കുടവയര്‍ കുറയ്ക്കാന്‍ ഇക്കാര്യങ്ങള്‍ ശ്രദ്ധിക്കൂ

കുടവയര്‍ പലരേയും അലട്ടുന്ന ഒരു പ്രധാന പ്രശ്നമാണ്. സൗന്ദര്യ പ്രശ്‍നമായി പലരും കാണുന്നുണ്ടെങ്കിലും ഇതൊരു പ്രധാന ആരോഗ്യ പ്രശ്‍നം തന്നെയാണ്. വയറ്റില്‍ അമിതമായി അടിയുന്ന കൊഴുപ്പാണ് കുടവയര്‍ എന്ന ആരോഗ്യ പ്രശ്നത്തിന് കാരണമാകുന്നത്.

ഈ കുടവയറിനെ കുറയ്ക്കാന്‍ അത്ര എളുപ്പമൊന്നുമല്ല. നമ്മുടെ ദിനചര്യ തന്നെയാണ് ഇതിനു കാരണക്കാരന്‍. അമിതമായ ഭക്ഷണം, ഫാസ്റ്റ് ഫുഡിന്‍റെ ഉപയോഗം, സമികൃത ആഹാരത്തിന്‍റെ ഇല്ലായ്മ തുടങ്ങിയവയാണ് കുടവയറിന്‍റെ പ്രധാന കാരണക്കാര്‍. ഒന്നു ശ്രമിച്ചാന്‍ വളരെ വേഗത്തില്‍ തന്നെ നമുക്ക് ഇതിനെ ഇല്ലാതാക്കാന്‍ സാധിക്കും.

ധാരാളം വെള്ളം കുടിക്കൂ

കൊഴുപ്പ് നീക്കാനുള്ള ഏറ്റവും എളുപ്പമായ വഴിയാണ് ധാരാളം വെള്ളം കുടിക്കുകയെന്നത്. ശരീരത്തിലുള്ള മറ്റു വിഷ പദാര്‍ത്ഥങ്ങളെയും നീക്കം ചെയ്യാന്‍ വെള്ളം സഹായിക്കും.

നാരുകളുള്ള ഭക്ഷണം ശീലമാക്കൂ

ദഹനം എളുപ്പമാക്കാന്‍ സഹായിക്കുന്നവയാണ് നാരുകളുള്ള ഭക്ഷണ പദാര്‍ത്ഥങ്ങള്‍. കൊഴുപ്പിനെ വലിച്ചിടുക്കാന്‍ സഹായിക്കുന്നവയാണ് നാരുകള്‍ അടങ്ങിയിട്ടുള്ള ഭക്ഷണങ്ങള്‍. വാഴച്ചുണ്ട്, ബീന്‍സ്, പഴവര്‍ഗങ്ങള്‍, ക്യാരറ്റ് തുടങ്ങിയ ഭക്ഷണത്തില്‍ ഉള്‍പ്പെടുത്താല്‍ ശ്രദ്ധിക്കൂ.

പ്രോട്ടീന്‍ അടങ്ങിയ ഭക്ഷണം ശീലമാക്കൂ

ഭക്ഷണ ക്രമത്തില്‍ കൂടുതല്‍ അടങ്ങിയ ആഹാരങ്ങള്‍ ശീലമാക്കാന്‍ ശ്രദ്ധിക്കൂ. ഇത് വയര്‍ കുറയ്ക്കാനും തടി കുറയ്ക്കാനും ശരീരത്തെ സഹായിക്കുന്ന പ്രാധാനപ്പെട്ടൊരു വഴിയാണ്. മുട്ട, മത്സ്യം, പാല്‍, സോയ, ബീന്‍സ്, തുടങ്ങിയവയിലെല്ലാം അമിതമായി പ്രോട്ടീന്‍ അടങ്ങിയിട്ടുണ്ട്.

നല്ല ഉറക്കം

കൊഴുപ്പിനെ നീക്കാനുള്ള പ്രധാനപ്പെട്ട വഴികളിലൊന്നാണ് നല്ല ഉറക്കം. ഉറക്കമില്ലായ്മ അപചയ പ്രക്രിയ, ദഹന പ്രക്രിയ തുടങ്ങിയവയെ കുറയ്ക്കും. ഇവയെല്ലാം കൊഴുപ്പു കൂട്ടുന്ന ഘടകങ്ങളാണ്.


ഇവ കൂടാതെ വ്യായാമം, പാനിയങ്ങള്‍, മസാലകള്‍, ഇവയും കുടവയറ് കുറയ്ക്കാന്‍ സഹായിക്കുന്നു.
മധുര പലഹാരങ്ങള്‍ ഉപേക്ഷിക്കാന്‍ ശ്രദ്ധിക്കൂ.