കീറ്റോ ഡയറ്റിനെ കുറിച്ചുളള നിങ്ങളുടെ സംശയങ്ങളും അതിനുളള മറുപടിയും..!
ഇന്ന് ഏറെ ഉത്സാഹത്തോടു കൂടി പലരും എടുക്കുന്ന ഒരു ഡയറ്റാണ് കീറ്റോ ഡയറ്റ്.
എന്താണ് കീറ്റോ ഡയറ്റ്? എന്തിനാണ് നമ്മള് കീറ്റോ ഡയറ്റ് എടുക്കുന്നത്? സാധാരണ എല്ലാവര്ക്കും കീറ്റോ ഡയറ്റ് എടുക്കാമോ? എന്നാല് പലര്ക്കും ഇന്ന് കീറ്റോ ഡയറ്റിനെ കുറിച്ച് സംശയങ്ങള് ഏറെയാണ്. ഒപ്പം കീറ്റോ ഡയറ്റിൻ്റെ ദൂഷ്യഫലങ്ങളും ഇന്ന് ഏറെ ചര്ച്ചാ വിഷയമാണ്. അമിതമായ വണ്ണം കീറ്റോ ഡയറ്റിലൂടെ കുറയുമെന്നാണ് പറയുന്നത്. അത് ഒരു പരിധി വരെ ശരിയുമാണ്. കാര്ബോഹൈഡ്രേറ്റിൻ്റെ അളവ് ഗണ്യമായി കുറച്ചു കൊണ്ട് മിതമായ അളവില് പ്രോട്ടീനുകളും കൊഴുപ്പും അടങ്ങിയ ഭക്ഷണമാണ് കീറ്റോ ഡയറ്റില്. അതായത് 70-80% വരെ കൊഴുപ്പ്, 10-20% വരെ പ്രോട്ടീന്, 5-10% വരെ കാര്ബോഹൈഡ്രേറ്റ് എന്നിങ്ങനെ.
ആദ്യം കീറ്റോ ഡയറ്റിൻ്റെ പ്രവര്ത്തം എങ്ങനെയാണെന്നു നോക്കാം..
ശരീരത്തിനു ആവശ്യമുളള ഊര്ജ്ജം ലഭിക്കുന്നത് നമ്മള് കഴിക്കുന്ന അന്നജത്തില് അതായത് കാര്ബോഹൈഡ്രേറ്റില് നിന്നുമാണെന്ന് എല്ലാവര്ക്കും അറിയാമല്ലോ? നമ്മള് കഴിക്കുന്ന ചോറിലും ഗോതമ്പിലും മധുര പലഹാരങ്ങളിലും അന്നജം അടങ്ങിയിട്ടുണ്ട്. എന്നാല് മറ്റൊരു ഊര്ജ്ജദായകനായ ഭക്ഷണമാണ് കൊഴുപ്പ്. കാര്ബോഹൈഡ്രേറ്റിൻ്റെ അളവ് നന്നായി കുറച്ച് കൊഴുപ്പിൻ്റെ അളവ് കൂട്ടി മിതമായ അളവില് പ്രോട്ടീനും ലഭിച്ചാല് ശരീരം ഊര്ജ്ജം ഉത്പാദിക്കുന്നത് ഈ കൊഴുപ്പില് നിന്നുമാണ്. കാര്ബോഹൈഡ്രേറ്റ് ലഭിക്കാതെ വരുമ്പോള് ശരീരം കൊഴുപ്പിനെ ഇന്ധനമാക്കാന് നിര്ബന്ധിതമാകുന്നു. ആദ്യം കൊഴുപ്പിനെ അംമ്ലങ്ങളാക്കും തുടര്ന്ന് ഇവയെ കീറ്റോണുകളാക്കും (Ketones). ഇതോടെ ശരീരം കീറ്റോസിസ് എന്ന അവസ്ഥയിലേക്ക് മാറും. ഈ കീറ്റോണുകളെയാണ് ശരീരം ഊര്ജ്ജമാക്കി ഉപയോഗിക്കുന്നത്. അങ്ങനെ ശരീര ഭാരം കുറയുന്നു.
