വളർത്തു മൃഗങ്ങളിലൂടെ കൊറോണ വൈറസ് പകരുമോ?

കൊറോണയെക്കുറിച്ച് പറയുമ്പോൾ പല കാര്യങ്ങളും ശ്രദ്ധിക്കേണ്ടിയിരിക്കുന്നു. ഇത് വരെ മരുന്ന് കണ്ടു പിടിക്കാത്ത ഒരു രോഗമാണ് കൊറോണ വൈറസ്. അത് കൊണ്ട് തന്നെ പല കാര്യങ്ങളും ശ്രദ്ധിക്കേണ്ടിയിരിക്കുന്നു. പലതരത്തിലുള്ള വ്യാജ സന്ദേശങ്ങളും ഇന്ന് പല കോണുകളിൽ നിന്നായി പ്രചരിക്കുന്നുണ്ട്. എന്നാൽ അതൊക്കെയും തിരിച്ചറിയേണ്ടിയിരിക്കുന്നു. ശ്രദ്ധിക്കേണ്ട കാര്യം എന്താണെന്ന് വെച്ചാൽ പണ്ടു മുതൽക്ക് തന്നെ കൊറോണ വൈറസ് ഉണ്ട് എന്നതാണ്.

കേരളത്തിൽ ഇത് മൂന്നാമത്തെ ആൾക്കാണ് കൊറോണ സ്ഥിരീകരിച്ചിരിക്കുന്നത്. വുഹാനിൽ പഠിക്കുന്ന കാസർഗോഡ് വിദ്യാർത്ഥിക്കാണ് കൊറോണ സ്ഥിരീകരിച്ചിരിക്കുന്നത്. പേടിക്കേണ്ടതില്ല എന്നാണ് സർക്കാർ വൃത്തങ്ങൾ അറിയിച്ചിരിക്കുന്നത്. ഇതുവരെയായി കേരളത്തിൽ റിപ്പോർട്ട് ചെയ്തിരിക്കുന്ന കൊറോണ വൈറസ് ബാധയും ചൈനയിൽ നിന്ന് വന്നവരിലാണ്. അത് കൊണ്ട് തന്നെ അവർക്ക് വേണ്ട വിധത്തിലുള്ള ശുശ്രൂഷകളും സർക്കാർ ഒരുക്കിയിട്ടുണ്ട്. മാത്രമല്ല കേരളത്തിൽ ഇതിനെ പ്രതിരോധിക്കാനുള്ള എല്ലാവിധ സജ്ജീകരണങ്ങളും ഒരുക്കിയിട്ടും ഉണ്ട്.

കൊറോണ വൈറസിന്റെ പശ്ചാതലത്തിൽ ശ്രദ്ധിക്കേണ്ട കാര്യം എന്താണെന്ന് വെച്ചാൽ വീടും ചുറ്റുപാടും വൃത്തിയായി സൂക്ഷിക്കുക എന്നതാണ്. നമ്മളിൽ പലർക്കുമുള്ള പൊതുവായ പ്രശ്നങ്ങളിൽ ഒന്നാണ് കണ്ടിടത്തൊക്കെ തുപ്പി വെക്കുക എന്നത്. എന്നാൽ അത്തരത്തിൽ തുപ്പിയിടുന്ന സ്വഭാവം ഉപേക്ഷിക്കുക. കൊറോണവൈറസിന്റെ പശ്ചാതലത്തിൽ ഇത്തരത്തിലുള്ള കാര്യങ്ങളിൽ അതീവ ശ്രദ്ധ ചെലുത്തുക. തുമ്മുകയോ മറ്റോ ചെയ്യുന്നുണ്ടെങ്കിൽ കൈകളുടെ മുട്ടിലേക്ക് തുമ്മാൻ ശ്രദ്ധിക്കുക. ആരോഗ്യകരമായ എല്ലാ പ്രശ്നങ്ങൾക്കും അത്യാവശ്യമായി വേണ്ട ഒന്നാണ് വൃത്തി എന്ന് ആദ്യം തന്നെ അറിഞ്ഞിരിക്കുക. അത് കൊണ്ട് തന്നെ എന്നും വൃത്തിയായി നടക്കാൻ ശ്രദ്ധിക്കുക. ഇത് നിങ്ങൾക്ക് ആരോഗ്യമുള്ള ശരീര പ്രധാനം ചെയ്യും.

