മുള വന്ന വെളുത്തുള്ളി കളയരുതെന്ന് പറയാന്‍ കാരണം

മുളവന്നതിനു ശേഷം പല ഭക്ഷ്യ വസ്തുക്കളും നമ്മള്‍ ഒഴിവാക്കാറാണ് പതിവ്. ഉരുളക്കിഴങ്ങും അതില്‍പ്പെടും .മുള വന്ന ഉരുളക്കിഴങ്ങ് ആരോഗ്യത്തിന് ഹാനികരമായതിനാലാണ് പൊതുവേ ഒഴിവാക്കുന്നത്. എന്നാല്‍ മുള വന്ന വെളുത്തുള്ളി ഉപയോഗിക്കാമോ എന്നു ചോദിച്ചാല്‍ ഉപയോഗിക്കാം എന്നാണ് ഉത്തരം.

ചെറിയ രുചി വ്യത്യാസം ഉണ്ടാവുമെന്നല്ലാതെ മുള വന്ന വെളുത്തുള്ളി ഉപയോഗിക്കുന്നത് ആരോഗ്യത്തിന് നല്ലതാണെന്നാണ് വിദഗ്ദര്‍ പറയുന്നത്. ഇതിന് 10 ദിവസത്തോളം യാതൊരു കുഴപ്പവുമില്ലാതെ സാധാരണ പോലെ ഉപയോഗിക്കാം.

ആന്‍റി ഒാക്സിഡന്‍റുകളുടെ കലവറയാണ് വെളുത്തുള്ളി . മുള വന്ന് അഞ്ച് ദിവസത്തിനു ശേഷമാണ് ഇതിലെ ആന്‍റി ഒാക്സിഡന്‍റുകളുടെ അളവ് വര്‍ദ്ധിക്കുന്നത്.

വൈറ്റമിന്‍ ബി ,കാത്സ്യം, മാംഗനീസ്, മഗ്നീഷ്യം, ഫോസ്ഫറസ്, പൊട്ടാസ്യം, സെലേനിയം തുടങ്ങി മനുഷ്യശരീരത്തിനാവശ്യമായ ഘടകങ്ങളെല്ലാം വെളുത്തുളളിയില്‍ സുലഭമായി ഉണ്ട്. കൊളസ്ട്രോള്‍ ലെവല്‍ കുറക്കുന്നതിനും വെളുത്തുള്ളി ഫലപ്രദമാണ്.