കീറ്റോ ഡയറ്റിനു പേരിനു പിന്നിലെ രഹസ്യം.....
സാധാരണ നമ്മള് കഴിക്കുന്ന ഭക്ഷണത്തില് നിന്നാണ് ഗ്ലൂക്കോസ് ഉണ്ടാകുന്നത്. അതാണ് കോശങ്ങള് അവയുടെ ആവശ്യങ്ങള്ക്ക് ഉപയോഗിക്കുന്നത്. തലച്ചോറിന് ഗ്ലൂക്കോസ് മാത്രമേ ഉപയോഗിക്കാന് സാധിക്കൂ. കീറ്റോ ഡയറ്റ് എടുക്കുന്നവര് കഴിക്കുന്ന അന്നജത്തിൻ്റെ അളവ് വളരെ കുറവ് ആയതിനാല് ആവശ്യത്തിന് ഗ്ലൂക്കോസ് ഉണ്ടാക്കാന് സാധിക്കില്ല. ഇത്തരക്കാരില് കൊഴുപ്പിനെ ഉപയോഗിച്ച് ശരീരം കീറ്റോണ് ബോഡികള് എന്ന ചെറിയ രാസവസ്തുക്കള് ഉണ്ടാക്കും. കരളിലാണ് ഈ പ്രവര്ത്തനം നടക്കുന്നത്. കീറ്റോ ഡയറ്റ് നോക്കുന്നവരില് കീറ്റോണ് ബോഡികളുടെ അളവ് കൂടുതല് ആയിരിക്കും. ഇതാണ് ഇങ്ങനെ ഒരു പേരു വരാന് കാരണം.
കീറ്റോ ഡയറ്റില് ഉള്പ്പെടുത്താവുന്ന ഭക്ഷണങ്ങള്..!
പ്രകൃതിദത്തമായ കൊഴുപ്പുകളും മിതമായ അളവില് മത്സവും കഴിക്കാം. വെണ്ണ, നെയ്യ്, വെളിച്ചെണ്ണ, ഒലിവോയില് ഇവയും കഴിക്കാം. ബീഫ്, മട്ടണ്, മീന്, മുട്ട, നാടന് കോഴി എന്നിവയും കഴിക്കാം.
കീറ്റോ ഡയറ്റില് ഒഴിവാക്കേണ്ട ഭക്ഷണങ്ങള്..!
ഓട്ട്സ്, അരി, ഗോതമ്പ് തുടങ്ങിയ ധാന്യങ്ങള്, കപ്പ, ഉരുളക്കിഴങ്ങ്, മധുരക്കിഴങ്ങ്, ബീറ്റ്റൂട്ട് തുടങ്ങിയ കിഴങ്ങു വര്ഗ്ഗങ്ങള്, മധുര പലഹാരങ്ങള്, പഞ്ചസാര എന്നിവ മുഴുവനായും ഒഴിവാക്കണം.
കീറ്റോ ഡയറ്റിലെ ഗുണങ്ങള്..!
കീറ്റോ ഡയറ്റിലൂടെ പ്രമേഹ രോഗം, കൊളസ്ട്രോള്, ഫാറ്റീ ലിവര്, അമിത വണ്ണം, അല്ഷിമേഴ്സ് രോഗം എന്നിവ കുറയാന് സാധ്യത ഏറെയാണ് എന്നാണ് തെളിഞ്ഞിരിക്കുന്നത്.
കീറ്റോ ഡയറ്റിലെ ദോഷങ്ങള്..!
