കുരുമുളക്
ഇതിനായി വേണ്ടത് മഞ്ഞള്‍പ്പൊടി, ചുക്കുപൊടി, കുരുമുളക് പൊടി, കറുവാപ്പട്ടപ്പൊടി, ജീരകപ്പൊടി എന്നിവയാണ്. ഇവയെല്ലാം ഏറെ ആരോഗ്യ ഗുണങ്ങള്‍ നല്‍കുന്നതിനൊപ്പം ആലില വയര്‍ കൂടി നല്‍കുന്നു. കുരുമുളക് പൊടിയിലെ പെപ്പറൈന്‍ എന്ന വസ്തുവാണ് ഗുണകരമാകുന്നത്. . ഇത് ഉപാപചയ പ്രവർത്തനത്തെ ത്വരിതപ്പെടുത്തുകയും ചെയ്യും. കൂടാതെ കറുത്ത കുരുമുളകിൽ വിറ്റാമിൻ സി, എ, ഫ്ലേവനോയ്ഡുകൾ, കരോട്ടിനുകൾ, മറ്റ് ആന്റി ഓക്‌സിഡന്റുകൾ എന്നിവയുണ്ട്. ശരീരത്തിലെ ചൂടു വര്‍ദ്ധിപ്പിച്ച് ഉപാപചയം വര്‍ദ്ധിപ്പിയ്ക്കുന്ന ഇത് തടി കുറയ്ക്കാന്‍ സഹായിക്കുന്ന ഒന്നാണ്.
കറുവാപ്പട്ടപ്പൊടി
പൊതുവേ മസാലയായി ഉപയോഗിയ്ക്കുന്ന കറുവാപ്പട്ടപ്പൊടി ആരോഗ്യപരമായ ഏറെ ഗുണങ്ങള്‍ നല്‍കുന്ന ഒന്നാണ്. ആന്റി ഓക്സിഡന്റ് ഗുണങ്ങളുടെ കാലവറയാണിത്. ഇത് ശരീരത്തിലെ കൊഴുപ്പു കത്തിച്ചു കളയും. ഇതു വെറും വയറ്റില്‍ കുടിയ്ക്കുന്നതാണ് ഏറെ നല്ലത്. ഭക്ഷണത്തില്‍ ഇതു ചേര്‍ത്തു കഴിയ്ക്കുന്നതും നല്ലതാണ്. ശരീരത്തിന് ചൂടു നല്‍കി അപചയ പ്രക്രിയ ശക്തിപ്പെടുത്തിയാണ് തടി കുറയ്ക്കാന്‍ ഇതു സഹായിക്കുന്നത്. പ്രമേഹം, കൊളസ്‌ട്രോള്‍ തുടങ്ങിയ പല രോഗങ്ങളും തടയാന്‍ ഏറെ ഉത്തമമാണ് ഇത്.
ജീരകം
ജീരകം തടി കുറയ്ക്കാന്‍ സഹായിക്കുന്ന മറ്റൊരു ഘടകമാണ്. ഭക്ഷണ ചേരുവകളില്‍ ഉപയോഗിയ്ക്കുന്ന ജീരകം പലപ്പോഴും പല അസുഖങ്ങള്‍ക്കുമുള്ള നല്ലൊരു മരുന്നു കൂടിയാണ്. നല്ലൊന്നാന്തരം ആന്റിഓക്‌സിഡന്റ് ഗുണങ്ങളുള്ള ഒന്നാണ് ജീരകം. വയറിന്റെ ആരോഗ്യത്തിന് ഏറെ ഉത്തമമായ ഒന്ന്. ദഹനം മെച്ചപ്പെടുത്തുവാനും ഗ്യാസ്, അസിഡിറ്റി പ്രശ്‌നങ്ങള്‍ക്കുമെല്ലാമുള്ള ഒരു മരുന്നായ ഇത് ശരീരത്തിലെ ടോക്‌സിനുകള്‍ നീക്കി അസുഖങ്ങള്‍ക്കൊപ്പം ചര്‍മത്തിനും ആരോഗ്യം നല്‍കാന്‍ സഹായിക്കുന്ന ഒന്നു കൂടിയാണ്.
