എല്ലുകൾ നല്ല ബലത്തിൽ ഇരിക്കാൻ ഇക്കാര്യങ്ങൾ ശ്രദ്ധിച്ചാൽ മതി

Authored byഅഞ്ജലി എം സി | Samayam Malayalam 24 Jan 2023, 2:34 pm

മനുഷ്യ ശരീരം കൃതക്യമായി ചലിക്കുന്നതിനും പ്രവർത്തിക്കുന്നതിനും എല്ലുകൾ വേണം. എല്ലുകൾ നല്ല ആരോഗ്യത്തോടെ ഇരുന്നാൽ മാത്രമാണ് നല്ല സ്ട്രോക്ച്ചർ നിലനിർത്തുന്നതിനും അതുപോലെ, ആരോഗ്യത്തോടെ ഓടി നടന്ന് കാര്യങ്ങൾ ചെയ്യുന്നതിനും സാധിക്കുകയുള്ളൂ.

best habits to increase your bone strength — എല്ലുകൾ നല്ല ബലത്തിൽ ഇരിക്കാൻ ഇക്കാര്യങ്ങൾ ശ്രദ്ധിച്ചാൽ മതി

ഇന്ന് പലർക്കും എല്ലുകൾക്ക് ബലം കുറയുന്നതിനാൽ തന്നെ എല്ലു തേയ്മാനം പോലെ നിരവധി പ്രശ്നങ്ങളാണ് ഇവർ നേരിടുന്നത്. ഇത്തരം പ്രശ്നങ്ങൾ ഭാവിയിൽ വരാതിരിക്കാൻ എന്തെല്ലാം കാര്യങ്ങൾ ശ്രദ്ധിക്കണം എന്ന് നോക്കാം.

എല്ലുകളുടെ ആരോഗ്യം നിലനിൽക്കേണ്ടതിന്റെ ആവശ്യകത എന്ത്?

നമ്മൾക്ക് ഓരോ പ്രായം കഴിയും തോറും എല്ലുകളിലും മാറ്റം സംഭവിക്കാറുണ്ട്. പഴയ എല്ലുകൾ തകരുകയും പുതിയ എല്ലുകൾ രൂപപ്പെടുകയും ചെയ്യുന്നുണ്ട്. നിങ്ങൾ ചെറുപ്പമായിരിക്കുന്ന സമയത്ത് ഈ പ്രക്രിയ വേഗത്തിൽ നടക്കും.

പുതിയ എല്ലുകളെല്ലാം വേഗത്തിൽ രൂപപ്പെടുന്നു. എന്നാൽ, ഒരു 30 വയസ്സിനട് അടുക്കുമ്പോൾ മുതൽ എല്ലുകളിൽ ബലക്ഷയം കണ്ട് തുടങ്ങുന്നു.

എല്ലുകളുടെ മാസ്സ് കുറയുന്നതായി നിങ്ങൾക്ക് ശ്രദ്ധിച്ചാൽ മനസ്സിലാകും.
ഇത്തരത്തിൽ എല്ലുകളുടെ മാസ്സ് കുറയുന്നത് എല്ല് തേയ്മാനത്തിലേയ്ക്ക് നയിക്കുന്നുണ്ട്. എന്തെല്ലാം കാര്യങ്ങളാണ് എല്ലുകളുടെ ആരോഗ്യത്തെ ബാധിക്കുന്നത് എന്ന് നോക്കാം.

എല്ലുകളുടെ ആരോഗ്യം നശിപ്പിക്കുന്ന കാര്യങ്ങൾ ഇവ

എല്ലുകളുടെ ആരോഗ്യത്തിന് കാൽസ്യം വളരെ അനിവാര്യമാണ്. കാൽസ്യം കുറവുള്ള ഭക്ഷണങ്ങൾ കഴിക്കാതിരിക്കുന്നത് എല്ലുകളുടെ ആരോഗ്യം നശിക്കുന്നതിലേയ്ക്കും അതുപോലെ, എല്ലുതേയ്മാനം പെട്ടെന്ന് വരുന്നതിന് കാരണവുമാണ്.

അതുപോലെ തന്നെ, പുരുഷന്മാരെ അപേക്ഷിച്ച് സ്ത്രീകൾക്കാണ് എല്ലുകൾക്ക് ബലക്ഷയം പെട്ടെന്ന് കണ്ടുവരുന്നത്. അതിനാൽ 30 വയസ്സിനോട് അടുക്കുമ്പോൾ തന്നെ എല്ലുകളുടെ ആരോഗ്യം ശ്രദ്ധിക്കാൻ ഒരിക്കലും മറക്കരുത്.