കീറ്റോ ഡയറ്റില് ഏവരേയും ആകര്ഷിക്കുന്നത് ലോ കാര്ബ് എന്ന കണ്സപ്റ്റാണ്. അതാണ് നമ്മുടെ നല്ല ആരോഗ്യത്തിനു വേണ്ടതും. എന്നാല് ഈ ഡയറ്റില് അധിക ഫാറ്റ് എന്നുളളതാണ് പ്രശ്നം. ഫാറ്റ് കൂടിയ ഭക്ഷണങ്ങള് കഴിക്കുന്ന ആളുകളില് ഹൃദ്രോഹം സ്ട്രോക്ക് ക്യാന്സര് എന്നിവ കൂടാനുളള സാധ്യത ഏറെയാണ് എന്ന് മുന്പു തന്നെ തെളിയിക്കപ്പെട്ടിട്ടുളളതാണ്. അതിനാല് ഈ ഡയറ്റ് കൂടുതല് നീട്ടിക്കൊണ്ടു പോയാന് എന്ത് സംഭവിക്കുമെന്നു പറയേണ്ടതില്ലല്ലോ? അതിനോടൊപ്പം ഹൈ-പ്രോട്ടീനും ഈ ഡയറ്റില് കഴിക്കാറുണ്ട്, അങ്ങനെ പ്രോട്ടീന് ലോഡ് വളരെ കൂടുതലാകും ശരീരത്തില്. പ്രോട്ടീന് ലോഡ് കൂടുമ്പോള് കിഡ്ണിയുടെ പ്രശ്നം ബോര്ഡറില് നില്ക്കുന്ന രോഗികളുടെ ശരീരത്തിന് ക്രിയാറ്റിൻ്റെ അളവ് കൂടാനും അത് കിഡ്ണി തകരാറിലാക്കാനും സാധ്യതയുണ്ട്.
മറ്റൊരു വ്യത്യാസം കാണുന്നത് ചര്മ്മത്തിലാണ്. അതായത് ആൻ്റി ഓക്സിഡൻ്റുകള് അടങ്ങിയ ഭക്ഷണം ഒന്നും തന്നെ കീറ്റോ ഡയറ്റില് ഉള്പ്പെടുത്താത്തതിനാല് ചര്മ്മത്തില് ചുളിവുകള് കാണപ്പെടുന്നു. അങ്ങനെ അവര് മെലിഞ്ഞിരുന്നാല് കൂടിയും കൂടുതല് പ്രായം തോന്നിക്കുന്നു.
മറ്റൊരു ആരോഗ്യ പ്രശ്മാണ് കീറ്റോ ഡയറ്റ് എടുക്കുന്നവര്ക്ക് മലബന്ധം വരാറുണ്ടെന്നുളളത്. കാരണം അവര് കഴിക്കുന്ന ഭക്ഷണത്തില് നാരിൻ്റെ അംശം വളരെ കുറവാണ്. നാരുകള് അടങ്ങിയ ഭക്ഷണം കഴിക്കാത്തവരിലും അതു പോലെ മലബന്ധം തുടര്ച്ചയായി ഉള്ളവയിലും വന്കുടല് ആമാശയ ക്യാന്സര് വരാന് സാധ്യത ഏറെയാണെന്ന് നേരത്തെ തന്നെ പഠനങ്ങള് തെളിയിച്ചതാണ്.
അതു പോലെ ഹൃദ്രോഹത്തിൻ്റെയും നിരക്ക് വളരെ കൂടുതലാണ് കീറ്റോ ഡയറ്റ് എടുക്കുന്നവരില്. അതായത് കീറ്റോ ഡയറ്റില് അധികമായി അനിമല് പ്രോട്ടീനാണ് കഴിക്കുന്നത്. അനിമല് പ്രോട്ടീനില് ഇരുമ്പ് സത്ത് വളരെ കൂടുതലാണ്. ശരീരത്തില് ഇരുമ്പ് സത്ത് കൂടുന്നത് കോശങ്ങള്ക്ക് മുറിവ് ഉണ്ടാകുന്നു (Oxidative Stress). ഇങ്ങനെ കോശങ്ങള്ക്ക് മുറിവു സംഭവിക്കുമ്പോള് ഹാര്ട്ട് അറ്റാക്കിനും ക്യാന്സറിനും കാരണമാകുന്നു.
