ആരെങ്കിലുമൊന്ന് തല മസ്സാജ് ചെയ്ത് തന്നിരുന്നെങ്കിൽ....
വെറുതെ ഇരിക്കുമ്പോൾ ആരെങ്കിലും ഒന്ന് വന്ന് നമ്മുടെ തലയൊന്ന് മസാജ് ചെയ്തു തന്നെങ്കിലെന്ന് ആഗ്രഹിച്ചിട്ടില്ലേ? എത്രയധികം ആശ്വാസമാണ് ഓരോ തവണയും നമ്മുടെ തലയിൽ മസാജ് ചെയ്യുമ്പോൾ അനുഭവപ്പെടുന്നത് ? നല്ലൊരു ഹെഡ് മസാജ് കഴിയുമ്പോൾ തന്നെ മിക്കവാറും നമ്മുടെ എല്ലാ സമ്മർദങ്ങളും ഉൽക്കണ്ഠകളും അയഞ്ഞു പോയിട്ടുണ്ടാകും..
1. മൈഗ്രേൻ പ്രശ്നങ്ങളിൽ നിന്ന് ആശ്വാസം നേടാൻ
മികച്ച രീതിയിൽ തല മസ്സാജ് ചെയ്യുന്നത് ചെറിയ തലവേദനയിൽ തുടങ്ങി മൈഗ്രെയിന്റെ പ്രശ്നങ്ങളെ വരേ അകറ്റി നിർത്തുന്നു. പിൻകഴുത്തിലും തലയുടെ ഭാഗത്തുമെല്ലാം പിരിമുറുക്കം ഉണ്ടാകുമ്പോൾ, തലയിൽ പെട്ടെന്ന് തലവേദന വേദന ഉണ്ടാകാൻ കാരണമാകുന്ന അവസ്ഥയാണ് മൈഗ്രേൻ. ഒരുപാട് ആളുകളെ അലട്ടുന്ന ഒരു ആരോഗ്യപ്രശ്നമാണിത്. അസഹനീയമായ വേദനയായിരിക്കും ഇത് നമുക്ക് സമ്മാനിക്കുക. മികച്ച രീതിയിലുള്ള ഒരു ഹെഡ് മസ്സാജിന് നിങ്ങളുടെ നിർദ്ദിഷ്ട പോയിന്റുകളിൽ സമ്മർദ്ദം ചെലുത്താനും നിങ്ങളുടെ മൈഗ്രേനിന്റെ ലക്ഷണങ്ങളെ ശമിപ്പിക്കാൻ സാധിക്കും. തലച്ചോറിലേക്കുള്ള രക്തയോട്ടം മെച്ചപ്പെടുത്താൻ ഏറ്റവും മികച്ച പോംവഴിയാണ് ഒരു നല്ല ഹെഡ് മസാജ്.
2. ഓർമ്മശക്തി വർദ്ധിപ്പിക്കാൻ
ഒരു നല്ല ഹെഡ് മസാജ്ജിങ്ങ് നിങ്ങളുടെ ഏകാഗ്രത നില മെച്ചപ്പെടുത്താൻ സഹായിക്കും. നാഡീ വ്യവസ്ഥയിലേക്കുള്ള രക്തയോട്ടം വർദ്ധിപ്പിക്കുന്നതിലൂടെ ഇത് നിങ്ങളുടെ ഏകാഗ്രതയും ഓർമ്മ ശക്തിയും വർദ്ധിപ്പിക്കും.
3. രക്തസമ്മർദ്ദത്തെ താഴ്ന്ന നിലയിലാക്കാൻ
ഉയർന്ന രക്തസമ്മർദ്ദം അഥവാ രക്താതിമർദ്ദം പല ഗുരുതരമായ പല രോഗങ്ങൾക്കും കാരണമാകാറുണ്ട്. നിങ്ങളുടെ തല മസാജ് ചെയ്തു കൊണ്ട് സമ്മർദ്ദ സാഹചര്യങ്ങൾ കുറയ്ക്കാനും ശരീരത്തെ പുനരുജ്ജീവിപ്പിക്കാനും സാധിക്കും. ഗവേഷണ പഠനങ്ങളനുസരിച്ച്, പതിവായി തല മസാജ് ചെയ്യുന്നത് നിങ്ങളുടെ സ്ട്രെസ് ഹോർമോൺ അളവ് കുറയ്ക്കുകയും രക്തസമ്മർദ്ദത്തിന്റെ അളവ് സാധാരണ നിലയിലാക്കുകയും അതുവഴി ഹൃദയാഘാതം, സ്ട്രോക്ക് പോലുള്ള പ്രശ്നങ്ങളുടെ സാധ്യത കുറയ്ക്കുകയും ചെയ്യുന്നു.
