വായുമലിനീകരണം പ്രമേഹത്തിനു കാരണമാവുമെന്ന് പഠനങ്ങള്‍

ലോകത്ത് കോടിക്കണക്കിന് പ്രമേഹരോഗബാധിതരുണ്ട്. പ്രമേഹ രോഗത്തിന് ഒട്ടേറെ കാരണങ്ങളുണ്ടെങ്കിലും വായുമലിനീകരണവും പ്രമേഹത്തിന് കാരണമാകുമെന്നാണ് പുതിയ പഠനങ്ങള്‍ പറയുന്നത്. ലാന്‍സെറ്റ് പ്ലാനെറ്ററി ഹെല്‍ത്തിലാണ് പ്രമേഹത്തെകുറിച്ചുള്ള പുതിയ പഠനങ്ങള്‍ പ്രസിദ്ധീകരിച്ചത്.

വായുമലിനീകരണത്തിലൂടെ ശരീരത്തിലെ ഇന്‍സുലിന്റെ ഉല്‍പാദനം കുറയുമെന്നും ഗവേഷണത്തില്‍ കണ്ടെത്തിയിട്ടുണ്ട്. ഇന്‍സുലിന്‍ കുറയുന്നതിലൂടെ രക്തത്തിലെ പഞ്ചാസാരയുടെ അളവ് വര്‍ദ്ധിക്കുകയും പ്രമേഹത്തിന് കാരണമാവുകയും ചെയ്യുന്നു.

വായുമലിനീകരണത്തിന്‍റെ തോത് കുറയ്ക്കുന്നതിലൂടെ ലോകത്ത് പ്രമേഹരോഗികളുടെ എണ്ണവും കുറയ്ക്കാന്‍ സാധിക്കുമെന്നാണ് ഗവേഷകര്‍ പറയുന്നത്. 2016ല്‍ ലോകത്ത് 3.2 ദശലക്ഷം പേര്‍ക്കാണ് വായുമലിനീകരണത്തിലൂടെ പ്രമേഹം ബാധിച്ചിരിക്കുന്നതെന്നും പഠനം വ്യക്തമാക്കുന്നു