ഉണക്ക മുന്തിരിയിട്ട് തിളപ്പിച്ച വെള്ളം കുടിച്ചിട്ടുണ്ടോ?
ഉണക്ക മുന്തിരി രാത്രിയിൽ വെള്ളത്തിലിട്ട് വെച്ച് രാവിലെ വെറും വയറ്റിൽ അത് കുട്ടികൾക്ക് കുടിക്കാൻ കൊടുക്കാറുണ്ട്. വെറും വയറ്റിൽ തന്നെ ഇത്തരത്തിൽ ഉണക്ക മുന്തിരിയിട്ട് വെള്ളം കുടിക്കുന്നത് കൊണ്ട് ഒരുപാട് ആരോഗ്യ ഗുണങ്ങളാണുള്ളത്.
Samayam Malayalam 25 Nov 2019, 6:24 pm
ഒരുപാട് ആരോഗ്യ ഗുണങ്ങളുള്ള ഒന്നാണ് ഉണക്ക മുന്തിരി. അയൺ, പൊട്ടാസ്യം, കാത്സ്യം, ഫൈബർ, മഗ്നീഷ്യം തുടങ്ങിയ പല ഘടകങ്ങളുടെയും കലവറയാണ് ഉണക്ക മുന്തിരി എന്ന് വേണമെങ്കിൽ പറയാം. മാത്രമല്ല ഡ്രൈ ഫ്രൂട്ടുകളിൽ താരതമ്യേന വിലക്കുറവിൽ ലഭിക്കുന്ന ഒന്നാണ് ഉണക്ക മുന്തിരി. ഇത് മുതിർന്നവർക്കും കുട്ടികൾക്കും ഒരുപോലെ കഴിക്കാൻ പറ്റുന്ന ഒന്നാണെന്ന് പ്രത്യേകം പറയേണ്ടതില്ലാല്ലോ.
പല വീടുകളിലും ഉണക്ക മുന്തിരി രാത്രിയിൽ വെള്ളത്തിലിട്ട് വെച്ച് രാവിലെ വെറും വയറ്റിൽ അത് കുട്ടികൾക്ക് കുടിക്കാൻ കൊടുക്കാറുണ്ട്. വെറും വയറ്റിൽ തന്നെ ഇത്തരത്തിൽ ഉണക്ക മുന്തിരിയിട്ട് വെള്ളം കുടിക്കുന്നത് കൊണ്ട് ഒരുപാട് ആരോഗ്യ ഗുണങ്ങളാണ് ശരീരത്തിനുള്ളത്.
അയണിന്റെ നല്ലൊരു ഉറവിടമാണ് ഉണക്ക മുന്തിരിയിട്ട് തിളപ്പിച്ച വെള്ളം. അയേൺ സിറപ്പിന് പകരം വെക്കാവുന്ന ഒന്ന് കൂടിയാണ് ഇത്. ഇത്തരത്തിൽ ഉണക്ക മുന്തിരിയിട്ട് തിളപ്പിച്ച വെള്ളം അതിരാവിലെ കുടിക്കുന്നത് പ്രതിരോധ ശേഷി വർധിപ്പിക്കാൻ സഹായിക്കും. ഇതിൽ വിറ്റാമിനുകളും ധാതുക്കളും അടങ്ങിയിട്ടുള്ളത് കൊണ്ട് തന്നെ ബാക്ടീരിയ, വൈറൽ അണുബാധകൾ തുടങ്ങിയ ആരോഗ്യ പ്രശ്നങ്ങളിൽ നിന്നും ഇത് സഹായിക്കുന്നു. മാത്രമല്ല ഉണക്ക മുന്തിരിയിൽ അടങ്ങിയിരിക്കുന്ന മധുരം സ്വഭാവിക മധുരമാണ്. ഇത് ശരീരത്തിന് ദോഷം ചെയ്യില്ല എന്ന് മാത്രമല്ല ആരോഗ്യപരമായി ഒരുപാട് ഗുണമാണ് ചെയ്യുന്നത്.
എല്ലുകളുടെയും പല്ലുകളുടെയും ആരോഗ്യത്തിന്: എല്ലുകളുടെയും പല്ലുകളുടെയും ആരോഗ്യത്തിന് ഏറെ മികച്ച ഒരു പദാർത്ഥമാണ് ഉണക്ക മുന്തിരിയിട്ട വെള്ളം. ഇതിൽ അടങ്ങിയിട്ടുള്ള കാത്സ്യമാണ് എല്ലുകളുടെയും പല്ലുകളുടെയും ആരോഗ്യത്തിന് സഹായിക്കുന്നത്.
Also read: പെട്ടെന്ന് തടി വെക്കാൻ നിങ്ങൾക്ക് ആഗ്രഹമുണ്ടോ?
അലർജ്ജി ഇല്ലാതാക്കാൻ: അലർജ്ജി ഇല്ലാതാക്കാൻ ഏറെ സഹായകമായ ഒന്നാണ് ഉണക്ക മുന്തിരിയിട്ട വെള്ളം. അതിരാവിലെ വെറും വയറ്റിൽ ഈ വെള്ളം കുടിച്ചാൽ മതി. അലർജ്ജിയെ വളരെ പെട്ടെന്ന് തന്നെ അകറ്റാന സാധിക്കും. ഉണക്ക മുന്തിരി വെള്ളത്തിലിട്ട് ചതച്ച് രാവിലെ എടുത്ത് വെറും വയറ്റിൽ കഴിക്കാവുന്നതാണ്.