4. സമ്മർദ്ദ സാഹചര്യങ്ങളെ കൈകാര്യം ചെയ്യാൻ
സമ്മർദ്ദം അഥവാ ഉൽക്കണ്ഠകൾ ഏതൊരാൾക്കും ഒഴിവാക്കാനാവാത്ത ഒന്നാണ്. നമ്മുടെ ശരീരത്തിൽ ദഹന പ്രശ്നങ്ങൾ, ഉറക്കമില്ലായ്മ മുതലായ ആരോഗ്യപ്രശ്നങ്ങൾ ഉണ്ടാക്കുന്നതിന് പോലും ഇത്തരം സമ്മർദ്ദങ്ങൾ കാരണമാകും. തല മസാജ് ചെയ്യുന്നത് വഴി ഇത് മികച്ച രീതിയിൽ സമ്മർദ്ദത്തെ കുറയ്ക്കാൻ സഹായിക്കുമെന്ന് കണ്ടെത്തിയിട്ടുണ്ട്. മെച്ചപ്പെട്ട രക്തചംക്രമണ പ്രക്രിയ ശാന്തമായ മാനസ്സികസ്ഥ കൈവശപ്പെടുത്തുന്നതിനുള്ള ആദ്യ പടിയാണ്. തല മസാജിംഗ് നിങ്ങളുടെ ഉന്മേഷനില മെച്ചപ്പെടുത്തുന്നതിനും വേദന കുറയ്ക്കുന്നതിനും മൊത്തത്തിലുള്ള ശാരീരികവും മാനസികവുമായ ആരോഗ്യം മെച്ചപ്പെടുത്തുന്നതിനും സഹായിക്കുന്നു.
5. രക്തചംക്രമണം മെച്ചപ്പെടുത്താൻ
തലയ്ക്ക് ചുറ്റും അനുചിതമായതോ അല്ലെങ്കിൽ തെറ്റായതോ ആയ രക്തചംക്രമണം വേദനയ്ക്കും ക്ഷീണത്തിനുമെല്ലാം കാരണമായി മാറിയേക്കാം. രക്തത്തിന്റെ ശരിയായ ഒഴുക്കിന് സഹായിക്കുന്ന മസാജിംങ്ങ് ടെക്നിക്കുകൾ പിന്തുടർന്നാൽ തളർച്ചയുടെയും വേദനയുടെയും ലക്ഷണങ്ങളെ മികച്ച രീതിയിൽ കുറയ്ക്കുന്നത് എളുപ്പമാക്കാനാവും. മെച്ചപ്പെട്ട രക്തചംക്രമണം ഉണ്ടാക്കുക എന്നാൽ ശരീരത്തിൽ ലാക്റ്റിക് ആസിഡ് വർദ്ധിക്കുന്നത് തടഞ്ഞുകൊണ്ട് മികച്ച ഓക്സിജൻ പ്രചരണം നടക്കാൻ സഹായിക്കുന്നു എന്നാണ്.
6. മുടി വളർച്ചയെ പ്രോത്സാഹിപ്പിക്കാൻ
അനാരോഗ്യകരമായ ഭക്ഷണ ശീലവും മലിനീകരണവും നിങ്ങളുടെ തലമുടിയിൽ കേടുപാടുകൾ സൃഷ്ടിച്ചേക്കാം. അതിനാൽ തന്നെ നിങ്ങൾക്ക് ഇടയ്ക്കിടെ തല മസാജ് ചെയ്യേണ്ടത് അത്യാവശ്യമാണ്. ഓരോ തവണയും നിങ്ങൾ തല മസാജ് ചെയ്യുമ്പോൾ, വേരുകളിലേക്കുള്ള രക്തചംക്രമണം മെച്ചപ്പെടുകയും ഇതുവഴി പോഷകങ്ങൾ നന്നായി ആഗിരണം ചെയ്യപ്പെടുകയും ചെയ്യുന്നു. മുടിയുടെ വളർച്ച കൂടുതൽ മെച്ചപ്പെട്ട രീതിയിലായി മാറുകയും ചെയ്യുന്നു. തലയോട്ടിയിൽ വരൾച്ച, താരൻ, എന്നിവ തടയാനും ഏറ്റവും നല്ല പോംവഴിയാണിത്.
