വെള്ളത്തിനൊപ്പം നെയ്യ്
ആയുര്‍വേദ പ്രകാരം വെറും വയറ്റില്‍ ഒരു ഗ്ലാസ് ചെറുചൂടുവെളളം ഏറെ നല്ലതാണ്. ആരോഗ്യ ഗുണങ്ങള്‍ നല്‍കുമെന്ന് മാത്രമല്ല, ഇത് തടി കുറയ്ക്കാന്‍ സഹായിക്കുന്ന ഒന്നു കൂടിയാണ്. ഇതിനൊപ്പം നെയ്യു കഴിയ്ക്കാം. അല്ലെങ്കില്‍ ചെറുചൂടുള്ള ചെറുനാരങ്ങാ വെള്ളം കുടിയ്ക്കാം. 200 എംഎല്‍ വെള്ളം വെറും വയറ്റില്‍ എന്നതാണ് കണക്ക്. ഇത് ശരീരത്തിലെ വേസ്റ്റും ഭക്ഷണവുമെല്ലാം താഴേയ്ക്കു നീക്കുന്നു. വെള്ളത്തിനൊപ്പം നെയ്യ് കഴിയ്ക്കുന്നത് ദഹനേന്ദ്രിയത്തെ സഹായിക്കും. നല്ല ശോധന നല്‍കും. ഇതെല്ലാം തന്നെ തടി കുറയ്ക്കാന്‍ സഹായിക്കും.
ഹെര്‍ബല്‍ ടീ
ചായ, കാപ്പി പലര്‍ക്കും വെറും വയറ്റില്‍ പതിവാണ്. ഇതു നിര്‍ബന്ധമെങ്കില്‍ ഹെര്‍ബല്‍ ടീ പരീക്ഷിയ്ക്കാം. 1 ടീസ്പൂൺ ജീരകം, 1 ടീസ്പൂൺ പെരുംജീരകം, 1 ടീസ്പൂൺ മല്ലി, 1 ഏലം, കുറച്ച് അയമോദകം എന്നിവ എടുക്കുക. ഇവയെല്ലാം 500 മില്ലി വെള്ളത്തിൽ തിളപ്പിക്കുക, വെള്ളം അതിന്റെ അളവിന്റെ പകുതി കുറയ്ക്കുന്നതുവരെ. ദഹനക്കേട് കുറയ്ക്കുന്നതിനും ശരീരഭാരം കുറയ്ക്കുന്നതിനും ഒഴിഞ്ഞ വയറ്റിൽ ഈ ചായ കുടിക്കുക. സാധാരണ ചായ, കാപ്പിയുണ്ടാക്കുന്ന ഗ്യാസ്, അസിഡിററി പ്രശ്‌നങ്ങള്‍ക്ക് ഇത് നല്ലൊരു പരിഹാരം കൂടിയാണ്.
മെറ്റബോളിസം ചായ
മെറ്റബോളിസം അഥവാ അപചയ പ്രക്രിയ ശക്തിപ്പെടുത്തുന്ന മെറ്റബോളിസം ചായ പരീക്ഷിയ്ക്കാം. കറുവപ്പട്ട, ഏലയ്ക്ക, ഗ്രാമ്പൂ, വറ്റല് ഇഞ്ചി, കുരുമുളക്, മഞ്ഞൾ, സ്റ്റാര്‍ മസാല എന്നിവ കൊണ്ടാണ്‌ മെറ്റബോളിസം അഥവാ അപചയ പ്രക്രിയ ശക്തിപ്പെടുത്തുന്ന മെറ്റബോളിസം ചായ തയ്യാറാക്കുന്നത്. മധുരം വേണമെങ്കില്‍ തേനോ തേങ്ങയില്‍ നിന്നുണ്ടാക്കുന്ന പഞ്ചസാരയോ ഉപയോഗിയ്ക്കാം. ശരീരത്തിലെ അപചയ പ്രക്രിയ ശക്തിപ്പെടുത്തുവാനും തടി കുറയ്ക്കാനും ഈ മെററബോളിസം ടീ സഹായിക്കും.
