ത്രിഫല
ത്രിഫല, അതായത് മൂന്ന് ഫലങ്ങള്‍ ചേര്‍ന്നുണ്ടാക്കുന്ന ചൂര്‍ണം ആയുര്‍വേദത്തില്‍ പ്രധാനമാണ്. ശരീരത്തിനും ചര്‍മത്തിനും മുടിയ്ക്കുമെല്ലാം ഗുണം നല്‍കുന്നവയാണ് ഇത്. ഇത് ദിവസവും കഴിയ്ക്കുന്നത് ഗുണം നല്‍കുന്നു. ദിവസവും ഇത് അല്‍പം വീതം തേനില്‍ ചാലിച്ച് കഴിയ്ക്കാം. വയര്‍ സംബന്ധമായ പ്രശ്‌നങ്ങള്‍ക്ക് ഇത് മോരില്‍ കലക്കി കഴിയ്ക്കാം.
താരനകറ്റാൻ പ്രകൃതിദത്ത മാർഗ്ഗങ്ങൾ
ആസ്പരാഗസ് അഥവാ ശതാവരി
ആസ്പരാഗസ് അഥവാ ശതാവരി ആയുര്‍വേദത്തില്‍ പ്രധാനമാണ്. ഇതിന്റെ കിഴങ്ങ് ഇടിച്ചു പിഴിഞ്ഞ് ഈ നീര് അല്‍പം പഞ്ചസാരയില്‍ ചേര്‍ത്ത് കഴിയ്ക്കാം. തഴുതാമയും ആയുര്‍വേദ ഗുണങ്ങള്‍ നല്‍കുന്ന ഒന്നാണ്. ഇതിന്റെ വേര് അരച്ച് പാലില്‍ കലക്കി പതിവായി കഴിയ്ക്കുന്നതും യുവത്വം നില നിര്‍ത്താന്‍ ആയുര്‍വേദം പറയുന്ന ഒരു വഴിയാണ്.
ഉഴുന്ന്
ഉഴുന്ന് ആയുര്‍വേദത്തില്‍ യൗവന ചികിത്സയ്ക്ക് പറയുന്ന പ്രധാനപ്പെട്ട വഴിയാണ്. ഉഴുന്ന് വേവിച്ച് ഇതില്‍ പഞ്ചസാര, നെയ്യ് എന്നിവ ചേര്‍ത്ത് കഴിയ്ക്കാം. ഇത് നെയ്യില്‍ വറുത്ത് പൊടിച്ച് പാലില്‍ ചേര്‍ത്ത് പഞ്ചസാരയും ചേര്‍ത്ത് രാത്രി ഉറങ്ങുന്നതിന് മുന്‍പ് കഴിയ്ക്കുന്നതും യുവത്വം നില നിര്‍ത്താന്‍ ഏറെ നല്ലതാണ്.
രസായന ചികിത്സ
രസായന ചികിത്സ ആയുര്‍വേദത്തില്‍ പറയുന്ന ഒന്നാണ്. ഇത് ചെറുപ്പം നില നിര്‍ത്താന്‍ ഏറെ നല്ലതാണ്. ഇതില്‍ പെടുന്ന ഒന്ന് നമുക്ക് ഉപയോഗിയ്ക്കാന്‍ എളുപ്പവുമാണ്. ച്യവനപ്രാശം കഴിയ്ക്കുന്നതാണ് ഇത്. ജരാനരകള്‍ ഒഴിവാക്കി യുവത്വം നില നിര്‍ത്താന്‍ ച്യവനപ്രാശം ഏറെ നല്ലതാണ്. യോഗ, മെഡിറ്റേഷന്‍ എന്നിവ, ചിട്ടയായ ജീവിതചര്യ എന്നിവയും ശരീരത്തിനും ഒപ്പം മനസിനും ചെറുപ്പം നില നിര്‍ത്താന്‍ സഹായിക്കുന്നു.