കൂന്തൾ കഴിച്ച അറുപതുകാരിയുടെ വായിൽ ജീവനുള്ള ബീജം!

വേവാത്ത കൂന്തൾ (കണവ) കഴിച്ച അറുപതുകാരിയുടെ വായിൽ കണ്ടെത്തിയത് ജീവനുള്ള ബീജം. നാവിൽ തടിപ്പ് കണ്ടതിനെ തുടർന്ന് പരിശോധന നടത്തിയപ്പോളാണ് ഡോക്ടർമാർ പോലും ഞെട്ടിയത്. ദക്ഷിണ കൊറിയയിലാണ് സംഭവമുണ്ടായത്.

കൂന്തൾ കഴിച്ച ശേഷം വായിൽ അസ്വസ്ഥതയും വേദനയും ഉണ്ടായതിനെ തുടർന്നാണ് അറുപതുകാരി ഡോക്ടറെ സമീപിച്ചത്. ഇവരുടെ വായിൽ പന്ത്രണ്ടിടത്ത് തടിപ്പ് കണ്ടെത്തി. പിന്നീട് നടന്ന പരിശോധനയിലാണ് നന്നായി വേവിക്കാതെ കഴിച്ച കൂന്തളാണ് വില്ലനായതെന്ന് മനസ്സിലായത്.

അന്തർദ്ദേശീയ മെഡിക്കൽ ജേർണലിലാണ് സംഭവം റിപ്പോർട്ട് ചെയ്തിരിക്കുന്നത്. കൂന്തൾ നന്നായി വേവിച്ചില്ലെങ്കിൽ ഇത്തരത്തിലുള്ള അപകടത്തിന് സാധ്യതയുണ്ടെന്നാണ് റിപ്പോർട്ട്.