Add These Natural Foods In Your Daily Diet For An Easy And Safe Weight Gain
Weight Gain Foods: വണ്ണം കൂട്ടണോ? ഒന്നും നോക്കണ്ട ഈ ഭക്ഷണങ്ങൾ കഴിച്ചോളൂ
വണ്ണം കൂട്ടാനായി കഷ്ടപ്പെടുന്നവർ വീട്ടിൽ വളരെ സുലഭമായി ലഭിക്കുന്ന ഈ ഭക്ഷണങ്ങൾ ദിവസവും ഭക്ഷണക്രമത്തിൽ ഉൾപ്പെടുത്തണം.
Authored byറ്റീന മാത്യു | Samayam Malayalam21 Jan 2023, 5:30 pm
അമിതവണ്ണം കുറയ്ക്കാൻ ശ്രമിക്കുന്നത് പോലെ തന്നെ വണ്ണം കൂട്ടാനും ഏറെ പ്രയാസമാണ്. ശരീരഭാരം (weight) കൂടുന്നത് പോലെ തന്നെ കുറയുന്നതും പ്രശ്നമാണ്. പൊക്കത്തിന് അനുസരിച്ചുള്ള വണ്ണം ഇല്ലെങ്കിൽ അത് പലവിധത്തിലുള്ള ആരോഗ്യ പ്രശ്നങ്ങൾക്കും കാരണമായേക്കാം. ശരീരഭാരം കുറയുന്നത് പ്രതിരോധ ശേഷി (immunity power) കുറഞ്ഞ് പോകാൻ കാരണമാകാറുണ്ട്. അമിതമായ വണ്ണം (over weight) അല്ലാതെ ശരീരത്തിന് ആവശ്യമായ വണ്ണം നിലനിർത്തേണ്ടത് വളരെ പ്രധാനമാണ്. ജിമ്മിൽ പോയി പ്രോട്ടീൻ പൗഡർ കഴിച്ച് വണ്ണം കൂട്ടുന്നവരുണ്ട്. ജിമ്മിൽ പോയി വ്യായാമം ചെയ്യുന്നതിനൊപ്പം വീട്ടിൽ ലഭിക്കുന്ന ചില സ്വാഭാവിക ഭക്ഷണങ്ങൾ കഴിക്കുന്നതും ഏറെ ഗുണം ചെയ്യും. ആ ഭക്ഷണങ്ങൾ ഏതൊക്കെയാണെന്ന് നോക്കാം.
കലോറി അടങ്ങിയ ഭക്ഷണങ്ങൾ
കുറഞ്ഞ കലോറി ഭക്ഷണങ്ങൾ ശരീരഭാരം കുറയ്ക്കാൻ നല്ലതാണ്. അതുപോലെ കലോറി കൂടുതലുള്ള ഭക്ഷണങ്ങൾ കഴിക്കുന്നത് ശരീരഭാരം കൂട്ടുന്നവർക്ക് വളരെ നല്ലതാണ്. എല്ലാ ദിവസവും ശരിയായ ഭക്ഷണവും ലഘുഭക്ഷണവും കഴിക്കുന്നതിനു പുറമേ, പ്രതിദിനം 500 കലോറിയിൽ കൂടുതൽ കഴിക്കുന്നത് ശരീരഭാരം വർദ്ധിപ്പിക്കും. ഉദാഹരണത്തിന്, ഉയർന്ന പ്രോട്ടീൻ പാനീയങ്ങൾ, ബ്രെഡ് ബട്ടർ, അല്ലെങ്കിൽ പീനട്ട് ബട്ടർ എന്നിവ കഴിക്കുന്നത്, ഭക്ഷണത്തോടൊപ്പം ദിവസവും മുട്ട കഴിക്കുന്നതും ശരീരഭാരം വർദ്ധിപ്പിക്കും.
പ്രോട്ടീൻ സമ്പന്നമായ ഭക്ഷണങ്ങൾ
കൂടുതൽ പ്രോട്ടീൻ അടങ്ങിയ ഭക്ഷണങ്ങൾ കഴിക്കുക. ഉദാഹരണത്തിന്, നിങ്ങളുടെ ദൈനംദിന ഭക്ഷണത്തിൽ പാൽ ഉൽപന്നങ്ങൾ, നെയ്യ്, ഒരു ദിവസം ഒരു മുട്ട, മുഴുവൻ ധാന്യങ്ങൾ, പയർവർഗ്ഗങ്ങൾ, റെഡ് മീറ്റ്, കൊഴുപ്പുള്ള മത്സ്യം മുതലായവ ഉൾപ്പെടുത്തുക.
