ഒാറഞ്ചിന്‍റെ തൊലി കളയരുതെന്ന് പറയാന്‍ കാരണം

രുചിയിലും ഗുണത്തിലും ഏറെ മുമ്പിലാണ് ഒാറഞ്ചിന്‍റെ സ്ഥാനം. പലരും ഒാറഞ്ച് കഴിച്ചതിനു ശേഷം തൊലി കളയുകയാണ് ചെയ്യാറുള്ളത്. ഒാറഞ്ചിന്റെ തൊലി കൊണ്ട് ഒട്ടേറെ പ്രയോജനങ്ങള്‍ ഉണ്ട്.
അര്‍ബുദമടക്കമുളള രോഗങ്ങള്‍ തടയാന്‍ ഒാറഞ്ചിന്‍റെ തൊലിക്ക് കഴിയും. കൂടാതെ കൊളസ്ട്രോള്‍ കുറയ്ക്കാനും ഒാറഞ്ചിന്‍റെ തൊലിയ്ക്ക് കഴിയും.

വൈറ്റമിന്‍ സി ധാരാളം അടങ്ങിയ ഒന്നാണ് ഒാറഞ്ചിന്റെ തൊലി. കൊളസ്ട്രോൾ കുറയ്ക്കാൻ ഏറ്റവും നല്ലതാണ് ഒാറഞ്ചിന്റെ തൊലി. ഒാറഞ്ചിന്‍റെ തൊലിയില്‍ അടങ്ങിയിരിക്കുന്ന ഹെസ്‌പെരിഡിന്‍ എന്ന മൂലകമാണ് കൊളസ്ട്രോള്‍ നിയന്ത്രിക്കുന്നത്.

ദഹനം എളുപ്പമാക്കാൻ ഒാറഞ്ചിന്റെ തൊലി ഏറെ നല്ലതാണ്. കൂടാതെ അസിഡിറ്റി പ്രശ്നം അലട്ടുന്നവര്‍ക്കും രോഗപ്രതിരോധശക്തി വര്‍ദ്ധിപ്പിക്കാനും ഒാറഞ്ച് തൊലി വളരെ നല്ലതാണ്. രക്തത്തിലെ പഞ്ചസാരയുടെ അളവ് നിയന്ത്രിക്കാനും ഒാറഞ്ചിന്റെ തൊലി ഗുണം ചെയ്യും.