7. ഉറക്കമില്ലായ്മ പരിഹരിക്കാൻ
ഉത്കണ്ഠയും മാനസിക സമ്മർദ്ദവുമെല്ലാം ശാരീരിക അസ്വാസ്ഥ്യങ്ങൾക്കും ഉറക്കമില്ലായ്മയ്ക്കുമെല്ലാം കാരണമാകാറുണ്ട്. നമ്മൾ പലപ്പോഴും ഈ ലക്ഷണങ്ങളെ അവഗണിക്കാറാണ് പതിവ്. ഇത് സ്ഥിതിഗതികളെ കൂടുതൽ വഷളാക്കിയേക്കാം. ഇത്തരം സാഹചര്യങ്ങളിൽ ഒരു ഹെഡ് മസാജ് ശീലമാക്കുന്നത് വഴി പെട്ടെന്ന് ഉറക്കം കൈവരാനും ഉറക്ക സമയം നന്നായി പൂർത്തീകരിക്കാനും സഹായിക്കും. ഏറ്റവും നല്ല രീതിയിൽ ഉറക്കം ലഭിക്കാനുള്ള മികച്ച പോംവഴികളിൽ ഒന്നായി വിദഗ്ധർ ഇതിനെ ശുപാർശ ചെയ്യുന്നു.
Also read: ഈ ചോക്ലേറ്റ് നിങ്ങൾ കരുതുന്നത് പോലെ അപകടകാരി അല്ല
8. തലമുടിയിലെ കേടുപാടുകൾ പരിഹരിക്കാൻ
അശ്രദ്ധയോടെ പരിപാലിക്കുന്ന തലമുടി കേടുപാടുകൾക്ക് വിധേയമാക്കാനും പൊട്ടിപ്പോകാനുമുള്ള സാധ്യതയുണ്ട്. കൂടാതെ ഹെയർ സ്റ്റൈലിംഗ് ഉൽപ്പന്നങ്ങൾ, സൂര്യതാപം, പൊടി, മലിനീകരണം എന്നിവയുടെ നിരന്തരമായ എക്സ്പോഷർ വഴി നിങ്ങളുടെ തലയോട്ടിയിലും മുടിയിലും കേടുപാടുകൾ സംഭവിക്കാനും സാധ്യതയുണ്ട്. നിങ്ങളുടെ തലയോട്ടി അവശ്യ എണ്ണകൾ ഉപയോഗിച്ച് മസാജ് ചെയ്യുന്നതിലൂടെ ഇത്തരം പ്രശ്നങ്ങളെ തടയാൻ സാധിക്കും. മികച്ച ഹെയർ മസാജ് ചെയ്യുന്നത് വഴി ദോഷഫലങ്ങളെ ചെറുത്തു നിർത്തിക്കൊണ്ട് മുടിയുടെ ആരോഗ്യം മെച്ചപ്പെടുത്താൻ സാധിക്കും.
Also read: കാര്യമൊക്കെ ശരി, ഈ വസ്തുക്കൾ ഒരു കാരണവശാലും മുഖത്ത് പ്രയോഗിക്കരുത്
നിങ്ങളുടെ മുടി മസാജ് ചെയ്യുന്നതിനുള്ള എണ്ണകൾ
1. ഒലിവ് ഓയിൽ: ഒലിവ് ഓയിൽ നിങ്ങളുടെ തലമുടിക്കും തലയോട്ടിക്കുമെല്ലാം ഏറ്റവും മികച്ചതാണ്. ഈ എണ്ണ ഉപയോഗിച്ച് തലയിൽ മസാജ് ചെയ്യുന്നത് നിങ്ങളുടെ തലയോട്ടിയിലേക്കുള്ള രക്തചംക്രമണം വർദ്ധിപ്പിക്കുകയും തലയോട്ടിയിൽ ബാക്ടീരിയ അല്ലെങ്കിൽ മറ്റ് അണുബാധകൾ കടന്നു കൂടുന്നതിനെ ചെറുക്കുകയും ചെയ്യുന്നു .
2. ആർഗൻ ഓയിൽ: തെക്കുപടിഞ്ഞാറൻ മേഖലയിലെ മൊറോക്കോ അൾജീരിയ തുടങ്ങിയ രാജ്യങ്ങളിൽ കണ്ടുവരുന്ന ഒരു പുഷ്പ സസ്യമാണ് ആർഗൻ. ഇതിൽ നിന്നും വേർതിരിച്ചെടുക്കുന്ന ഈ അത്ഭുതകരമായ എണ്ണയിൽ ഒമേഗ -3 ഫാറ്റി ആസിഡുകൾ, ഒമേഗ -9 ഫാറ്റി ആസിഡുകൾ, വിറ്റാമിൻ ഇ, ആന്റിഓക്സിഡന്റുകൾ എന്നിവ അടങ്ങിയിട്ടുണ്ട്. ഈ സവിശേഷതകളെല്ലാം നിങ്ങളുടെ തലമുടിയെ തിളക്കമുള്ളതും കൂടുതൽ ആരോഗ്യമുള്ളതുമാക്കി നിലനിർത്തുന്നു. മങ്ങിയതും വരണ്ടതുമായ മുടിക്ക് ഏറ്റവും നല്ല പ്രതിവിധിയാണ് അർഗൻ ഓയിൽ.