അതു പോലെ ഹോര്മോണുകളില് വ്യത്യാസങ്ങളും കീറ്റോ ഡയറ്റില് കാണുന്നുണ്ട്. അതായത് സിറട്ടോണിന് എന്ന ഹോര്മോണ് വ്യതിയാനത്തിലൂടെ മാനസിക പിരിമുറുക്കവും സംഭവിക്കുന്നതായി കാണുന്നു.
( തയ്യാറാക്കിയത്: ഡയറ്റീഷൻ ആശാ ശ്രീജിത്ത്, അശ്വേധ ന്യൂട്രി ഹെൽത്ത്, ബാംഗ്ലൂർ )
ഇന്ന് ഏറെ ഉത്സാഹത്തോടു കൂടി പലരും എടുക്കുന്ന ഒരു ഡയറ്റാണ് കീറ്റോ ഡയറ്റ്.
എന്താണ് കീറ്റോ ഡയറ്റ്? എന്തിനാണ് നമ്മള് കീറ്റോ ഡയറ്റ് എടുക്കുന്നത്? സാധാരണ എല്ലാവര്ക്കും കീറ്റോ ഡയറ്റ് എടുക്കാമോ? എന്നാല് പലര്ക്കും ഇന്ന് കീറ്റോ ഡയറ്റിനെ കുറിച്ച് സംശയങ്ങള് ഏറെയാണ്. ഒപ്പം കീറ്റോ ഡയറ്റിൻ്റെ ദൂഷ്യഫലങ്ങളും ഇന്ന് ഏറെ ചര്ച്ചാ വിഷയമാണ്.
ആദ്യം കീറ്റോ ഡയറ്റിൻ്റെ പ്രവര്ത്തം എങ്ങനെയാണെന്നു നോക്കാം..
ശരീരത്തിനു ആവശ്യമുളള ഊര്ജ്ജം ലഭിക്കുന്നത് നമ്മള് കഴിക്കുന്ന അന്നജത്തില് അതായത് കാര്ബോഹൈഡ്രേറ്റില് നിന്നുമാണെന്ന് എല്ലാവര്ക്കും അറിയാമല്ലോ? നമ്മള് കഴിക്കുന്ന ചോറിലും ഗോതമ്പിലും മധുര പലഹാരങ്ങളിലും അന്നജം അടങ്ങിയിട്ടുണ്ട്. എന്നാല് മറ്റൊരു ഊര്ജ്ജദായകനായ ഭക്ഷണമാണ് കൊഴുപ്പ്. കാര്ബോഹൈഡ്രേറ്റിൻ്റെ അളവ് നന്നായി കുറച്ച് കൊഴുപ്പിൻ്റെ അളവ് കൂട്ടി മിതമായ അളവില് പ്രോട്ടീനും ലഭിച്ചാല് ശരീരം ഊര്ജ്ജം ഉത്പാദിക്കുന്നത് ഈ കൊഴുപ്പില് നിന്നുമാണ്. കാര്ബോഹൈഡ്രേറ്റ് ലഭിക്കാതെ വരുമ്പോള് ശരീരം കൊഴുപ്പിനെ ഇന്ധനമാക്കാന് നിര്ബന്ധിതമാകുന്നു. ആദ്യം കൊഴുപ്പിനെ അംമ്ലങ്ങളാക്കും തുടര്ന്ന് ഇവയെ കീറ്റോണുകളാക്കും (Ketones). ഇതോടെ ശരീരം കീറ്റോസിസ് എന്ന അവസ്ഥയിലേക്ക് മാറും. ഈ കീറ്റോണുകളെയാണ് ശരീരം ഊര്ജ്ജമാക്കി ഉപയോഗിക്കുന്നത്. അങ്ങനെ ശരീര ഭാരം കുറയുന്നു.
കീറ്റോ ഡയറ്റിനു പേരിനു പിന്നിലെ രഹസ്യം.....