കൊറോണ വൈറസ് പടരുന്നതെങ്ങനെ? ശ്രദ്ധിക്കണം ഈ കാര്യങ്ങൾ

പുറത്തേക്കും അല്ലെങ്കിൽ പബ്ലിക്കിന് ഇടയിലേക്കും പോകുമ്പോൾ കൈയിൽ ഒരു ടിഷ്യു കരുതിയിരിക്കുക. തുമ്മുമ്പോഴും മറ്റും ടവ്വല് ഉപയോഗിക്കുന്നതിന് പകരം ടിഷ്യു ഉപയോഗിക്കാൻ ശ്രദ്ധിക്കുക. ഇത് നിങ്ങളുടെ ആരോഗ്യത്തിനെ വളരെ അധികം നല്ലതാണ് എന്ന് അറിഞ്ഞിരിക്കുക. പ്രത്യേകം ശ്രദ്ധിക്കേണ്ട കാര്യം എന്താണെന്ന് വെച്ചാൽ ടവ്വലുകൾ അധികം ഉപയോഗിക്കാതിരിക്കുക എന്നതാണ്. പ്രത്യേകിച്ചും തുമ്മുമ്പോഴും മറ്റും. നമ്മളിൽ പലരും ഉപയോഗിക്കാറുള്ളത് ടവ്വലോ മറ്റോ ആയിരിക്കും. എന്നാൽ ഇനി കുറച്ച് ദിവസത്തേക്ക് അത്തരത്തിലുള്ളവ ഒഴിവാക്കാൻ ശ്രദ്ധിക്കുക. തുമ്മുമ്പോഴും മറ്റും ടിഷ്യുവിലേക്കോ അല്ലെങ്കിൽ കൈ മുട്ടിലേക്കോ തുമ്മാൻ ശ്രദ്ധിക്കുക. ഉപയോഗിച്ച ടവ്വലുകൾ വീണ്ടും വീണ്ടും ഉപയോഗിക്കുമ്പോൾ പലതരത്തിലുള്ള ആരോഗ്യ പ്രശ്നങ്ങളും ഉണ്ടാക്കാനുള്ള സാധ്യത കൂടുതലാണ്.

കേരളത്തിലും കൊറോണ; സൂക്ഷിക്കണം, ശ്രദ്ധിക്കണം ഇക്കാര്യങ്ങൾ...

വളർത്തു മൃഗങ്ങളെ അതിയായി സ്നേഹിക്കുന്നവരായിയിരിക്കും നമ്മളിൽ പലരും. എന്നാൽ ഇത്തരത്തിൽ വളർത്തു മൃഗങ്ങളുമായി കളിക്കുന്നത് പലപ്പോഴും പല രോഗങ്ങൾക്കും കാരണമാകുമെന്ന് ആരോഗ്യ വിദഗ്ദർ പറയാറുണ്ട്. എന്നാൽ അതിന് പുറമെ ഇപ്പോൾ കൊറോണയുടെ പശ്ചാതലത്തിൽ പല വിധത്തിലുള്ള വ്യാജ വാർത്തകളും പടരുന്നുണ്ട്. അത് കൊണ്ട് തന്നെ പലതരത്തിലുള്ള ചോദ്യങ്ങളും പലരിലും ഉദിക്കുന്നുണ്ട്. അത്തരത്തിൽ ഒരു ചോദ്യമാണ് വളർത്തു മൃഗങ്ങളിൽ നിന്ന് കൊറോണ പകരുമോ എന്നത്. പലരും ഇത്തരത്തിൽ വളർത്തു മൃഗങ്ങളിൽ നിന്ന് കൊറോണ പകരും എന്ന് പേടിച്ചിരിപ്പാണ്. എന്നാൽ ഇത് വരെ ഇത്തരത്തിൽ തെളിവുകൾ ലഭിച്ചിട്ടില്ല എന്നാണ് ആരോഗ്യ വിദഗ്ദർ പറയുന്നത്.

കൊറോണ വൈറസ് Vs. സാധാരണ പനിയും ജലദോഷവും: അറിയണം ഈ വ്യത്യാസങ്ങൾ

മൃഗങ്ങളിൽ നിന്നും മനുഷ്യരിലേക്ക് പകരുന്ന രോഗമാണ് കൊറോണ വൈറസ് എന്നതാണ് ആരോഗ്യ വിദഗ്ദർ പറയുന്നത്. എങ്കിലും വളർത്ത് മൃഗങ്ങളിൽ നിന്നും മനുഷ്യരിലേക്ക് പകരുന്നതിനുള്ള തെളിവുകളൊന്നും ഇതുവരെ ലഭിച്ചിട്ടില്ല. എന്നിരുന്നാലും വളർത്തുമൃഗങ്ങളെ തൊട്ടു കഴിഞ്ഞാൽ കൈകൾ സോപ്പും വെള്ളവും ഉപയോഗിച്ച് കുറഞ്ഞത് പത്ത് സെക്കൻഡ് എങ്കിലും കഴുകുന്നത് വളരെ നന്നായിരിക്കും. കാരണം വൈറസ് രോഗം മാത്രമല്ല ഇ കൊളൈ, സാൽമൊണല്ല തുടങ്ങിയവ വരുന്നത് തടയും. അത് കൊണ്ട് തന്നെ വളർത്തു മൃഗങ്ങളെ താലോലിക്കുന്നവർ ശ്രദ്ധിച്ചാൽ മതി.