3. വെളിച്ചെണ്ണ: തലയിൽ മസാജ് ചെയ്യുന്നതിനായി പ്രകൃതി തന്നെ കനിഞ്ഞു നൽകിയിട്ടുള്ള ഏറ്റവും നല്ല ഔഷധമാണ് വെളിച്ചെണ്ണ. ഇതിൽ ഉയർന്ന അളവിൽ വിറ്റാമിൻ ഇ യും മറ്റ് അവശ്യ പോഷകങ്ങളും അടങ്ങിയിട്ടുണ്ട്. ഈ എണ്ണ ഉപയോഗിച്ച് തലയിൽ മസാജ് ചെയ്യുന്നത് വഴി അണുബാധ, ചൊറിച്ചിൽ, താരൻ എന്നിവയ്ക്കെതിരെ പോരാടാൻ സഹായിക്കുന്നു.
4. റോസ്മേരി ഓയിൽ: ഇരുമ്പ്, കാൽസ്യം, വിറ്റാമിൻ ബി എന്നിവയാൽ സമ്പന്നമാണ് റോസ്മേരി ഓയിൽ. മുടിയുടെ കട്ടി കുറയുന്നത് തടയാനുള്ള ഏറ്റവും നല്ല പ്രതിവിധിയാണിത്. മസാജ് ചെയ്യാനായി ഈ ആവശ്യ എണ്ണ തിരഞ്ഞെടുക്കുമ്പോൾ ഒലിവ് ഓയിൽ പോലുള്ള ഏതെങ്കിലും കാരിയർ ഓയിലുമായി മിക്സ് ചെയ്യാൻ മറന്നു പോകരുത്.
Also read:പഞ്ചസാരയ്ക്ക് ബദൽ ഇനി മുതൽ ശർക്കര!
ഹെഡ് മസ്സാജ് ചെയ്യേണ്ട വിധം
☛ ഒരു പാത്രത്തിൽ വെള്ളം തിളപ്പിച്ച് മറ്റൊരു ചെറിയ പാത്രത്തിൽ ആവശ്യമായ എണ്ണയെടുത്ത് ചൂടുവെള്ളത്തിന് മുകളിലായി പാത്രം ഈ വയ്ക്കുക.
☛ ഒരു ചീപ്പ് ഉപയോഗിച്ച് മുടിയുടെ ഭാഗങ്ങൾ വകഞ്ഞു വയ്ക്കുക.
☛ നിങ്ങളുടെ വിരൽത്തുമ്പുകൾ ഈ എണ്ണയിൽ മുക്കി തലയോട്ടിയിൽ വൃത്താകൃതിയിൽ ചലിപ്പിക്കുക.
☛ മസാജിങ്ങ് മന്ദഗതിയിലും മൃദുലമായുമാണ് ചെയ്യണമെന്ന് ഉറപ്പുവരുത്തുക. ശക്തിയേറിയതും കഠിനമായതുമായ രീതിയിൽ കൈകൾ ചലിപ്പിച്ചുകൊണ്ട് മസാജ് ചെയ്യുന്നത് വഴി മുടിയിഴകൾക്ക് കേടുപാടുകൾ സംഭവിച്ചേക്കാം.
☛ നിങ്ങളുടെ തലയോട്ടിയുടെ എല്ലാ ഭാഗങ്ങളിലും പിൻകഴുത്തിലും ചെവിയുടെ ഭാഗങ്ങളിലുമെല്ലാം ചെറിയ അളവിൽ എണ്ണ പ്രയോഗിക്കുക.
☛ നിങ്ങളുടെ മുടിയിലും തലയോട്ടിയിലും കുറഞ്ഞത് അര മണിക്കൂർ മുതൽ ഒരു മണിക്കൂർ വരേയ്ക്കും എണ്ണ കാത്തു സൂക്ഷിക്കാം. ആരോഗ്യപ്രശ്നങ്ങൾ ഒന്നുമില്ലെങ്കിൽ, നിങ്ങൾക്ക് ഒരു രാത്രി മുഴുവൻ എണ്ണ തലയിൽ സൂക്ഷിക്കാം.
☛ അടുത്ത ദിവസം രാവിലെ, മൃദുവായ ഏതെങ്കിലും ഷാംപൂ ഉപയോഗിച്ച് മുടി കഴുകി വൃത്തിയാക്കാം.