സെലറി
തടി കുറയ്ക്കാന്‍ വെറും വയറ്റില്‍പഴങ്ങളും വേവിച്ചതോ ആവി കയറ്റിയതോ ആയ പച്ചക്കറികൾ കഴിക്കാൻ ആയുർവേദം ശുപാർശ ചെയ്യുന്നു. പഴങ്ങൾ, പച്ചക്കറികൾ, പാൽ, തൈര് എന്നിവ കലർത്തുന്ന സ്മൂത്തികൾ പാടില്ല. ഇവ ശരീരത്തില്‍ ടോക്‌സിക് ഫലമാണ് നല്‍കുന്നത്. സെലറി ജ്യൂസ് ഒരു ഒരു നുള്ള് പിങ്ക് സാള്‍ട്ടും വെളിച്ചെണ്ണയും ചേർത്ത് കഴിക്കുക. ഇത് ശരീരത്തിലെ വീക്കം ഒഴിവാക്കാനും തടി കുറയ്ക്കാനും സഹായിക്കും.
ഹെര്‍ബല്‍ ചായ കുടിച്ച ശേഷം കയ്‌പോ അസിഡിക്കോ ആയ പഴങ്ങള്‍ കഴിയ്ക്കാന്‍ ആയുര്‍വേദം നിര്‍ദേശിയ്ക്കുന്നു. പച്ച ആപ്പിൾ, ചുവന്ന ആപ്പിൾ, ക്രാൻബെറി, ബ്ലൂബെറി, ചെറി, സ്ട്രോബെറി, ബ്ലാക്ക്‌ബെറി, പൈനാപ്പിൾ, നെല്ലിക്ക, പകുതി പഴുത്ത പഴം, മാതളനാരങ്ങ തുടങ്ങിയ പഴങ്ങൾ തിരഞ്ഞെടുക്കുക. ഈ പഴങ്ങൾ ശരീരത്തിലെ വെള്ളം കെട്ടി നിര്‍ത്തി വാട്ടര്‍ വെയ്റ്റ് വരുത്തുന്നത് തടയുന്നു. ചര്‍മത്തിലെ കോശങ്ങളെ ശക്തിപ്പെടുത്തുന്നു. കൊളാജന്‍ ഉല്‍പാദനത്തിന് സഹായിക്കുന്നു. തടി കുറയ്ക്കുന്നു.
തടി കുറയ്ക്കാന്‍
തടി കുറയ്ക്കാന്‍ ആയുര്‍വേദം നിര്‍ദേശിയ്ക്കുന്ന 5 അടിസ്ഥാന തത്വങ്ങളുണ്ട്. വിശക്കുമ്പോൾ മാത്രം കഴിക്കുക., സൂര്യന്റെ സിർകാഡിയൻ റിഥം പിന്തുടരുക, സൂര്യാസ്തമയത്തിനുശേഷം കഴിക്കരുത്. ദിവസവും ഇന്റര്‍മിറ്റന്റ് ഫാസ്റ്റിംഗ് പിന്തുടരുക. അതായത് 16 മണിക്കൂര്‍ നേരം ഫാസ്റ്റിംഗ്. ഇത് സൂര്യാസ്തമയത്തിന് ആരംഭിയ്ക്കുക. അടുത്ത ദിവസം സൂര്യോദയ ശേഷം 2 മണിക്കൂര്‍ കഴിഞ്ഞ് ഭക്ഷണം. അതായത് തലേന്നു വൈകീട്ട് അസ്തമയത്തിന് ബക്ഷണം കഴിച്ച് പിറ്റേന്ന് സൂര്യോദത്തിന് 2 മണിക്കൂര്‍ ശേഷം ഭക്ഷണം. 16 മണിക്കൂര്‍ ഉപവാസം എന്നു പറയാം. ഇത് തടി കുറയ്ക്കാന്‍ സഹായിക്കും.
ആദ്യം പഴങ്ങള്‍ കഴിച്ച ശേഷം മാത്രം വേവിച്ച ഭക്ഷണം കഴിയ്ക്കുക. വിശക്കുമ്പോള്‍ വയറു നിറച്ചു കഴിയ്ക്കാതെ 80 ശതമാനം മാത്രം കഴിയ്ക്കുക. എന്നാലേ ദഹന രസങ്ങള്‍ക്ക് ഭക്ഷണം ദഹിപ്പിയ്ക്കാന്‍ സ്ഥലം ലഭിയ്ക്കൂ. ചെറിയ അളവില്‍ കഴിയ്ക്കുക. കാരണം ദഹനേന്ദ്രിയത്തിന് മുഷ്ടിയുടെ വലിപ്പമേയുള്ളൂ. ഇതിനേക്കാള്‍ ഭക്ഷണം കഴിയ്ക്കുന്നത് ദഹനേന്ദ്രിയ പ്രശ്‌നങ്ങള്‍ക്കും തടി കൂട്ടാനുമെല്ലാം കാരണമാകും Also read: മുടി പെട്ടന്ന് വളരണോ? ചെയ്യാം ഈ 17 കാര്യങ്ങൾ