സാധാരണ നമ്മള് കഴിക്കുന്ന ഭക്ഷണത്തില് നിന്നാണ് ഗ്ലൂക്കോസ് ഉണ്ടാകുന്നത്. അതാണ് കോശങ്ങള് അവയുടെ ആവശ്യങ്ങള്ക്ക് ഉപയോഗിക്കുന്നത്. തലച്ചോറിന് ഗ്ലൂക്കോസ് മാത്രമേ ഉപയോഗിക്കാന് സാധിക്കൂ. കീറ്റോ ഡയറ്റ് എടുക്കുന്നവര് കഴിക്കുന്ന അന്നജത്തിൻ്റെ അളവ് വളരെ കുറവ് ആയതിനാല് ആവശ്യത്തിന് ഗ്ലൂക്കോസ് ഉണ്ടാക്കാന് സാധിക്കില്ല. ഇത്തരക്കാരില് കൊഴുപ്പിനെ ഉപയോഗിച്ച് ശരീരം കീറ്റോണ് ബോഡികള് എന്ന ചെറിയ രാസവസ്തുക്കള് ഉണ്ടാക്കും. കരളിലാണ് ഈ പ്രവര്ത്തനം നടക്കുന്നത്. കീറ്റോ ഡയറ്റ് നോക്കുന്നവരില് കീറ്റോണ് ബോഡികളുടെ അളവ് കൂടുതല് ആയിരിക്കും. ഇതാണ് ഇങ്ങനെ ഒരു പേരു വരാന് കാരണം.
കീറ്റോ ഡയറ്റില് ഉള്പ്പെടുത്താവുന്ന ഭക്ഷണങ്ങള്..!
പ്രകൃതിദത്തമായ കൊഴുപ്പുകളും മിതമായ അളവില് മത്സവും കഴിക്കാം. വെണ്ണ, നെയ്യ്, വെളിച്ചെണ്ണ, ഒലിവോയില് ഇവയും കഴിക്കാം. ബീഫ്, മട്ടണ്, മീന്, മുട്ട, നാടന് കോഴി എന്നിവയും കഴിക്കാം.
കീറ്റോ ഡയറ്റില് ഒഴിവാക്കേണ്ട ഭക്ഷണങ്ങള്..!
ഓട്ട്സ്, അരി, ഗോതമ്പ് തുടങ്ങിയ ധാന്യങ്ങള്, കപ്പ, ഉരുളക്കിഴങ്ങ്, മധുരക്കിഴങ്ങ്, ബീറ്റ്റൂട്ട് തുടങ്ങിയ കിഴങ്ങു വര്ഗ്ഗങ്ങള്, മധുര പലഹാരങ്ങള്, പഞ്ചസാര എന്നിവ മുഴുവനായും ഒഴിവാക്കണം.
കീറ്റോ ഡയറ്റിലെ ഗുണങ്ങള്..!
കീറ്റോ ഡയറ്റിലൂടെ പ്രമേഹ രോഗം, കൊളസ്ട്രോള്, ഫാറ്റീ ലിവര്, അമിത വണ്ണം, അല്ഷിമേഴ്സ് രോഗം എന്നിവ കുറയാന് സാധ്യത ഏറെയാണ് എന്നാണ് തെളിഞ്ഞിരിക്കുന്നത്.
കീറ്റോ ഡയറ്റിലെ ദോഷങ്ങള്..!
കീറ്റോ ഡയറ്റില് ഏവരേയും ആകര്ഷിക്കുന്നത് ലോ കാര്ബ് എന്ന കണ്സപ്റ്റാണ്. അതാണ് നമ്മുടെ നല്ല ആരോഗ്യത്തിനു വേണ്ടതും. എന്നാല് ഈ ഡയറ്റില് അധിക ഫാറ്റ് എന്നുളളതാണ് പ്രശ്നം. ഫാറ്റ് കൂടിയ ഭക്ഷണങ്ങള് കഴിക്കുന്ന ആളുകളില് ഹൃദ്രോഹം സ്ട്രോക്ക് ക്യാന്സര് എന്നിവ കൂടാനുളള സാധ്യത ഏറെയാണ് എന്ന് മുന്പു തന്നെ തെളിയിക്കപ്പെട്ടിട്ടുളളതാണ്. അതിനാല് ഈ ഡയറ്റ് കൂടുതല് നീട്ടിക്കൊണ്ടു പോയാന് എന്ത് സംഭവിക്കുമെന്നു പറയേണ്ടതില്ലല്ലോ? അതിനോടൊപ്പം ഹൈ-പ്രോട്ടീനും ഈ ഡയറ്റില് കഴിക്കാറുണ്ട്, അങ്ങനെ പ്രോട്ടീന് ലോഡ് വളരെ കൂടുതലാകും ശരീരത്തില്. പ്രോട്ടീന് ലോഡ് കൂടുമ്പോള് കിഡ്ണിയുടെ പ്രശ്നം ബോര്ഡറില് നില്ക്കുന്ന രോഗികളുടെ ശരീരത്തിന് ക്രിയാറ്റിൻ്റെ അളവ് കൂടാനും അത് കിഡ്ണി തകരാറിലാക്കാനും സാധ്യതയുണ്ട്.
