ചിയ വിത്തുകള്‍
കറുത്ത നിറത്തിലെ ചെറിയ വിത്തുകളാണ് ചിയ വിത്തുകള്‍. അമിതവണ്ണം കുറയ്ക്കാന്‍ ആഗ്രഹിക്കുന്നവര്‍ക്ക് കൂടെ കൂട്ടാവുന്നൊരു പങ്കാളിയാണ് ഈ വിത്തുകള്‍. ഇതു നിങ്ങളുടെ തടി കുറയ്ക്കാന്‍ സഹായിക്കും.വലിപ്പത്തില്‍ ചെറുതാണെങ്കിലും ആന്റി ഓക്‌സിഡന്റുകളും, വിറ്റാമിനുകളും ധാതുക്കളും, ഡയറ്ററി ഫൈബറും, പ്രോട്ടീനും, ഒമേഗ 3 ഫാറ്റി ആസിഡുകളും പോലുള്ള അവശ്യ പോഷകങ്ങള്‍ ചിയ വിത്തുകളില്‍ അടങ്ങിയിട്ടുണ്ട്. ഇതിനൊപ്പം ഗ്ലൂട്ടെന്‍ ഫ്രീ വിത്തുകള്‍ കൂടിയാണിവ. ഇതിനാല്‍ തന്നെ പ്രമേഹ സാധ്യത കുറയ്ക്കാനും ഇതു വഴിയുള്ള തടി കുറയ്ക്കാനും സഹായകവുമാണ്.
ചെറുനാരങ്ങ
വയര്‍ കുറയ്ക്കാന്‍ സഹായിക്കുന്ന വീട്ടു വൈദ്യങ്ങളില്‍ പ്രധാനപ്പെട്ടതാണ് ചെറുനാരങ്ങ. ആരോഗ്യത്തിനും സൗന്ദര്യത്തിനും മുടിയ്ക്കുമെല്ലാം ഒരു പോലെ സഹായിക്കുന്ന ഒന്നാണിത്. ഇതിലെ വൈറ്റമിന്‍ സി, സിട്രിക് ആസിഡ് എന്നിവയാണ് വയര്‍ കുറയ്ക്കാന്‍ സഹായിക്കുന്ന പ്രധാനപ്പെട്ട ഘടകങ്ങള്‍. ശരീരത്തിന്റെ ചൂടു വര്‍ദ്ധിപ്പിച്ച് അപചയ പ്രക്രിയ ശക്തിപ്പെടുത്തി ഇത് ശരീരത്തിലെ കൊഴുപ്പു നീക്കുന്നു. ഇതു പോലെ ശരീരത്തിലെ കൊഴുപ്പു പുറന്തള്ളാന്‍ വൈറ്റമിന്‍ സി ഏറെ നല്ലതുമാണ്. ഗ്യാസ്, അസിഡിറ്റി പ്രശ്‌നങ്ങള്‍ക്കുള്ള നല്ലൊരു പരിഹാരം കൂടിയാണിത്.നല്ല ദഹനത്തിനും ശോധനയ്ക്കുമെല്ലാം സഹായിക്കുന്നതിലൂടെയും ഇത് വയറ്റിലെ കൊഴുപ്പു നീക്കാന്‍ സഹായിക്കുന്നു.
ഇതിനായി
ഇതിനായി തലേ ദിവസം ഒരു ടേബിള്‍ സ്പൂണ്‍ ചിയ സീഡുകള്‍ വെള്ളത്തില്‍ ഇട്ട് കുതിര്‍ത്തുക. ഇത് രാവിലെ ഒരു ടീസ്പൂണ്‍ ചെറുനാരങ്ങാനീര് ചേര്‍ത്തിളക്കി കുടിയ്ക്കാം. ഇതില്‍ വേണമെങ്കില്‍ അല്‍പം തേന്‍ കൂടി ചേര്‍ക്കാം. ഇത് വെറും വയറ്റില്‍ കുടിയ്ക്കുന്നതാണ് കൂടുതല്‍ ഗുണകരമെന്ന് വേണം, പറയുവാന്‍. വയര്‍ പോകുന്നതുള്‍പ്പെടെ പല ആരോഗ്യ ഗുണങ്ങളും ഇത് നല്‍കുന്നു.