മഞ്ഞളിന്റെ അത്ഭുതഗുണങ്ങള്‍
നമുക്ക് അറിയാം മഞ്ഞളിന് നിരവധി ഔഷധഗുണങ്ങളുണ്ട്. നമ്മള്‍ രോഗപ്രതിരോധശേഷി കൂട്ടുവാന്‍ മുതല്‍ സൗന്ദര്യ സംരക്ഷണത്തിന് വരെ ഇന്ന് മഞ്ഞള്‍ ഉപയോഗിക്കുന്നുണ്ട്. ഇത് കൂടാതെ മഞ്ഞള്‍ രാവിലെതന്നെ ഉപയോഗിച്ചാല്‍ എന്തെല്ലാം ഗുണങ്ങളാണ് ഉണ്ടാകുന്നത് എന്ന് നോക്കാം.
1. മനസ്സിന് ഉണര്‍വ് നല്‍കുന്നു
രാവിലെതന്നെ പല കാരണങ്ങളാല്‍ ഒട്ടും ഉന്മേഷമില്ലാതെ എണീറ്റ് വരുന്നവരുണ്ട്. ചിലപ്പോള്‍ ഉറക്കം ശരിയാവത്തുകൊണ്ടും നല്ല സ്വപന്ങ്ങള്‍ കാണത്തതുമെല്ലാം ഒരാളുടെ ഉന്മേഷത്തിനെ അടിസ്ഥാനപ്പെടുത്തുന്നുണ്ട്. എന്നാല്‍, രാവിലെതന്നെ, കുറച്ച് ചെറുചൂടുവെള്ളത്തില്‍ കുറച്ച് മഞ്ഞള്‍പ്പൊടിയും ചേര്‍ത്ത് കലക്കി കുടിച്ചാല്‍ മനസ്സിനെ കൂടുതല്‍ ഷാര്‍പ്പാക്കി നിലനിര്‍ത്തുവാന്‍ ഇത് സഹായിക്കുന്നുണ്ട്. മനസ്സിന് നല്ല ഉന്മേഷം പ്രദാനം ചെയ്യുന്നതിനും എല്ലാത്തിനും നല്ല ഊര്‍ജം ലഭിക്കുന്നതിനും ഇത്തരത്തില്‍ മഞ്ഞള്‍ വെള്ളം ഉപയോഗിക്കുന്നതിലൂടെ സഹായിക്കും.
2. രക്തശുദ്ധീകരണത്തിന് സഹായിക്കുന്നു
നമ്മളുടെ ചര്‍മ്മത്തില്‍ എന്തെങ്കിലും എന്തെങ്കിലും അലര്‍ജി, ചൊറിച്ചില്‍, പൊട്ടി ഒലിക്കല്‍, കുരുക്കള്‍ എന്നിവ വന്നാല്‍, ആയുര്‍വേദ വിധിപ്രാകരം ഇത് രക്തദൂഷ്യമാണ് എന്ന് പറയാറുണ്ട്. രക്തം വിഷമയമാകുമ്പോഴാണ് ഇത്തരത്തില്‍ ചര്‍മ്മപ്രശ്‌നങ്ങള്‍ നമുക്ക് ഉണ്ടാകുന്നത്. ഇത്തരം പ്രശ്‌നങ്ങള്‍ കുറയ്ക്കുവാനും രക്തം കൃത്യമായി ശുദ്ധീകരിക്കുന്നതിനും ഇത് സഹായിക്കുന്നുണ്ട്. കൂടാതെ, രക്തസംബന്ധമായ പ്രശ്‌നങ്ങള്‍ കുറയ്ക്കുന്നതിനും ഹൃദയാഘാതം കുറയ്ക്കുവാനും ഈ മഞ്ഞള്‍ വെള്ളം ശീലമാക്കുന്നതിലൂടെ ലഭിക്കുന്നുണ്ട്.