ഹീമോ ഗ്ലോബിൻ: ഹീമോ ഗ്ലോബിന്റെ കുറവുള്ളവർ ധൈര്യമായി കഴിക്കാൻ പറ്റുന്ന ഒന്നാണ് ഉണക്ക മുന്തിരിയിട്ട വെള്ളം രാവിലെ വെറും വയറ്റി കുടിക്കുന്നത്. അയൺ കൊണ്ട് സമ്പുഷ്ടമായ ഒന്നാണ് ഈ പദാർത്ഥം എന്നത് കൊണ്ട് തന്നെ ഇത് ആരോഗ്യ കാര്യത്തിൽ വളരെ ഏറെ സഹായിക്കുന്നു. ഇത് കുടിക്കുന്നത് വഴി രക്തോൽപാദനം വർദ്ധിപ്പിക്കുകയും ചെയ്യുന്നു. മാത്പമല്ല അനീമിയ പോലുള്ള അവസ്ഥയ്ക്ക് ഇത് ഒരു പ്രതിരോധ വഴി കൂടിയാണെന്ന് അറിഞ്ഞിരിക്കുക.
Also read: 'കോലുപോലെ ഇരിക്കുന്നു' എന്ന കളിയാക്കല് കേട്ട് മടുത്തോ? ദേ ഇതൊന്ന് പരീക്ഷിച്ച് നോക്കൂ!
കിഡ്നിയുടെ ആരോഗ്യത്തിന്: ഉണക്ക മുന്തിരിയിട്ട വെള്ളം കുടിക്കുന്നത് കൊണ്ട് കിഡ്നിയുടെ ആരോഗ്യം വർധിപ്പിക്കും. ഉണക്ക മുന്തിരിയിട്ട വെള്ളം വെറും വയറ്റിൽ കുടിക്കുന്നത് ടോക്സിനുകൾ ഒഴിവാക്കാൻ സഹായിക്കുന്നു. ഇത് മൂലം മൂത്രം നല്ല പോലെ പോകുന്നതിനും മൂത്ര നാളിയുമായി ബന്ധപ്പെട്ട ഇൻഫെക്ഷനുകൾക്കുള്ള ഒരു പരിഹാര മാർഗ്ഗമായി പ്രവർത്തിക്കകയും ചെയ്യുന്നു.
Also read: പാമ്പ് കടിയേറ്റ ഭാഗത്ത് തുണി കൊണ്ട് കെട്ടാമോ?: പാമ്പ് കടിയേറ്റാൽ അറിയേണ്ടതെല്ലാം!
കണ്ണിന്റെ ആരോഗ്യത്തിന്: ഉണക്ക മുന്തിരിയിട്ട വെള്ളം രാവിലെ എഴുന്നേറ്റ ഉടനെ വെറും വയറ്റിൽ കുടിക്കുന്നത് കണ്ണിന്റെ ആരോഗ്യത്തിന് ഏറെ ഗുണം ചെയ്യും. ഉണക്ക മുന്തിരിയിൽ വിറ്റാമിൻ എ, ആന്റി ഓക്സിഡന്റുകൾ, ബീറ്റാ കരോട്ടിനുകൾ തുടങ്ങിയവ ധാരാളം അടങ്ങിയിട്ടുണ്ട്. അത് കൊണ്ട് തന്നെ ഇത് രാവിലെ വെറും വയറ്റിൽ കുടിക്കുന്നത് കണ്ണിന്റെ ആരോഗ്യത്തിന് ഏറെ ഗുണം ചെയ്യും. എന്ന് മാത്രമല്ല കാഴ്ച ശക്തി വർധിപ്പിക്കാൻ വിറ്റാമിൻ എ ഏറെ പ്രധാനമാണ് എന്നത് കൊണ്ട് തന്നെ കാഴ്ചക്കുറവുള്ളവർക്കും ഉണക്ക മുന്തിരിയിട്ട വെള്ളം കുടിക്കുന്നത് നല്ലതാണ്.
എങ്ങനെയാണ് ഉണക്ക മുന്തിരി വെള്ളം ഉണ്ടാക്കേണ്ട വിധം എന്ന് നോക്കാം
2 കപ്പ് വെള്ളം തിളപ്പിക്കുക. ഇതിലേക്ക് 50 ഗ്രാം ഉണക്കമുന്തിരി ഇട്ട് വെക്കുക. രാത്രി മുഴുവൻ മുന്തിരി ഇത്തരത്തിൽ ഇട്ട് വെക്കാൻ ശ്രദ്ധിക്കണം. പിറ്റേന്ന് രാവിലെ ഈ വെള്ളം ഊറ്റിയെടുത്ത് ചെറുതായി ചൂടാക്കി വെറും വയറ്റിൽ കുടിയ്ക്കുക. ഇത് കുടിച്ച ശേഷം അര മണിക്കൂർ കഴിഞ്ഞ ശേഷം മാത്രമേ പ്രാതൽ കഴിക്കാൻ പാടുള്ളു. ഇനി അങ്ങനെയല്ലെങ്കിൽ രാത്രി ഒരു കപ്പ് വെള്ളത്തിൽ അൽപം ഉണക്ക മുന്തിരിയിട്ട് രാവിലെ ഇത് ചതച്ചിട്ട് വെള്ളവും മുന്തിരിയും ഒന്നിച്ച് കഴിക്കാവുന്നതാണ്.