മഞ്ഞള്‍പ്പൊടി
തടിയും വയറും കുറയ്ക്കാന്‍ മഞ്ഞള്‍പ്പൊടിയും ഏറെ കേമമാണ്. . ദഹനം മെച്ചപ്പെടുത്തുന്ന ഒന്നാണിത്. ശരീരത്തിലെ അപചയ പ്രക്രിയ ശക്തിപ്പെടുത്തി ശരീരത്തില്‍ ചൂടുല്‍പാദിപ്പിച്ച് കൊഴുപ്പുരുക്കി കളയുന്ന ഒന്ന്. ഇതാണ് തടി കുറയ്ക്കാന്‍ സഹായിക്കുന്ന ഒന്നു കൂടിയാണിത്. മഞ്ഞള്‍ പല അസുഖങ്ങള്‍ക്കുമുള്ള നല്ല മരുന്നുമാണ്. മഞ്ഞള്‍ പല തരത്തിലെ അണുബാധകളെ തടയുന്നു. ഇത് ശരീരത്തിലെ കൊഴുപ്പുരുക്കാന്‍ ഏറെ ഗുണകരമാണ്.
ചുക്ക്
ഉണക്കിയ ഇഞ്ചിയാണ് ചുക്ക്. ഇതിനും ഇഞ്ചിയുടേയും ഇതിനേക്കാളേറെയും ഗുണമുണ്ട്. ഇത് ആന്റി ഓക്സിഡന്റ് സമ്പുഷ്ടമാണ്. ശരീരത്തിലെ കൊഴുപ്പു കളയാന്‍, ചൂടു വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണിത്. പല അസുഖങ്ങള്‍ക്കും മരുന്നായി പ്രവര്‍ത്തിയ്ക്കുന്ന ഒന്നു കൂടിയാണ് ഇഞ്ചി. ഇതിലെ ജിഞ്ചറോള്‍ എന്ന വസ്തുവാണ് ഏറെ ഗുണം നല്‍കുന്നത്. ഇത് ദഹനം മൈച്ചപ്പെടുത്തുന്നു. ശരീരത്തിലെ ചൂടു വര്‍ദ്ധിപ്പിച്ച് ഉപാപചയം വര്‍ദ്ധിപ്പിയ്ക്കുന്ന ഒന്നു കൂടിയാണിത്. വയറിന് ഏറെ നല്ലൊരു മരുന്നാണ് ഇഞ്ചി. Also read: മുഖകാന്തി വർദ്ധിപ്പിക്കാൻ ഈ 7 രീതിയിൽ പപ്പായ ഉപയോഗിച്ചാൽ ഫലം ഉറപ്പ്!
ഇതിനായി
ഇതിനായി മഞ്ഞള്‍പ്പൊടി, കറുവാപ്പട്ട, ജീരകപ്പൊടി എന്നിവ ഒരു ടീസ്പൂണ്‍ വീതം എടുക്കാം. ഇതിന്റെ പകുതി വീതം, അതായത് അര ടീസ്പൂണ്‍ വീതം ചുക്കുപൊടി, കുരുമുളകു പൊടി എന്നിവ എടുക്കാം. ഇതെല്ലാം കൂട്ടി യോജിപ്പിച്ച് ഒരു ഗ്ലാസ് ജാറില്‍ ഇട്ടു വയ്ക്കുക. ഇതില്‍ നിന്നും ഒരു ടീസ്പൂണ്‍ വീതം ഒരു ഗ്ലാസ് ചെറു ചൂടുവെള്ളത്തില്‍ കലക്കി രാവിലെ വെറും വയറ്റില്‍ കുടിയ്ക്കാം. ഇതിന് ശേഷം അര മണിക്കൂര്‍ കഴിഞ്ഞു മാത്രം ഭക്ഷണം. ഇത് കുടിച്ചാല്‍ വയര്‍ കുറയുക മാത്രമല്ല, ശരീരത്തിലെ ആവശ്യമില്ലാത്ത കൊഴുപ്പു നീങ്ങുകയും ചെയ്യുന്നു. വയറിന്റെയും ശരീരത്തിന്റെ ആകെയുള്ള പ്രതിരോധ ശേഷിയ്ക്കും ഇത് മികച്ചതുമാണ്.Also read: മുഖകാന്തി വർദ്ധിപ്പിക്കാൻ ഈ 7 രീതിയിൽ പപ്പായ ഉപയോഗിച്ചാൽ ഫലം ഉറപ്പ്!