3. കരളിന്റെ ആരോഗ്യത്തിന്
കരള്‍ സ്വയം വൃത്തിയാക്കപ്പെടുന്ന ഒരു അവയവമാണ്. എന്നാല്‍, അമിതമായി കൊഴുപ്പും മറ്റും അടിഞ്ഞ് കൂടുന്നത് പലപ്പോഴും സ്വയം വൃത്തിയാക്കലുകളില്‍ നിന്നും കരളിനെ തടയാറുണ്ട്. എന്നാല്‍, ഈ പ്രശ്‌നത്തെ ലഘൂകരിച്ച് കരള്‍ വൃത്തിയാക്കി കരള്‍ രോഗങ്ങള്‍ തടയുവാന്‍ മഞ്ഞള്‍വെള്ളം വളരെയധികം സഹായിക്കുന്നുണ്ട്. മഞ്ഞളില്‍ ആളങ്ങിയിരിക്കുന്ന, ആരോഗ്യത്തിന് തീര്‍ത്തും ഗുണകരമായ ഘടകങ്ങളാണ് ഇത്തരത്തില്‍ കരള്‍ ശുദ്ധീകരണത്തിന് സഹായിക്കുന്നത്.
4. ചുളിവുകള്‍ തീര്‍ക്കുവാന്‍ സഹായിക്കുന്നു
രാവിലെ തേനും കുറച്ച് നാരങ്ങാ നീരും അതില്‍ മഞ്ഞള്‍പ്പൊടിയും ചേര്‍ത്ത് രാവിലെ വെറും വയറ്റില്‍ കഴിക്കുന്നതിലൂടെ നിരവധി ആരോഗ്യ ഗുണങ്ങളാണ് നിങ്ങള്‍ക്ക് സ്വന്തമാക്കുവാന്‍ സാധിക്കുക. പ്രത്യേകിച്ച് സൗന്ദര്യം നോക്കുന്നവര്‍ക്ക് ഇത് വളരെയധികം ഉപകാരപ്രദമാണ്.
പ്രായമാകും തോറും ചര്‍മ്മത്തില്‍ ഉണ്ടാകുന്ന ചുളിവുകള്‍ നീക്കം ചെയ്യുവാന്‍ ഈ ഒരു പൊടിക്കൈയുടെ അത്രയ്ക്കും ഫലപ്രദമായ മറ്റൊന്ന് ഉണ്ടോ എന്നതും സംശയമാണ്. ഇത് ശരീരത്തെ വിഷവിമുക്തമാക്കുന്നതിനും നമ്മളുടെ ചര്‍മ്മം പ്രയമാകാതെ സംരക്ഷിക്കുന്നതിനും വളരെയധികം സഹായിക്കുന്നു.
മഞ്ഞളിന് നമ്മളുടെ രോഗപ്രതിരോധശേഷി കൂട്ടുവാനുള്ള കഴിവുണ്ട്. അതിനാല്‍ തന്നെ, മഞ്ഞള്‍ ദിവസേന സേവിക്കുന്നതിലൂടെ ശരീരം അണുവിമുക്തമാക്കി, രോഗങ്ങളില്‍ നിന്നെല്ലാം തന്നെ സംരക്ഷണം നല്‍കുവാന്‍ ഇത് സഹായിക്കുന്നുണ്ട്. ചര്‍മ്മം നല്ല വൃത്തിയുള്ളതാക്കി, നല്ല കാന്തി നല്‍കുന്നതിനും സഹായിക്കുന്നുണ്ട്.
5. സന്ധിവേദന കുറയ്ക്കുന്നു
മഞ്ഞളില്‍ കര്‍ക്യുമിന്‍ അടങ്ങിയിരിക്കുന്നതിനാല്‍ ഇത് സന്ധികളില്‍ ഉണ്ടാകുന്ന വേദനയും അതുപോലെ, നീര് കുറയ്ക്കുന്നതിനും ഉത്തമ പരിഹാരമാണ്. ഇതിനായി രാവിലെ വെറും വയറ്റില്‍ മഞ്ഞള്‍പ്പൊടി ചെറു ചൂടുവെള്ളത്തില്‍ കലക്കി സേവിക്കാവുന്നതാണ്. ഇത് ദിവസേന ശീലമാക്കുന്നതിലൂടെ മാത്രമാണ് ഇത്തരം ഗുണങ്ങള്‍ നിങ്ങള്‍ക്ക് ലഭ്യമാവുക.
കൂടാതെ, ഇതില്‍ ആന്റി- കാന്‍സറസ് ഘടകങ്ങള്‍ അടങ്ങിയിരിക്കുന്നതിനാല്‍, ഇത് കാന്‍സര്‍ബാധിക്കാതെ സംരക്ഷിക്കുന്നതിനും കാന്‍സര്‍ ബാധിച്ച കോശങ്ങളെ പുതുജീവന്‍ നല്‍കി ആരോഗ്യം സംരക്ഷിക്കുന്നതിനും സഹായിക്കുന്നുണ്ട്.