തടി കുറയ്ക്കാന്‍ ശ്രമിയ്ക്കുമ്പോള്‍ 5 don'ts, ന്യൂട്രീഷനിസ്റ്റ് പറയുന്നു

തടി കുറയ്ക്കുക എന്ന ലക്ഷ്യം മുന്നില്‍ വരുമ്പോള്‍ ഇതില്‍ മാത്രം ശ്രദ്ധ വയ്ക്കുന്നവരുണ്ട്. ഒരു ഫോബിയ പോലെ. ഇതെക്കുറിച്ചുള്ള ചിന്ത മാത്രം. ഇത് തെറ്റാണെന്നാണ് റുജത പറയുന്നത്. ഇത് മാത്രമാണ് നിങ്ങളുടെ പ്രൊജക്ട് എന്ന് കരുതരുത്.

ഇതില്‍ മാത്രം ശ്രദ്ധ വച്ച് മറ്റ് കാര്യങ്ങളില്‍ അലസരാകരുത്. ഇതാണ് ജീവിതം, ഇതു മാത്രമാണ് ലക്ഷ്യം എന്നുള്ള തോന്നല്‍ ഏതെങ്കിലും കാരണവശാല്‍ ലക്ഷ്യം നേടാനായില്ലെങ്കില്‍ നിങ്ങളുടെ മനസില്‍ നിരാശ പടര്‍ത്താന്‍ കാരണമാകും.

ഈ ലക്ഷ്യം മുന്നില്‍ കണ്ട് നാം ശ്രമിയ്ക്കുമ്പോള്‍ റുജുത ലഭിയ്ക്കുമെന്ന് കരുതരുത്. ഒന്നോ രണ്ടോ ആഴ്ച തടി കുറയ്ക്കാനുള്ള ശ്രമങ്ങള്‍ നടത്തി ഇത് ശരീരത്തില്‍ കാണാതെ വരുമ്പോള്‍ വിഷമിയ്ക്കുന്നവരാണ് പലരും. നിരാശപ്പെട്ട് ഇത് നടക്കില്ലെന്ന് കരുതി തങ്ങളുടെ ലക്ഷ്യത്തില്‍ നിന്നും പിന്‍മാറുന്നവര്‍ ധാരാളമുണ്ട്.

നമ്മുടെ ശരീരം മാറ്റങ്ങളുമായി ചേര്‍ന്ന് വരാന്‍ ചുരുങ്ങിയത് 12 ആഴ്ചകളെങ്കിലും പിടിയ്ക്കുമെന്നാണ് റുജത പറയുന്നത്. ഇതിനാല്‍ പെട്ടെന്ന് ഫലം കിട്ടുമെന്ന് കരുതാതെ ക്ഷമയോടെ കാത്തിരിയ്ക്കുക. നിരാശപ്പെട്ട് പിന്‍മാറാതിരിയ്ക്കുക.

തടി കുറയ്ക്കാന്‍ ശ്രമിയ്ക്കുമ്പോള്‍ പലര്‍ക്കും ഭക്ഷണം കഴിയ്ക്കുമ്പോള്‍ കുറ്റബോധം തോന്നുന്നതും തെറ്റ് ചെയ്യുന്നതുമായ ചിന്തയുണ്ടാകും. ഭക്ഷണം കഴിയ്ക്കുന്നത് കുറ്റമായി കാണാതിരിയ്ക്കുക. ഭക്ഷണമെന്നത് ശരീരത്തിന് അത്യാവശ്യമായ ഒന്നാണ്.

ആരോഗ്യകരമായ ഭക്ഷണങ്ങള്‍ കഴിയ്ക്കാം. ഭക്ഷണം കഴിയ്ക്കാതെ തടി കുറയ്ക്കാന്‍ ശ്രമിയ്ക്കുന്നത് അനാരോഗ്യകരമാണ്. ആരും ശ്രമിയ്ക്കരുതാത്ത ഒന്ന്. ഇഷ്ടമുള്ള ഭക്ഷണം മിതമായി കഴിയ്ക്കാം. അല്ലെങ്കില്‍ ഇടയ്‌ക്കെങ്കിലും കഴിയ്ക്കാം. വ്യായാമം ചെയ്യണം എന്നു മാത്രം. ആരോഗ്യകരമായ ഭക്ഷണം കഴിയ്ക്കാം. തടി കുറയ്ക്കാന്‍ ഭക്ഷണം ഉപേക്ഷിയ്ക്കുന്നത് നല്ല ശീലമല്ല.

വ്യായാമം ഒരു ശിക്ഷയായി കരുതി ചെയ്യരുത്. ആസ്വദിച്ച് ചെയ്യാന്‍ പഠിയ്ക്കുക. ഇത് ശീലിയ്ക്കുക. ഇതാണ് കൃത്യമായ ഫലം നല്‍കുക. അത് മാത്രമല്ല, ശരീരത്തെ വല്ലാതെ പീഡിപ്പിയ്ക്കുന്ന വിധത്തില്‍ വ്യായാമം ചെയ്യാതിരിയ്ക്കുക.

ശരീരത്തിന് ചേരുന്ന, നിങ്ങള്‍ക്ക് താങ്ങാവുന്ന വ്യായാമങ്ങള്‍ ചെയ്യുക. ഓരോരുത്തര്‍ക്കും ഓരോരോ ശരീരത്തിനും ചേരുന്ന വ്യായാമങ്ങള്‍ വ്യത്യസ്തമാണ്. ഇതറിഞ്ഞ് ചേരുന്ന വിധത്തിലെ വ്യായാമങ്ങള്‍ ചെയ്യുക. വേണമെങ്കില്‍ ഇതിന് പ്രൊഫഷണല്‍ സഹായം തേടാം.

തടി കുറയ്ക്കാന്‍ ശ്രമിയ്ക്കുമ്പോള്‍ എപ്പോഴും തടി കുറഞ്ഞോയെന്ന് ചിന്തയും എപ്പോഴും വെയ്റ്റ് നോക്കുന്നതുമെല്ലാം പലരും ചെയ്യുന്നതാണ്. ഇത് നല്ലതല്ല. എപ്പോഴും തടി കുറഞ്ഞോയെന്ന ചിന്ത വച്ചു നടക്കുന്നതും അടിക്കടി ശരീരഭാരം നോക്കുന്നതുമെല്ലാം നല്ലതല്ല. ഓരോ തവണയും ശരീര ഭാരം നോക്കുമ്പോഴും തടി കുറഞ്ഞില്ലല്ലോ എന്നോര്‍ത്ത് ഡിപ്രഷനില്‍ വീണുപോകുന്നവരുമുണ്ട്.