ക്രമരഹിതമായ ആര്‍ത്തവം ഇനി ഉണ്ടാകില്ല, പരിഹാരം ഇതാ

ക്രമരഹിതമായ ആർത്തവദിനങ്ങൾ ഉണ്ടാകുന്നതിനെ വൈദ്യശാസ്ത്രപരമായി ഒളിഗോമെനോറിയ എന്ന് പേരിട്ടു വിളിക്കുന്നു. നിരവധി സ്ത്രീകളിൽ ഇത് സാധാരണ പ്രശ്നമാണ്. ഭക്ഷണ ക്രമക്കേടുകൾ, ശരീരഭാരത്തിൽ പെട്ടെന്നുണ്ടാവുന്ന ഏറ്റക്കുറച്ചിലുകൾ, വിളർച്ച, തൈറോയ്ഡ് തകരാറുകൾ, ഹോർമോൺ അസന്തുലിതാവസ്ഥകൾ, കരൾ രോഗം, തുടങ്ങിയ ആരോഗ്യവുമായി ബന്ധപ്പെട്ട പല ഘടകങ്ങളും ഈയൊരു പ്രശ്നത്തിന് കാരണമാകും. വ്യായാമത്തിൻ്റെ കുറവ് മദ്യപാനം, കഫീൻ ഉപയോഗം, യാത്ര, സമ്മർദ്ദം, ചില മരുന്നുകളുടെ ഉപയോഗം, ഗർഭനിരോധന ഗുളികകൾ എന്നിവയുമായി ബന്ധപ്പെട്ട ജീവിതശൈലി മാറ്റങ്ങളും ഈ പ്രശ്‌നത്തിന് പിന്നിൽ പ്രവർത്തിക്കും. എന്നാൽ ഈ ഒരു പ്രശ്നത്തെ മികച്ച രീതിയിൽ കൈകാര്യം ചെയ്യാനായി നിങ്ങളുടെ വീട്ടിൽ ഉള്ള ചില പരിഹാര മാർഗങ്ങൾ സഹായിക്കും. ക്രമരഹിതമായ ആർത്തവ ദിനങ്ങളെ നേരിടാൻ സഹായിക്കുന്ന ചില വീട്ടുവൈദ്യങ്ങൾ ഇതാ.

ഒട്ടും പഴുക്കാത്ത പച്ച പപ്പായ ക്രമരഹിതമായി ഉണ്ടാവുന്ന ആർത്തവത്തെ നിയന്ത്രിക്കുന്നതിന് ഉപയോഗപ്രദമാണ്. ഇത് ഗർഭാശയത്തിലെ പേശികളേയും ചുരുക്കാൻ അനുവദിക്കുന്നു. ആർത്തവം ഉണ്ടാവുന്ന ദിനങ്ങളിൽ ഒഴിച്ച് കുറച്ച് മാസത്തേക്ക് പതിവായി പഴുക്കാത്ത പപ്പായ ജ്യൂസ് കഴിക്കുക. ഈ പഴവർഗ്ഗത്തിൽ അടങ്ങിയിരിക്കുന്ന പപ്പൈൻ എന്ന എൻസൈം ആർത്തവ വേദന ലഘൂകരിക്കാൻ സഹായിക്കും. അതുമാത്രമല്ല, ആർത്തവ രക്തം പുറത്തേയ്ക്ക് പോകുന്നത് എളുപ്പത്തിലാക്കാനും ഇതിന് കഴിയും.

മഞ്ഞൾ ആയുർവേദം ശുപാർശ ചെയ്യുന്ന ഏറ്റവും മികച്ച ഔഷധ സസ്യങ്ങളിൽ ഒന്നായി കണക്കാക്കപ്പെടുന്നു. സ്ത്രീകളുടെ കാര്യത്തിൽ ആർത്തവത്തെ നിയന്ത്രിക്കുന്നതിനും ശരീരത്തിലെ ഹോർമോണുകളെ സന്തുലിതമാക്കുന്നതിനും ഇത് സഹായകരമാണ്. ഇതിലെ ആന്റിസ്പാസ്മോഡിക്, വിരുദ്ധ ബാഹ്യാവിഷ്ക്കാര ഗുണങ്ങൾ ആർത്തവ വേദന ലഘൂകരിക്കാൻ സഹായിക്കും. പാൽ, തേൻ, ശർക്കര എന്നിവയോടൊപ്പം കാൽ ടീസ്പൂൺ മഞ്ഞൾ ചേർത്ത് ദിവസവും കഴിക്കുക. കുറച്ച് അധികം ആഴ്ചകൾ പതിവായി മുടങ്ങാതെ ഇത് കഴിച്ചാൽ ക്രമരഹിതമായി ഉണ്ടാവുന്ന നിങ്ങളുടെ ആർത്തവകാല ചക്രത്തിൽ മാറ്റം വരുന്നത് തിരിച്ചറിയാം.

