ദിവസവും കാരറ്റ് ജ്യൂസ് കുടിച്ചാലുളള ഗുണങ്ങള്‍

കാരറ്റ് ജ്യൂസിന്‍റെ ആരോഗ്യ ഗുണങ്ങള്‍ ഏറെയാണ്. പല രോഗങ്ങളെയും പ്രതിരോധിക്കാന്‍ കഴിവുള്ള ഘടകങ്ങള്‍ കാരറ്റില്‍ അടങ്ങിയിട്ടുണ്ട്. പ്രോട്ടീൻ, കൊഴുപ്പ്, കാർബോ ഹൈഡ്രേറ്റ്, ഫൈബർ തുടങ്ങിയവയെല്ലാം കാരറ്റില്‍ സുലഭമാണ്. ദിവസേന കാരറ്റ് ജ്യൂസ് കുടിച്ചാല്‍ ഇൗ രോഗങ്ങളെ അകറ്റാമെന്നാണ് ആരോഗ്യ വിദഗ്ദര്‍ പറയുന്നത്

രക്താർബുദം

കാരറ്റ് ജ്യൂസ് രക്താർബുദ കോശങ്ങളെ ചുരുക്കാൻ സഹായിക്കുമെന്ന് പഠനത്തിൽ തെളിഞ്ഞിട്ടുണ്ട്.

ഉദരത്തിലെകാൻസർ

ആന്‍റി ഒാക്സിഡന്‍റ് ഘടകങ്ങളാൽ സമ്പന്നമാണ് കാരറ്റ് . കാരറ്റ് കഴിക്കുന്നത് ഉദരാശയ കാൻസറിനുള്ള സാധ്യത കുറക്കുന്നുവെന്നാണ് ഗവേഷകർ പറയുന്നത്.

സ്തനാർബുദം

കാരറ്റിലെ കരോറ്റനോയ്ഡ്സ് എന്ന ഘടകം സ്തനാർബുദ സാധ്യത കുറക്കുന്നു. സ്തനാർബുദ രോഗികളിൽ നടത്തിയ പഠനങ്ങളിലും ഇത് തെളിയിക്കപ്പെട്ടിട്ടുണ്ട്.

ശ്വാസംമുട്ടലും ആസ്തമയും

കാരറ്റ് ജ്യുസിൽ വിറ്റാമിൻ സിയുടെ അളവ് കൂടുതലാണ്. ഇത് ശ്വാസകോശ സംബന്ധമായ ശ്വാസംമുട്ടലിനും ആസ്തമക്കുമുള്ള സാധ്യത കുറക്കുന്നു.

ത്വക്ക് രോഗങ്ങള്‍ക്ക്

ത്വക്ക് രോഗങ്ങളെ പ്രതിരോധിക്കുന്നതിന് കാരറ്റ് ഉത്തമമാണ്. കാരറ്റിലെ വിറ്റമിന്‍ സി ചര്‍മ്മാരോഗ്യത്തിന് വളരെയധികം നല്ലതാണ്

രോഗ പ്രതിരോധ ശേഷി വര്‍ദ്ധിപ്പിക്കുന്നു

ദിവസവും കാരറ്റ് ജ്യൂസ് ഭക്ഷണത്തോടൊപ്പം ഉള്‍പ്പെടുത്തുന്നത് രോഗപ്രതിരോധ ശേഷി വര്‍ദ്ധിപ്പിക്കും