Belly Fat: ചാടിയ വയര് വേഗത്തില് മാറ്റിയെടുക്കണോ? എങ്കില് ഇവ ശ്രദ്ധിച്ചാല് മാത്രം മതി
വയര് ചാടുന്നത് പലര്ക്കും ഒരു പ്രശ്നം തന്നെയാണ്. എന്നാല് ഈ പ്രശ്നം ഇല്ലാതാക്കുവാന്, വേഗത്തില് വയര് കുറയ്ക്കുവാന് കുറച്ച് മാര്ഗ്ഗങ്ങളുണ്ട്. അവ എന്തെല്ലാമെന്ന് നോക്കാം.
1. വെള്ളം കുടക്കാത്തത്
വെള്ളം കുടിച്ചാല് വയര് ചാടും എന്ന തെറ്റായ ധാരണ മിക്കവരിലും ഉണ്ട്. എന്നാല്, സത്യാവസ്ഥ ഇതല്ല എന്നുമാത്രം. നമ്മള് നന്നായി വെള്ളം കുടിക്കാതിരിക്കുന്നതാണ് വയര് ചാടുവാന് പ്രധാന കാരണമാകുന്നത്. നമ്മള് നല്ല ആരോഗ്യത്തോടെ ഇരിക്കുന്നതിനും അതുപോലെ, തടി കുറയ്ക്കുന്നതിനുമെല്ലാം തന്നെ വെള്ളംകുടി വളരെയധികം സഹായിക്കുന്നുണ്ട്.
നമ്മള് കൃത്യമായ രീതിയില് ആവശ്യത്തിന് വെള്ളം കുടിച്ചാല് അത് ശരീരത്തിലെ വിഷങ്ങള് പുറംതള്ളുനതിനും നമ്മളുടെ ചര്മ്മത്തിനും അതുപോലെതന്നെ ശരീരം ഹൈഡ്രേറ്റഡാക്കി നിലനിര്ത്തുന്നതിനും ഇത് വളരെയധികം സഹായിക്കുന്നുണ്ട്. അതുപോലെതന്നെ ശരീരതതിലെ കൊഴുപ്പിനെ കുറയ്ക്കുന്നതിനും അതുവഴി വയര് ചാടുന്നതും അമിതവണ്ണവും കുറയ്ക്കുവാന് ഇത് വളരെയധികം സഹായിക്കുന്നു.
2. പ്രാതല് കഴിക്കാതിരിക്കുന്നത്.
മിക്കവരും രാവിലെ തന്നെ നേരം വൈകി എഴുന്നേറ്റ് ഭക്ഷണം കഴിക്കുവാന് നേരമില്ല എന്നും പറഞ്ഞ് ഓഫീസിലേയ്ക്ക് അല്ലെങ്കില് സ്കൂളിലേയ്ക്ക് പോകുന്നവരാണ്. ചിലര് വളരെ നേരം വൈകി എഴുന്നേല്ക്കുന്നതിനാല് രാവിലത്തേയും അതുപോലെ, ഉച്ചക്കല്ത്തേയും ഭക്ഷണം ഒരുമിച്ചാവും കഴിക്കുന്നുണ്ടാവുക. എന്നാല്, ഇത്തരത്തില് നാം പിന്തുടരുന്ന ശീലങ്ങളെല്ലാം തന്നെ വയര് കൂട്ടുന്നതിന് പ്രധാന കാരണങ്ങളില് ഒന്നാണ്.
നമ്മള് ഒരു ദിവസം ആരംഭിക്കുമ്പോള് തന്നെ ആദ്യം കഴിക്കുന്ന ഭക്ഷണമാണ് പ്രാതല് എന്നത്. നമ്മള് രാവിലെതന്നെ പ്രാതല് ഒഴിവാക്കിയാല് ഇത് നമ്മളുടെ ശരീരത്തിലെ കൊഴുപ്പിനെ ദഹിപ്പിക്കുവാനുള്ള കഴിവ് കുറയ്ക്കും. ഇത് അമിത വണ്ണത്തിലേയ്ക്കും അതുപോലെ, വയര് ചാടുന്നതിനും നല്ലൊരു കാരണമാണ്. അതുകൊണ്ട് പരമാവധി രാവിലത്തെ ഭക്ഷണം ഒഴിവാക്കാതിരിക്കുവാന് ശ്രദ്ധിക്കുന്നത് നല്ലതാണ്.