ക്രമരഹിതമായ ആർത്തവത്തെ നിയന്ത്രിച്ചു നിർത്തുന്നതിന് കറ്റാർവാഴ ഉപയോഗിച്ചുകൊണ്ടുള്ള പ്രതിവിധി നിങ്ങൾക്ക് പരീക്ഷിക്കാം. നിങ്ങളുടെ ഹോർമോണുകളുടെ അസന്തുലിതാവസ്ഥകൾ പരിഹരിക്കുന്നതോടൊപ്പം സ്വാഭാവികമായി തന്നെ ആർത്തവ ക്രമക്കേടുകൾ പരിഹരിക്കാൻ കറ്റാർ വാഴ സഹായിക്കുന്നു. മികച്ച ഫലങ്ങൾ ലഭിക്കുന്നതിനായി കറ്റാർ ഇലയിൽ നിന്ന് ജെൽ വേർതിരിച്ചെടുക്കുക, ഒരു ടീസ്പൂൺ തേനിൽ ഇത് കലർത്തി പ്രഭാതഭക്ഷണം കഴിക്കുന്നതിന് മുമ്പ് ദിവസവും തുടർച്ചയായി കഴിക്കുക. ശ്രദ്ധിക്കേണ്ട ഒരു പ്രധാന കാര്യം ആർത്തവം ആരംഭിക്കുന്നത് മുതൽ അവസാനിക്കുന്നത് വരെയുള്ള കുറച്ചു ദിനങ്ങളിൽ ഇത് കഴിക്കുന്നത് ഒഴിവാക്കാൻ പ്രത്യേകം ശ്രദ്ധിക്കണം

യോഗ, മെഡിറ്റേഷൻ തുടങ്ങിയ ശീലങ്ങൾ മനസ്സിനെയും ശരീരത്തെയും ആശ്വസിപ്പിക്കുക മാത്രമല്ല. ആരോഗ്യകാര്യത്തിലും നിരവധി ഗുണങ്ങൾ നൽകുന്നുണ്ട്. സ്ത്രീകളുടെ ശരീരത്തിൽ സംഭവിക്കുന്ന ഹോർമോൺ അസന്തുലിതാവസ്ഥകളാണ് ആർത്തവ ക്രമക്കേടുകൾക്ക് പ്രധാന കാരണമായി മാറുന്നത്. യോഗയും ധ്യാനവും ശരീരത്തിലെ സമ്മർദ്ദം കുറയ്ക്കാൻ പേരുകേട്ടതാണ്. ശരീരത്തിൽ ആരോഗ്യകരമായ ഹോർമോൺ ബാലൻസ് ഉറപ്പാക്കാൻ നല്ല ധ്യാന ശീലം നിങ്ങളെ സഹായിക്കും. മരുന്നുകൾ ഒന്നുംതന്നെ കഴിക്കാതെ ക്രമരഹിതമായ ആർത്തവത്തെ നിയന്ത്രിച്ചു നിർത്തുന്നതിനുള്ള ഏറ്റവും ഫലപ്രദമായ മാർഗ്ഗങ്ങളാണ് ഇവ രണ്ടും. നിങ്ങളുടെ ക്രമരഹിതമായ ആർത്തവ ദിനങ്ങളിലും അതിനു മുൻപും ശേഷവുമെല്ലാം ഒരു ദിനചര്യ പോലെ ഇവ രണ്ടും പരിശീലിക്കാം.

ശരീരത്തെ സാന്ത്വനിപ്പിക്കുന്ന സ്വഭാവഗുണങ്ങൾ ഇഞ്ചിയിലുണ്ട്. ആർത്തവചക്രങ്ങളെ നിയന്ത്രിക്കുന്നതിനും ക്രമരഹിതമായ ആർത്തവ ഘട്ടങ്ങളിൽ നിന്ന് വേഗത്തിൽ മുക്തി നേടുന്നതിനും ഇഞ്ചി വളരെ ഉത്തമമാണ് എന്ന് ആയുർവേദം പറയുന്നു. ഇതിനായി 1 ടീസ്പൂൺ ഇഞ്ചി അല്പം വെള്ളത്തിലിട്ട് 5 മിനിറ്റ് തിളപ്പിക്കുക. ഇതിലേക്ക് അൽപം പഞ്ചസാര ചേർക്കാം. ഈ മിശ്രിതം നിങ്ങളുടെ ഭക്ഷണത്തിന് ശേഷം ദിവസത്തിൽ മൂന്ന് തവണ കുടിക്കുക.

