്ട് ഓട്ടത്തിൽ ഏർപ്പെടാൻ ഒരാൾക്ക് വളരെയധികം ഊർജ്ജവും ശരീരബലവും ആവശ്യമായി വരുന്നു.
നിങ്ങളുടെ കൈകൾ ഉയർത്തിപ്പിടിച്ചുകൊണ്ട് ഓടുന്ന വ്യായാമരീതിയെ ഒരു കോമ്പൗണ്ട് വ്യായാമത്തിൻ്റെ ഗണത്തിൽപ്പെടുത്താൻ കഴിയും. ഇത് മസിലുകൾ ടോൺ ചെയ്യാനും ഒരേസമയം കൈകൾക്ക് കരുത്തു പകരാനും സഹായിക്കുന്നു. ഒരു മികച്ച കാർഡിയോ വ്യായാമമായി പ്രവർത്തിക്കുകയും മസിൽ ടോണിംഗിനെ സഹായിക്കുകയും ചെയ്യുന്ന ഈ വ്യായാമരീതി യഥാർത്ഥത്തിൽ നിങ്ങളുടെ വയറു കുറയ്ക്കാൻ ഏറ്റവും സഹായകമായതാണ്. വയറു മാത്രമല്ല വളരെ വേഗത്തിൽ നിങ്ങളുടെ ശരീരഭാരം മൊത്തത്തിൽ കുറയ്ക്കുന്നതിനും ഇത് അനുയോജ്യമായതാണ് എന്ന് ഉറപ്പിച്ച് പറയാം.
കൂടുതൽ കലോറി കളയാൻ
നിങ്ങളുടെ കൈകൾ ഉയർത്തിപ്പിടിച്ചുകൊണ്ട് ഓടുന്നതിനായി സാധാരണ ഉപയോഗിക്കുന്നതിനേക്കാൾ കൂടുതൽ ഊർജ്ജം ആവശ്യമാണ് എന്ന കാര്യം പറഞ്ഞല്ലോ. ഈയൊരു പ്രവർത്തിയിൽ ഏർപ്പെടുന്ന പക്ഷം നിങ്ങളുടെ ശരീരത്തിൽ നിന്ന് കൂടുതൽ കലോറി കത്തിച്ചു കളയപ്പെടുന്നുണ്ട്. ഇത് ശരീരഭാരം വേഗത്തിൽ കുറയ്ക്കാൻ സഹായിക്കുന്നു. ഈ രീതിയിൽ ഏർപ്പെട്ടാൽ ദിവസങ്ങൾക്കുള്ളിൽ തന്നെ നിങ്ങൾക്ക് മികച്ച ഫലം ലഭിക്കും എന്നുറപ്പ്.
വയറിലെ പേശികൾക്ക് നല്ലത്
നിങ്ങളുടെ കൈകൾ ഉയർത്തിപ്പിടിച്ചുകൊണ്ട് ഓടുമ്പോൾ നിങ്ങളുടെ കോർഭാഗം, നെഞ്ച്, തോളുകൾ എന്നിവ പരമാവധി സ്ട്രെച്ച് ചെയ്യപ്പെടുന്നു. ഇത്തരമൊരു വ്യായാമത്തിൽ ഏർപ്പെടുമ്പോൾ നിങ്ങളുടെ അപ്പർ ബോഡിയിലാണ് കൂടുതൽ സമ്മർദം അനുഭവപ്പെടുന്നത്. അപ്പർ ബോഡിയിലുള്ള മുഴുവൻ ശാരീരിക പേശികളുമായി ഇടപഴകുമ്പോൾ ഇത് വളരെ എളുപ്പത്തിൽ നിങ്ങളുടെ വയറ് കുറയ്ക്കാനും അതോടൊപ്പം ആകർഷണീയമായ ആകൃതിയുള്ള തോളുകളും നൽകുന്നു.
Also read: ആലില വയറിന് ഫ്ലട്ടർ കിക്ക് വ്യായാമം മാത്രം മതി
പരിക്ക് ഉണ്ടാകാനുള്ള സാധ്യത കുറയ്ക്കുന്നു
വളരെ വേഗത്തിൽ ഓടുന്ന വ്യായാമ രീതി പലപ്പോഴും നമുക്ക് പരിക്കുകൾ സമ്മാനിക്കുന്നതാണ്. എന്നാൽ ഈ രീതിയിൽ നിങ്ങൾ വ്യായാമം ചെയ്യുമ്പോൾ അതായത് നിങ്ങളുടെ കൈകൾ മുകളിലേക്ക് ഉയർത്തിക്കൊണ്ട് ഓടുമ്പോൾ സ്വാഭാവികമായും നിങ്ങൾക്ക് വളരെ വേഗത്തിൽ ഓടിക്കാൻ കഴിയുകയില്ല എന്ന കാര്യം ശ്രദ്ധിച്ചിട്ടുണ്ടോ. ഈ രീതിയിൽ ഓടുമ്പോൾ വേഗത വർദ്ധിപ്പിക്കാൻ കഴിയാത്തതിനെ കാരണം സാധാരണരീതിയിൽ ഓടുമ്പോൾ ഉണ്ടാവുന്ന ശരീരത്തിൻ്റെ എയറോഡൈനാമിക്സ് പോസ്ചർ ലഭിക്കാത്തതുകൊണ്ടാണ്. അതുകൊണ്ടുതന്നെ ഈയൊരു രീതി നിങ്ങൾക്ക് പരിക്കുകൾ ഉണ്ടാകാനുള്ള സാധ്യതയും കുറയ്ക്കുന്നു. ഉയർന്ന ഇംപാക്ട് നൽകുന്ന ഈ വ്യായാമം പേശികളുടെ നഷ്ടങ്ങളെ കുറയ്ക്കുന്നതോടൊപ്പം ഏതെങ്കിലും പരിക്കുകൾ ഉണ്ടാകാനുള്ള സാധ്യതയും ഇല്ലാതാക്കുന്നു. അപ്പോൾ പിന്നെ വയറു കുറയ്ക്കാൻ ആഗ്രഹമുണ്ടെങ്കിൽ ഇന്ന് തന്നെ ഈ വ്യായാമരീതി പരീക്ഷിച്ചു തുടങ്ങിക്കോളൂ.