മറ്റൊരു വ്യത്യാസം കാണുന്നത് ചര്മ്മത്തിലാണ്. അതായത് ആൻ്റി ഓക്സിഡൻ്റുകള് അടങ്ങിയ ഭക്ഷണം ഒന്നും തന്നെ കീറ്റോ ഡയറ്റില് ഉള്പ്പെടുത്താത്തതിനാല് ചര്മ്മത്തില് ചുളിവുകള് കാണപ്പെടുന്നു. അങ്ങനെ അവര് മെലിഞ്ഞിരുന്നാല് കൂടിയും കൂടുതല് പ്രായം തോന്നിക്കുന്നു.
മറ്റൊരു ആരോഗ്യ പ്രശ്മാണ് കീറ്റോ ഡയറ്റ് എടുക്കുന്നവര്ക്ക് മലബന്ധം വരാറുണ്ടെന്നുളളത്. കാരണം അവര് കഴിക്കുന്ന ഭക്ഷണത്തില് നാരിൻ്റെ അംശം വളരെ കുറവാണ്. നാരുകള് അടങ്ങിയ ഭക്ഷണം കഴിക്കാത്തവരിലും അതു പോലെ മലബന്ധം തുടര്ച്ചയായി ഉള്ളവയിലും വന്കുടല് ആമാശയ ക്യാന്സര് വരാന് സാധ്യത ഏറെയാണെന്ന് നേരത്തെ തന്നെ പഠനങ്ങള് തെളിയിച്ചതാണ്.
അതു പോലെ ഹൃദ്രോഹത്തിൻ്റെയും നിരക്ക് വളരെ കൂടുതലാണ് കീറ്റോ ഡയറ്റ് എടുക്കുന്നവരില്. അതായത് കീറ്റോ ഡയറ്റില് അധികമായി അനിമല് പ്രോട്ടീനാണ് കഴിക്കുന്നത്. അനിമല് പ്രോട്ടീനില് ഇരുമ്പ് സത്ത് വളരെ കൂടുതലാണ്. ശരീരത്തില് ഇരുമ്പ് സത്ത് കൂടുന്നത് കോശങ്ങള്ക്ക് മുറിവ് ഉണ്ടാകുന്നു (Oxidative Stress). ഇങ്ങനെ കോശങ്ങള്ക്ക് മുറിവു സംഭവിക്കുമ്പോള് ഹാര്ട്ട് അറ്റാക്കിനും ക്യാന്സറിനും കാരണമാകുന്നു.
അതു പോലെ ഹോര്മോണുകളില് വ്യത്യാസങ്ങളും കീറ്റോ ഡയറ്റില് കാണുന്നുണ്ട്. അതായത് സിറട്ടോണിന് എന്ന ഹോര്മോണ് വ്യതിയാനത്തിലൂടെ മാനസിക പിരിമുറുക്കവും സംഭവിക്കുന്നതായി കാണുന്നു.
( തയ്യാറാക്കിയത്: ഡയറ്റീഷൻ ആശാ ശ്രീജിത്ത്, അശ്വേധ ന്യൂട്രി ഹെൽത്ത്, ബാംഗ്ലൂർ )