ഒട്ടും വ്യായാമം ചെയ്യാതെ ഇരിക്കുന്നവരിലും പുകവലി, മദ്യപാനം എന്നീ ദുശ്ശീലങ്ങൾ ഉള്ളവരിലും എല്ലുകളുടെ ആരോഗ്യം നഷ്ടപ്പെടുന്നത് കാണാം. എല്ലുകളുടെ ആരോഗ്യം നിലനിർത്തുന്നതിന് എന്തെല്ലാം കാര്യങ്ങൾ ശ്രദ്ധിക്കണം എന്ന് നോക്കാം.

കാൽസ്യം അടങ്ങിയ ആഹാരം ധാരാളം കഴിക്കാം

എല്ലുകളുടെ ആരോഗ്യം നിലനിർത്തുന്നതിന് ഏറ്റവും പ്രധാനപ്പെട്ടതാണ് കാൽസ്യം. കാൽസ്യം അടങ്ങിയ ആഹാരം ധാരാളം കഴിക്കുന്നത് ആരോഗ്യത്തിന് വളരെ നല്ലതാണ്.

19 വയസ്സ് മുതൽ 50 വയസ്സ് വരെ ഉള്ളവരും അതുപോലെ, 51 വയസ്സ് മുതൽ 70 വയസ്സ് വരെയുള്ള പുരുഷന്മാർ ഒരു ദിവസം 1000 മില്ലിഗ്രാം കാൽസ്യം കഴിക്കണം എന്നാണ്.

സ്ത്രീകൾക്ക് പുരുഷന്മാരെ അപേക്ഷിച്ച് കൂടുതൽ കാൽസ്യം അനിവാര്യമാണ്. അതിനാൽ തന്നെ, 51 മുതൽ, 71 വയസ്സ് വരെയുള്ള സ്ത്രീകൾ 1200 മില്ലിഗ്രാം കാൽസ്യം ഒരു ദിവസം കഴിക്കണം എന്നാണ് പറയുന്നത്.

ബദാം, ബ്രോക്കോളി, കാബേജ്, സാൽമൺ ഫിഷഅ, സോയ്, പാൽ ഉൽപന്നങ്ങൾ എന്നിവയെല്ലാം കഴിക്കുന്നത് വളരെ നല്ലതാണ്.

വിറ്റമിൻ ഡി

നമ്മളുടെ ശരീരത്തിലേയ്ക്ക് കാൽസ്യം കൃത്യമായ അളവിൽഎ ത്തണമെങ്കിൽ വിറ്റമിൻ ഡി ആവശ്യത്തിന് ശരീരത്തിൽ ഉണ്ടായിരിക്കണം. 19 വയസ്സ് മുതൽ 70 വയസ്സ് വരെയുള്ളവർക്ക് 600 ഇന്റർനാഷ്ണൽ യൂണിറ്റ്സ് വിറ്റമിൻ ഡി വേണം എന്നാണ്.

71 വയസ്സിന് മുകളിൽ ഉള്ളവരാണെങ്കിൽ അവർക്ക് 800 ഇന്റർനാഷ്ണൽ യൂണിറ്റ്സ് വിറ്റമിൻ ഡി ലഭിക്കണം. എന്നാൽ മാത്രമാണ് കാൽസ്യവും കൃത്യമായ രീതിയിൽ ശരീരത്തിൽ എത്തുകയുള്ളൂ.

Also Read: വിറ്റമിന് ഡി കൂടാന് ഇതാ 5 മാര്ഗ്ഗങ്ങള്

വ്യായാമം

കൃത്യമായ രീതിയിൽ വ്യായാമം ചെയ്യേണ്ടതും അനിവാര്യമാണ്. ശരീരഭാരം കുറയ്ക്കുന്നതും അതുപോലെ, എല്ലുകളുടെ ആരോഗ്യം നിലനിർത്താൻ സഹായിക്കുന്നതുമായ നടത്തം, ജോഗിംഗ്, പടികൾ കയറി ഇറങ്ങുന്നത് എന്നീ ചെറിയ ചെറിയ വ്യായമങ്ങൾ ചെയ്താൽ എല്ലുകൾക്ക് ബലം ലഭിക്കുന്നതാണ്.

ഇവ കൂടാതെ, പുകവലി, മദ്യപാനം എന്നീ ദുശ്ശീലങ്ങൾ നിങ്ങൾക്ക് ഉണ്ടെങ്കിൽ അവ കുറയ്ക്കുന്നതും നല്ലതാണ്.