Also read: മുട്ടയ്ക്ക് പകരം വയ്ക്കാം ഈ പ്രോട്ടീന്‍ ഭക്ഷണങ്ങള്‍

ധാരാളം ആരോഗ്യ ഗുണങ്ങൾ വാഗ്ദാനം ചെയ്യുന്ന ഒരു അടുക്കള ചേരുവയാണ് ജീരകം. ആർത്തവസംബന്ധമായ പ്രശ്നങ്ങൾ പരിഹരിക്കുന്നതിനുള്ള ഒരു പരിഹാരം കൂടിയാണ് ജീരകം. കുതിർത്തിവച്ച ജീരകം ക്രമരഹിതമായ ആർത്തവത്തെ ചികിത്സിക്കാൻ നിങ്ങൾക്ക് ഉപയോഗിക്കാം. 2 സ്പൂൺ ജീരകം എടുത്ത് ഒരു രാത്രി മുഴുവൻ വെള്ളത്തിൽ കുതിർത്തുവയ്ക്കുക, രാവിലെ ഉറക്കമെണീറ്റ ഉടനെ തന്നെ ഇത് കുടിക്കുക. നിങ്ങളുടെ ആർത്തവ ദിനങ്ങൾ തിരികെ ക്രമത്തിലായി മാറുന്നതുവരെ എല്ലാ ദിവസവും ഈ വെള്ളം നിങ്ങൾ കുടിക്കേണ്ടതുണ്ട്.

Also read: എപ്പോഴും ക്ഷീണമോ, എങ്കില്‍ ഇതാകാം കാര്യം

ഭക്ഷ്യ വിഭവങ്ങളുടെ രുചി വർദ്ധിപ്പിക്കുന്നതിൽ പേരുകേട്ടതാണ് കറുവപ്പട്ട എന്ന സുഗന്ധവ്യഞ്ജനം. എണ്ണമറ്റ ആരോഗ്യഗുണങ്ങൾ അടങ്ങിയ കറുവപ്പട്ടയ്ക്ക് നിങ്ങളുടെ ആർത്തവചക്രവുമായി ബന്ധപ്പെട്ട അനാരോഗ്യതകളെ പരിഹരിക്കാനുള്ള കഴിവു കൂടിയുണ്ട് ഉണ്ട് എന്ന് പറയാം. ഇത് നിങ്ങളുടെ ശരീരത്തിനുള്ളിൽ ഊഷ്മളമായ ഗുണങ്ങളുടെ പ്രഭാവം നൽകുന്നു. ഒരു ഗ്ലാസ് നിറയെ പാൽ എടുത്ത് ഇതിലേക്ക് ഒരു ടീസ്പൂൺ പൊടിച്ച കറുവപ്പട്ട ചേർത്ത് ദിവസവും കുടിക്കുക. ആർത്തവ സംബന്ധമായ പ്രശ്നങ്ങൾ കുറയുന്നതു വരെ ഈ പരിഹാരമാർഗ്ഗം തുടർച്ചയായി കുടിക്കാം. ആർത്തവം ഉണ്ടാകുമ്പോൾ ഉള്ള വേദനകൾ കുറയ്ക്കാനും ഈ പരിഹാരമാർഗം ഫലപ്രദമാണ്.

ശ്രദ്ധിക്കുക: ആദ്യമായാണ് നിങ്ങൾക്ക് ആർത്തവസംബന്ധമായ ക്രമക്കേടുകൾ ഉണ്ടാകുന്നതെങ്കിൽ പ്രകൃതിദത്തമായ രീതിയിലുള്ള ഈ പരിഹാരമാർഗങ്ങൾ ഒക്കെ പരീക്ഷിക്കാവുന്നതാണ്. ഇവ പരീക്ഷിച്ചു കഴിഞ്ഞ ശേഷവും നിങ്ങളുടെ ആർത്തവ കാലയളവ് പലപ്പോഴും ക്രമരഹിതമായി തുടരുന്നുണ്ടെങ്കിൽ ഉറപ്പായും ഒരു ഡോക്ടറെ സമീപിച്ച് നിർദ്ദേശം തേടേണ്ടത് ഏറ്റവും അത്യാവശ്യമാണ്.