ഡ്രൈ ഫ്രൂട്ട്സ്
ഡ്രൈ ഫ്രൂട്ട്സ് ആരോഗ്യത്തിന് എത്രമാത്രം നല്ലതാണെന്ന് എല്ലാവർക്കുമറിയാം. അതുപോലെ ശരീരഭാരം കൂട്ടാൻ ആഗ്രഹിക്കുന്നവർ വൈകുന്നേരത്തെ ലഘുഭക്ഷണ സമയത്ത് പലതരം ഡ്രൈ ഫ്രൂട്ട്സ് കലർത്തി കഴിക്കുന്നത് ശീലമാക്കിയാൽ വളരെ നല്ലതാണ്. കാരണം ഇതിൽ ഉയർന്ന അളവിൽ കലോറി അടങ്ങിയിട്ടുണ്ട്. ഒരു അധ്യായം അനുസരിച്ച്, ഏകദേശം 100 ഗ്രാം ഉണങ്ങിയ പഴങ്ങളിൽ 462 കലോറി അടങ്ങിയിട്ടുണ്ട്.
ചിയ വിത്തുകൾ
ചിയ വിത്തുകൾക്ക് കറുപ്പ് നിറവും വലിപ്പം വളരെ ചെറുതുമാണ്. എന്നാൽ ആരോഗ്യത്തിന് വളരെ നല്ലതാണ്. ഉയർന്ന അളവിലുള്ള പോഷകങ്ങളും പ്രോട്ടീനും കലോറിയും അടങ്ങിയതിനാൽ ശരീരഭാരം വർദ്ധിപ്പിക്കാൻ ഇത് സഹായിക്കുന്നു.
ഒരു വാഴപ്പഴം കഴിക്കുക
വളരെ മെലിഞ്ഞിരിക്കുന്നവർ ഭക്ഷണത്തിൽ ഉറപ്പായും ഉൾപ്പെടുത്തേണ്ടതാണ് വാഴപ്പഴം. ദിവസവും ഒരു വാഴപ്പഴം കഴിക്കാൻ ശ്രമിക്കണം. ഇതിനുള്ള പ്രധാന കാരണം ഈ പഴത്തിൽ കലോറി കൂടുതലാണ്, അതിനാൽ വളരെ മെലിഞ്ഞവർ വാഴപ്പഴം കഴിക്കുന്നത് ശീലമാക്കിയാൽ വേഗത്തിൽ ഭാരം കൂട്ടാൻ സഹായിക്കും.
ന്യൂസ് ചാനലിൽ പ്രവർത്തനം ആരംഭിച്ച് വാർത്ത മേഖലയിൽ 5 വർഷത്തെ പ്രവൃത്തി പരിചയമുള്ള വ്യക്തിയാണ് ടീന അന്ന മാത്യു. ദീർഘനാളത്തെ പ്രവൃത്തി പരിചയത്തിലൂടെ വാർത്ത മേഖലയിൽ കൃത്യമായ കഴിവ് തെളിയിച്ച ടീന നിലവിൽ ലൈഫ്സ്റ്റൈൽ, വൈറൽ എന്നീ വിഭാഗങ്ങളിലാണ് എഴുതുന്നത്. കുറഞ്ഞ കാലം കൊണ്ട് ഈ വിഭാഗങ്ങളിൽ കഴിവ് തെളിയിച്ച ടീന, ഫാഷൻ, ഹെൽത്ത്, ബ്യൂട്ടി തുടങ്ങിയ മേഖലകളിൽ വൈവിധ്യങ്ങളായ വിഷയങ്ങൾ കൈകാര്യം ചെയ്യുന്നു. ജോലിയ്ക്ക് പുറമെ പാചകം ടീന ഏറെ ഇഷ്ടപ്പെടുന്നു. ചിത്രകലയും ടീനയ്ക്ക് ഏറെ ഇഷ്ടമുള്ള മേഖലയാണ്.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.