3. നല്ല ആഹാരങ്ങള് കഴിക്കുവാന് ശ്രമിക്കാം
രാവിലെതന്നെ ബ്രഡ് മുതല് ന്യൂഡില്സ് വരെ കഴിക്കുന്നവരുണ്ട്. എന്നാല്, ഇത് ഒട്ടും നല്ലതല്ല. നല്ല കൃത്യമായ രീതിയില് നല്ല ആരോഗ്യകരമായ ഭക്ഷണം കഴിച്ചാല് മാത്രമാണ് അത് നമ്മളുടെ ആരോഗ്യത്തിന് ഗുണം ചെയ്യുകയുള്ളൂ.
നമ്മള് പാക്ക്ഡ് ഫുഡ് കഴിക്കുന്നത് ശരീരത്തിലേയ്ക്ക് അമിതമായി മധുരം എത്തുന്നതിനും, ഇത് അമിത വണ്ണത്തിലേയ്ക്കും വയര് ചാടുന്നതിലേയ്ക്കും നയിക്കുന്നുണ്ട്. കൂടാതെ, ഇത്തരം ഭക്ഷണം കഴിച്ചു കഴിഞ്ഞ് അല്പ സമയത്തിനുള്ളില് തന്നെ വീണ്ടും വിശക്കുന്നതായി അനുഭവപ്പെടുകയും ചെയ്യും. ഇതും ശരീരത്തിലേയ്ക്ക് കൊഴുപ്പ് എത്തുന്നതിന് കാരണമാണ്. ഇതെല്ലാം വയര് ചാടുന്നതിന് കാരണമാണ്.
4. വ്യായാമം ചെയ്യാത്തത്
നമ്മളില് പലരും ചെയ്യാത്ത ഒരു കാര്യം. വ്യായാമം! നമ്മളുടെ ശരീരത്തിലെ കൊഴുപ്പിനെ ഇല്ലാതാക്കുവാന് ഏറ്റവുമധികം സഹായിക്കുന്ന ഒന്നാണ് വ്യായാമം എന്നത്. ഇതിനായി ജിമ്മില് പോകണമെന്നൊന്നും ഇല്ല. വീട്ടില് തന്നെ ഇരുന്ന് നമുക്ക് വ്യായാമം ചെയ്യാവുന്നതേ ഉള്ളൂ! എന്നാല്, പലരും ഇത് ചെയ്യുവാന് മടിക്കുന്നു എന്നുമാത്രം.
നല്ല ആലില വയറെല്ലാം സ്വപ്നം കാണുന്നവര്ക്ക് രാവിലെതന്നെ കുറച്ച് നേരം വ്യായാമത്തിനായി മാറ്റിവെച്ചാല് ഇതെല്ലാം വളരെ എളുപ്പത്തില് തന്നെ സ്വന്തമാക്കാവുന്നതാണ്.
5. നന്നായി സൂര്യപ്രകാശം കൊള്ളുക
വെയില് കണ്ടാല് തന്നെ പുറത്തേയ്ക്ക് ഇറങ്ങുവാന് മടിയായിരിക്കും. എന്നാല് വെയില് അത്യാവശ്യത്തിന് കൊള്ളുന്നത് നമ്മളുടെ ശരീരത്തിനും നല്ലതാണ്. അതും വിചാരിച്ച് അമിതമായി വെയില് കൊള്ളുവാനല്ല പറഞ്ഞു വരുന്നത്. അതായത്, നമ്മള് രാവിലെതന്നെ വെയില് കൊള്ളുമ്പോള്സത്യത്തില് ഇത് നമ്മളുടെ ശരീരത്തില് എനര്ജി കൂട്ടുന്നതിനും മെറ്റാബോളിസം കൂട്ടുന്നതിനും വളരെയധികം സഹായിക്കുന്നുണ്ട്.അതുപോലെതന്നെ നമ്മളുടെ ബോഡിമാസ് ലെവല് നിയന്ത്രണ വിധേയമാക്കുന്നതിനും ഇത് വളരെയധികം സഹായിക്കുന്നു. ഇത് വയര് വേഗത്തില് കുറയ്ക്കുവാനും സഹായിക്കുന്നുണ്ട്.